1 Samuel 10:23 - Biblia Dc en Mixe de Quetzaltepec

²³ Ënet ojts poj'am tninëjkxtë ets jap tyajpëtsëëmtë ma ënety të nyäyu'utsyën. Ko jam may ja'aywyintum nyäjxy, ënät ojts yaj'ixy ko ni pën ënety jëtu'un kyayenyëty tä yë'ëjën.

Biblia Mixe de Quetzaltepec

²³ Ënät ojts poj'am tninëjkxtë ets jap tyajpëtsëëmtë ma ënäty të nyäyu'utsyën. Ko jam may ja'aywyintum nyäjxy, ënät ojts yaj'ixy ko ni pën ënäty jëtu'un kyayenyëty tä yë'ëjën.

1 Samuel 10:23 ပူးပေါင်းရင်းမြစ်များ

1 Samuel 9:2

Tam ijty tu'uk yë myaank pi'k ëna'kpë ets janty'oy yaj'ixy, jä'ä txëëwaty Saúl. Ni pën ënety jam Israel jëtu'un janty'oy kyakëxë'ëky tä yë'ëjën, janty yeny ijty tyänë ni pën t'ëwtajnëty.

1 Samuel 17:4

Ajotkumonë tu'uk pyëtsiimy yë ja'ay jam ma filistejë ja'ayëtyën, janty këjxm tyänë jä'ä yenyëty tu'kxajpk ja kujkm ets ja tu'kë'ë. Jä'ä txëëwaty Goliat, jam kyukajpnëty Gad.

1 Samuel 16:7

Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

1 Samuel 9:1

Ma ja Benjamín ja jyä'äyën, jam ijty tu'uk yë ja'ay txëëwaty Quis, yë'ë myaank yë Abiel ets y'ok'u'unk yë Seror. Yë tyeety yë tyatwelë jä'ä ijty xyëëwajtyp Becorat; yë'ë myaank yë Afíah. Yë Quis mëj'äämpy ijty yë ja'ay yaj'ityë ets aak wiinkutsë'këyëp oypyënëty.