1 Samuel 12:10 - Biblia Dc en Mixe de Quetzaltepec

¹⁰ E yë'ëjëty ko jëtu'un jyajtë kyëpäjtë, ënätnëm ots t'ixkaptë pën jëtu'un Wintsënajtp, ets tja'awëy'ijtë ko tëë ënety pyokytyuntë ko t'ëxmajtstë ja wyintsën Tiosëty ets ko ja wiink tios ojts tpanëjkxtëjkënyëtë tä ja mëti'ipë xyëëwajtëpën Baal ets Astarté; e ojts mëk tmëpëjktsowtë ja Dios ets ojts pyokymyä'kxëtë ets yajtsokëtë ma ja myëtsiptëjkëtyën, ko t'ëwtajtë winë aaw winëjot yi'iyë tu'uk.

Biblia Mixe de Quetzaltepec

¹⁰ E yë'ëjëty ko jëtu'un jyajtë kyëpäjtë, ënätnëm ots t'ixkaptë pën jëtu'un Wintsënajtp, ets tja'awëy'ijtë ko tëë ënäty pyokytyuntë ko t'ëxmajtstë ja wyintsën Tiosëty ets ko ja wiink tios ojts tpanëjkxtëjkënyëtë tä ja mëti'ipë xyëëwajtëpën Baal ets Astarté; e ojts mëk tmëpëjktsowtë ja Tios ets ojts pyokymyä'kxëtë ets yajtsokëtë ma ja myëtsiptëjkëtyën, ko t'ëwtajtë winë aaw winëjot yi'iyë tu'uk.

1 Samuel 12:10 ပူးပေါင်းရင်းမြစ်များ

Jueces 10:10

Paatykyëjxm ojts ja putëjkën t'amëtowtë ma Tiosën ets t'ënëmaaytyë: Wintsën ëëts nja'awëtyëpës ko tëë myajmëtëkoy mëët ko të myaj'ëxmatsy etsës ja wiink tios të npanëjkxtëkëtë.

Jueces 2:13

Ojts t'ëxmajtsnëtë ja Wintsën mëët ko ja wiink tios ojts tpanëjkxtëjkënyëtë tä ja tiosën mëti'ipë tyijtëpën Baal ets ja Astarté.

Jueces 3:9

Koonëm tmëpëjktsoowtë ja Wintsën ets ojts tu'uk yë ja'ay pyëtsimy mëti'ipë yajtsokëtën. Ja ja'ay mëti'ipë yajtsokëtën yë'ë xyëëwajt Otoniel, yë myaank yë Quenás yë y'uty yë Caleb.

Jueces 3:7

Yë Israel ja'ayëty ka'ap ojts winë oy tuntë tkajpxtë Dios wintum ojts ja Wintsën tja'atyëkooynyëtë ets ojts t'ëwtajnëtë ja Baal ja y'awinax ets ja Astarté ja y'awinax.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 26:16

Paatykyëjxm jëtu'un të jyäty të kyëpety, jä'ä ko ënety ëëts nyajpaatë mon tuk.

Salmos 106:44

e ko ja Dios t'ijxy ko o'ktëy jyajnëtë ets jyiiynyëtë yaxnëtë,

1 Samuel 7:2

I'px jëmëjt ja kaaxë jam y'ijty Quiriat-jearim ets ja Israel ja'ayëty yajxon t'ixtaaynyëtë ja Wintsën ja pyutëjkën.

Jueces 6:7

Ko ja Israel ja'ayëty t'amëtoowtë ja Wintsën ets yajtso'okëtëty ma ja Madián ja'ayëtyën,

Jueces 4:3

Jabín jä'ä ënety tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënety o'ktëy të tuny ja Israel ja'ayëty, koonëm yë Israel ja'ayëty ja wyintsën Dios tja'amyäjtstë ets pyutëkëtëty.

Jueces 3:15

Koonëm tmëpëjktsoowtë yë Dios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënety të tyajmuktën kyajpnjotyëty.

Josue 13:31

Yë'ë jyaak niwa'ktë kujkwä'kxy ja Galaad ets ja kajpn mëti'ipë xyëëwajtëpën Astarot ets Edrei. Tëkokyë ya'atë it naaxwiinyëtë yë'ë ojts tpëktë ja Maquir ja y'u'unk y'ok nikujkwä'kxy, ja Manasés ja myaank, jëtu'un yajtuknikäkëtyääytyë tä ënety nyiwinë'atën.

Jueces 2:11

Ja yu'unënëty kyajpxënëty ja Israel ja'ayëty wiink ojts ja Dios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.

1 Samuel 7:6

Yë Israel ja'ayëty ojts jam tyu'ukmukjta'atë Mizpá ets nëë jam may tniwijtspäjtë yë'ëts ojts yë Dios tukwintsë'ëkëtë tä yë ayajk ako'onën. Jä'ä xëëw ka'ap kyääytyë, jëtu'unyë ojts ayuu xyëëwnaxtë ets kë'ëm nyäja'awëy'ijtëtë ko tëë ënety ja Wintsën tmëtëkoytyë mëjwiin këjää. Jam Mizpá jam ojts yë Samuel y'awinpity tu'uwinye'epyë ets tsip twinye'eyëty ets ja naax kajpn näjyëtu'un twinye'eyëty.