1 Samuel 12:18 - Biblia Dc en Mixe de Quetzaltepec

¹⁸ Ënet ojts ja Samuel ja Dios tjanty myëpëjktsoy, e ja Wintsën ënätyë tyaj'ëtëtstäky tyaj'ënaantäky ja poj ënääw ets tyuuy janty kom. Ko jëtu'un ja naax kajpn t'ijxtë ënät ojts ja tsë'ëkë tyuktëjkëtya'ajëtë ma Tiosën ets ma ja Samuelën.

Biblia Mixe de Quetzaltepec

¹⁸ Ënät ojts ja Samuel ja Tios tjanty myëpëjktsoy, e ja Wintsën ënätyë tyaj'ëtëtstäky tyaj'ënaantäky ja poj ënääw ets tyuuy janty kom. Ko jëtu'un ja naax kajpn t'ijxtë ënät ojts ja tsë'ëkë tyuktëjkëtya'ajëtë ma Tiosën ets ma ja Samuelën.

1 Samuel 12:18 ပူးပေါင်းရင်းမြစ်များ

1 Reyes 18:42

Ja Ahab ojts ja nyijkxy ma jyëën tyëjkën kääpyë ukpë. E ja Elías jam ojts nyijkxy tunkëjxm ma kyëpäjta'ayën ja kopk mëti'ipë yajtijpën Carmel, jamts nyäkyoxtënaaytyakë ëmuumtu'ukjot,

Esdras 10:9

Paatykyëjxm ja Judá ja'ayëty ets Benjamín ja'ayëty jam nyiye'eypyäjtaaytyë Jerusalén ma y'i'px anyën ja mëtaxtujk po'opë, ma tyëkëëkxëëwpetyën jëtu'un tä ënety të t'awitstën ja xëëw ma ye'eymyuka'antën. Aakjam ja'ay nyaaxwä'tstaaytyë tsajptëjk'ëkë'ëm, aak tsëtyuuytyëp ja ja'ayëty mëët ja jotmay ets mëët ja nëë tuu näjyëtu'un.

Job 37:13

Tëkokyë mëti'ipë tuunëpën jajtëpën aakyë'ë Dios tyuunpy ets tëytyuna'any ja naaxwiinyëtë ëkë ets tsoka'any tjawëja'any.

Salmos 99:6

Yë Moisés ets Aarón jam yajpaatë ma y'itën yë Dios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.

Éxodo 14:31

Ko ja Israel ja'ayëty t'ijxtë ja Dios ja myëj'ajtën mëti'ipë tyuunën ma ja Egiptë ja'ayëtyën, ënät ja Dios tmëjja'awëtyë ets tmooytyë ja näywyinkutsë'kën, tä ojts jam tu'ukyë timpyëjkta'aktë ja wyinma'anyëty ma yë'ëjën ets näjyëtu'un ma ja tyuunpën Moisés.

Josue 10:12

Ko yë Wintsën tkë'ëyäjky yë Amor ja'ayëty ma Israel ja'ayëtyën, ojts yë Josué yë Wintsën tmëkäjpxy jam ma ja mayjyä'äy yajpaatën ets t'ënëmaay: Yë xëëw wä'än twë'ëmy jam Gabaón; Yë po'o wä'än twë'ëmy jam Aialón.

Josue 4:14

Jä'ä xëëw ojts yë Dios tyajkutuky ets tëkokyë yë Israel ja'ayëty mëj'äämpy tyajnaxtëty yë Josué ets twinkutsë'ëkëtëty, tä ja Moisés ënety të twinkutsë'ëkëtën ko jyuuky'äjty.