1 Samuel 12:21 - Biblia Dc en Mixe de Quetzaltepec

²¹ Këtii yë'ë xypyanëjkxtëkëtëty yë wiink tios, mëti'ipë ka'ap tjëkyepyën mputëkëty ets myajtso'okëtëty.

Biblia Mixe de Quetzaltepec

²¹ Këtii yë'ë xypyanëjkxtëkëtëty yë wiink tios, mëti'ipë ka'ap tjëkyepyën mputëkëty ets myajtso'okëtëty.

1 Samuel 12:21 ပူးပေါင်းရင်းမြစ်များ

2 Reyes 17:15

jëkäm jëxkë'ëm tpëjktaktë ja ënä'ämën tëyajtën, ja käjpxytyu'unën mëti'ipë tyuuntën ja y'apëty y'okëty ets ja ënä'ämën mëti'ipë ënety të yajmo'otën. Jä'ä pyanëjkxtëjkëtyë ja tios ka'apë nitii tsowëtyën ets ojts ja jyot wyinma'any tyajtëkoytyë, tuunëtë näjyëtu'un winë tä ja naax kajpnëtyën jampë ënety winkon yajpaatën, mëti'ipë ja Wintsën ka'ap ninu'un të tyajkutukyën tuntëty.

Isaías 41:29

Nitii tkakëjxm'atë yë'ëjëty, oy jeexyë tu'ukën. Nitii kyamayëtë tuntëty; naaxpotsy yë je'eyë mëti'ipë tukwa'atsën.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Isaías 46:7

Tmëjëtitë ënät kyejkyijxy ets tmënëjkxtë muum; ma tmëja'tën, kepykyijxy tkëxkë'ëtë ets jam tyajwë'ëmtë; jam y'ity, ka'ap maa nyijkxy. Oy jënu'un tmëya'ax tmëjoktëty t'amëtowtëty yë näypyutëkë ka'ap y'ëtsowa'anëtë ets ka'ap yajtso'okëtëty ëyo'ontum.

Jeremias 10:15

ka'ap nitii tsowajtën tmëëtëty ets ëxëëk oytyukxiknë yaj'ixy. Ko ënety ja Wintsën tii tnipaye'ey, jää tyajkutëkoyä'äny yë awinax.

Jeremias 10:8

Aak tsuu aak nëpap yë ja'ayëty, ni pën wijyajtën tkamëëtëty. Ijxkëm pën tu'kpuxyën tyukni''ixëtë kepy.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 2:5

Jëtu'un ja Wintsën m'ënë'ëmxëtë: ¿Tii jëtää ojts ëxëëk t'ixtë maas ëjtsën ja m'ap m'okëty koos xy'ëxmajtstë? Yë'ë ojts tpanëjkxtëkëtë wiinkëtypë tios ka'apë tii mëj'ajtën tmëëtëtyën, yë'ëjëty ka'ap tii tpatë t'ijxtë.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Jonás 2:9

E ëjts nyajnaxäämpyës ja kukkajpxën ja'awëkyëtakkën ma mijtsën ets nmo'ojäämpy yë mwintsë'kën. Mijts tu'ukyë maayëp wi'ix yë ja'ay xyaj'ëwaatsëpëtsëmëtyën.

Habacuc 2:18

¿Tii nyawa'anëty tu'uk yë awinax mëti'ipë tëë jyaa'apatëtyä'äyën? ¿Tii nyawa'anëty mëti'ipë ja'ay je'eyë tyuk'antäkpyën? Yë awinax ka'ap yë kyäjpxy; ¿wi'ix yë ja'ay tukjotkujk'atëty tääpë awinax mëti'ipë ja'ay tsyejtsypyën?

Hechos 14:15

Mëku'uktëjkëty, ¿tii ko jëtu'un m'ëtë'ëtstë? Ja'ay ëëts näjyëtu'unëty ijxtëm miitsëtyën. Yë'ës nimiintëp ets ja oy aaw oy ayuk nkajpxwa'kxa'antës ets xy'ëxmatstëty ya'atë jëtu'unpë winma'any mëti'ipë ka'ap tsyowpaatyën. Mëpëktë ja Dios Juukpyë, mëti'ipë tsajp yajkojën, naaxwiinyëtë ets ja mejy ets tu'kë'ëyë winë mëti'ipë naaxwiiny yajpatpën.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënety të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Dios je'eyë.

Deuteronomio 11:16

E miitsëty mëk mnäkyëwent'atëtëty, këtii myajwin'ëëntëty, këtiipë Wintsën nijëna'a xy'ëxmatstëty ets wiink wintsën xypyanëjkxtëkëtëty, xy'ëwtatëty, ëkë xywyinkoxtänëtëty.

Deuteronomio 30:17

E pën kajts xytyuntë këwentë, ja wiink wintsën jä'ä mpanëjkxtëjkëtyëp ets mwinkoxtënaaytyëp.

Deuteronomio 32:21

Yë'ëjëty je'eyës xëmë xyajjoot'anpëktë. Jä'ä ko ënätyë wiink wintsën tpanëjkxtëkëtë, ëxëëkës njanäjyawëty, ko yë'ë tmëjjawëtë ka'apë wyintsënëtyën. E kajts wyi'ixëty oy ko jyëtu'unëty, nëjkxëp yë ja'ay ëxëëk tyunëtë mëti'ipë jëtu'unyë jëtijtëpën, ka'apë yajnijawën maajën kyukajpn'atë, nëjkxëp yajtsipkä'äxëtë yë ja'ay mëti'ipë ka'ap ninu'un jyä'äkyukën.