1 Samuel 12:11 - Biblia Dc en Mixe de Quetzaltepec

¹¹ E mëët ko jëtu'un mëk ja Dios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.

Biblia Mixe de Quetzaltepec

¹¹ E mëët ko jëtu'un mëk ja Tios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.

1 Samuel 12:11 ပူးပေါင်းရင်းမြစ်များ

Jueces 6:32

Jä'ä xëëw ojts ja Gedeón tyajxëëwpätë Jerubaal, jä'ä ko tyaa y'ënantë: Wä'än kë'ëm yë Baal näkyuwa'anyë. E paatykyëjxm jëtu'un tyajxëëwpäjtë jä'ä ko yë Gedeón yë'ë ënety ja Baal ja wyintsë'këntyakn të tjijtë'ëky.

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

Jueces 6:14

Ënet ja Dios ja kyukäjpxy je'eyë wyintë'kxë ets y'ënëmaayë: Yajtun ja mjot mëjaaw mëti'ipë mëët'ajtypyën ets nëjkx yajtso'ok Israel ja'ayëty ma Madián ja'ayëtyën. Ëjts jëtu'un yam mijts nkejxyp.

1 Samuel 7:13

Yë filistejë ja'ayëty ka'ap ojts y'ëkmëtaknëtë, jääpaat jëtu'un kyijxy nyäjxy, ka'ap ojts y'ëkyajmëma'ayënëtë nëkoo Israel ja'ayëty. Mapaat yë Samuel jyuuky'äjtyën yë Wintsën ëxëëk tuuny yë filistejë ja'ayëty.

Jueces 8:35

Ka'ap ojts jëtu'un t'oyjyawëtë ja Jerubaal ja y'u'unk tyo'oxytyëjk tä ënety jyapaatyën, oy winë mëj këjää tjatuuny ma yë'ëjëtyën mëti'ipë ojts tuk'oy'atën.

Jueces 8:29

Jerubaal, mëti'ipë näjyëtu'un yajtijpën Gedeón, jam ojts nyëjkxnë tsënääpyë ma tyëjkën. Jä'ä yë y'u'unk y'ëna'k nyiwinë'ajtë nitëkë'px majk, jä'ä ko kanaak ënety ja tyo'oxytyëjk tmëëtëty.

Jueces 6:31

E ja Joás ënät t'ëtsooy ja ja'ayëty mëti'ipë të myintën: ¿Miits mkuwa'anantëp yë Baal ets yë'ë mnitsiptunantëpë? Jëyëjp mëpaat y'ooky yë ja'ay mëti'ipë kyuwa'anäämpyën yë Baal naamka'anëm xyiinyë. Pën Baal yë'ë Tios'ajtp, ëxmatstë, wä'än kë'ëm näkyuwa'anyë, jä'ä ko yë'ë ja wyintsë'këntyakn të yajijtë'ëky.

Jueces 7:1

Gedeón mëti'ipë ënety të txëëwmo'otën Jerubaal ets tëkokyë mëti'ipë ënety jämyëët'ajtëpën tsojk ojts tsyo'onkojtë jopyëp ets nyëjkxtë jam Harod ma ja nëëwookyën. Ja Madián ja'ayëty jam ënety të nyäpyëjkta'akëtë anëkëjxytsyow, ma tu'uk ja mëj joyën mëti'ipë yajpatpën jam kopk'ëjx mëti'ipë xyëëwajtypyën Moré.

1 Samuel 3:20

Tu'kë'ëyë ja naax kajpy jampë yajpaatën ma Dan y'itjotmën ets ma txëëwatyën Beerseba ojts tnijawëtë ko yë Samuel yë'ë ënety tu'uk mëj Dios mëtuunpë mëti'ipë nyikajpxëpën ja Wintsën ja y'aaw y'ayuk jëwyiin jëyëjp.

2 Reyes 13:5

Tääts ja Wintsën tu'uk tkejxy ja mëti'ipë nitsiptunëtëpën, jëtu'un ja Israel ja'ayëty ojts jatëkok tsyo'oktë ma ja sirië ja'ayëtyën ets jyotkujkëtyë, jotkujk jatëkok y'ijtë ma jyëën tyëjkëtyën.

1 Crónicas 7:17

Ulam jä'ä myaank xyëëwajt Bedán. Ya'atë jëtu'un y'u'unk'ajt y'ëna'k'ajt ja Galaad, myaank yë Maquir, y'u'unk yë Manasés.