1 Samuel 11:6 - Biblia Dc en Mixe de Quetzaltepec

⁶ Ko ja Saúl jëtu'un tmëtooy ja aaw ayuk, ënät tyuktëjkëyë ja Wintsën ja myëk'ajtën y'oyajtën ets yajxon jyoot'anpëjky.

Biblia Mixe de Quetzaltepec

⁶ Ko ja Saúl jëtu'un tmëtooy ja aaw ayuk, ënät tyuktëjkëyë ja Wintsën ja myëk'ajtën y'oyajtën ets yajxon jyoot'anpëjky.

1 Samuel 11:6 ပူးပေါင်းရင်းမြစ်များ

Éxodo 32:19

Ko yë Moisés jam jyä'äjty ma Israel ja'ayëtyën, ënät t'ijxy ja awinax mëti'ipë ënety të tyajkojtën, jëtu'unpë kyëxë'ëkyën tä tsajpkaajën ets ja mayjyä'äy tjantywyin'äts tjantywyimputë; yë Moisés yajxon jyänty joot'anpëjky ets tnajtsjëpijpëy ja tsaatsetsy, mëti'ipë aak tsaajën mäjtskëty ojts tukpu'ujëtyääy jam kopk'ëjxm.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

Jueces 11:29

Ënet ojts ja Jefté ja Wintsën ja myëk'ajtën tyuktëkëty ets tsyo'ony, nyijkxy jam Galaad ets jam Manasés, tukye'eyëtyääy yë Mizpá itjot, mëti'ipë yë Galaad nyitënääpyën ets jëtu'un tuknipëjktakëy wi'ix tnitëkëja'anyën ja Amón ja'ayëty ma ja nyaax kyajpnëtyën.

Jueces 13:25

E nëjkxëp tu'kxëëw tu'kjëmëjt nyijkxy yë Sansón jam ma Dan yë y'ijtaknën mëti'ipë yajpatën itkujky ma naaxwiinyëtë txëëwatyën Zorá mëët yë Estaol, ënät ojts kyëxë'ëky yë Wintsën yë myëk'ajtën ma yë'ëjën.

Jueces 14:6

Ënet yë Sansón tyuktëjkëyë yë Wintsën yë myëk'ajtën, kë'ë'am ojts ja kaa twäjxtakta'ay, jëtu'un tä jeexyë tyaj'ookyën yë tsajppax; je'eyëp ko ka'ap ja tyaak tyeety tuk'ëwa'anëy mëti'ipë ënety të tyuny të jyätyën.

Jueces 15:14

Ko jam jyajtë Lehi, ënät yë filistejë ja'ayëty tyëjkëtyë yaxpë jojkpë mëët yë xoontakën. E yë Sansón ënätyë ojts yë Wintsën yë myëk'ajtën tyukëtä'äkyë ets jëtu'unyë tnujktaktaay ja tejpxy tä witooyën ma kyë'ë tyekyën.

Jueces 3:10

Ënet ja Wintsën ja myëk'ajtën y'oyajtën tuktëjkëy ja Otoniel ets ojts yë'ë tnitsiptuny yë Israel kajpn, ko ojts tnitsoony ja yajkutujkpë mëti'ipë xyëëwajtypyën Cusan-risataim. Dios ojts tu'ukyë tuk'ijxpety ets ojts yajmëtä'äkyë.

Jueces 6:34

Tä ja Dios ja myëk'ajtën y'oyajtën tyuktëjkëyë yë Gedeón ets tukxuxmujky yë ja'ay tu'uk yë tsajpkaawaj ets myintëty ja Ebiézer ja jyä'äy.

1 Samuel 10:10

Ko yë Saúl mëët ja tyuunpë jam jyä'äjty Guibeá, ënätyë ojts nyipëtsëmëtë ja käjpxynyajxpëtëjkëty mëti'ipë ënety jëtu'un këxë'ktëpën ëmu'ukyë ja'ayën. E ja Saúl nän ënätyë ja Dios ojts ja myëk'ajtën tyuktëkëty ets y'awinpijty ijxtëm ëmu'ukyë ja'ayën.

1 Samuel 10:6

Ënet yë Wintsën yë myëk'ajtën y'oyajtën mtuktëkëja'anyë ets näjyëtu'un myaj'ixa'any mukëp yowë, tëkatsyjyä'äy mkawinpita'any.

1 Samuel 16:13

Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënety ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

1 Samuel 16:14

E tyam ja Saúl ni'ikyë ja Wintsën ja myëk'ajtën y'oyajtën myajtstutënë ets ëxëëk tyuunënë ja ëxëëk poj mëti'ipë yë Dios kyäjxën.