1 Samuel 12:20 - Biblia Dc en Mixe de Quetzaltepec

²⁰ Tä ja Samuel y'ëtsooy: Këtii mtsë'ëkëtë. Tëy ko tëë mpokytyuntë e këtii mmaytyë mtajtë, tyam yi'iyë yë Wintsën tsyojkpy ets këtii xynyawa'ktu'utëty ets xy'ëxmatstëty, tu'ukyë yë'ë timy'ëwtatë winë'aaw winëjot.

Biblia Mixe de Quetzaltepec

²⁰ Tä ja Samuel y'ëtsooy: Këtii mtsë'ëkëtë. Tëy ko tëë mpokytyuntë e këtii mmaytyë mtajtë, tyam yi'iyë yë Wintsën tsyojkpy ets këtii xynyawa'ktu'utëty ets xy'ëxmatstëty, tu'ukyë yë'ë timy'ëwtatë winë'aaw winëjot.

1 Samuel 12:20 ပူးပေါင်းရင်းမြစ်များ

Deuteronomio 11:16

E miitsëty mëk mnäkyëwent'atëtëty, këtii myajwin'ëëntëty, këtiipë Wintsën nijëna'a xy'ëxmatstëty ets wiink wintsën xypyanëjkxtëkëtëty, xy'ëwtatëty, ëkë xywyinkoxtänëtëty.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënety mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Salmos 101:3

Nijëna'ajës yë ëxëëkpë tëkatsypë nkatuk'ijxpäta'any maas winë ntuna'anyën. N'ëxëëk'ijxypyës yë ja'ay mëti'ipë ka'ap yë Dios oy tmëtunyën; Ka'apës nkupëka'any etsës xymyëwinkontëty.

Salmos 40:4

Jotkujk yë ja'ay yajpaaty mëti'ipë yi'iyë tyuk'ijxpejtypyën yë Wintsën, ets ka'ap tmëjwa'kpety mëti'ipë je'eyë nämyëjja'aw näjyääntyjya'awëyëpën mëti'ipë wiink tios y'ëwtajtëpën.

Josue 23:6

Yë'ë patuntë ja ënä'ämën tëyajtën mëti'ipë jap miinpën këxja'ay ma ja nokyën mëti'ipë yë Moisés y'ëxajëyën.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Éxodo 23:25

Yë'ë jëtu'un m'ëwtatëp yë mWintsën ets yë'ë mo'ojanëp yë mka'ayën m'ukën. Nëjkxëpës näjyëtu'un njëpëky njëtuny yë pa'am ëyo'on ma miitsëtyën.

Éxodo 32:30

Ënet komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Dios jam yajpaatyën etsës nnijawëja'any pën n'ëkyajjotujkpyës yë Dios ets jeexyë myajpokmyä'kxtë.

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Hageo 2:5

Jëtu'un ijxtëm ojts ntukwinwanëtën ko jap Egiptë mtso'ontë, yë njot nwinma'anyës xëmë yajpaaty ma miitsëtyën. Këtii mtsë'ëkëtë.