1 Samuel 12:12 - Biblia Dc en Mixe de Quetzaltepec

¹² E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

Biblia Mixe de Quetzaltepec

¹² E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

1 Samuel 12:12 ပူးပေါင်းရင်းမြစ်များ

Jueces 8:23

Tä ja Gedeón y'ëtsooy: Ëjts ets nmaankës ka'apës tääpë tuunk nkupëktëty ets miits n'ënä'ämtëty. Yë Wintsën yë'ë kë'ëm nyija'ap wi'ix y'ënä'äma'any ma miitsëtyën.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënety ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

Oseas 13:10

¿Maajën ënät tyam ja yajkutujkpë mëti'ipë myajtsokëpën ma tu'kë'ëyë mnaax mkajpn xymyëët'atyën? ¿Maa ënät ja tsiptuunpëtëjk jotmëkëtypë mëti'ipë ojts xy'amëtoyën ets yë'ë xykyutujkpë'ata'any?

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Salmos 74:12

Ko pya'tkë'p'ajty ets tyampaat, mijts jëtu'un n'ënä'ämpë'ajtyp. Mijts Dios, ojts kanaak ok mmëtä'äky tsipjoty yaa naaxwiiny naaxkëjxy.

1 Samuel 8:3

E tääpë ëna'këty ka'ap ojts oy winë tuntë tä ja tyeetyën, je'eyë ijty tsoktë ja wit meeny, ko pën tii tuuntëkoy ja meeny y'ëxajëkyojtëp tääts ka'ap tii winë oy tnipaye'eytyë.

Jueces 9:18

E miitsëty ni'ikyë tyam ja nteetyës ja y'u'unk y'ëna'k y'u'unk tyo'oxytyëjk të xytyukjoot'anpëjknëtë, ix tëë xytyimyaj'o'kta'atë ja nitëkë'px majkpë ja y'ëna'k tu'ktonyë. Ets ka'ap yi'iyëty, nän tëë yajkutujkpë xypyëjkta'aktë yë Abimélec, ja myaank ja to'oxytyëjk mëti'ipë ka'ap yë nteetyës to'oxytyëjkëtyën, yi'iyë ko je'eyë xynyamëkukajpn'atë.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Jeremias 40:11

Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënety yë yajkutujkpë të tpëjktä'äky yë Guedalías jam ënä'ämpë.