1 Samuel 10:19 - Biblia Dc en Mixe de Quetzaltepec

¹⁹ E tyam m'ixtijnëtëp ja Tiosnë mëti'ipë të mjuutëtën ma ënety ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

Biblia Mixe de Quetzaltepec

¹⁹ E tyam m'ixtijnëtëp ja Tiosnë mëti'ipë të mjuutëtën ma ënäty ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Samuel 10:19 ပူးပေါင်းရင်းမြစ်များ

Proverbios 16:33

Yë naaxwiinyëtë ja'ay yaj'ijxpëtsëëmëp wi'ix yë xyëëw jyuukyajtën myinyën, yë Wintsën yë'ë nyija'ap wi'ix të tuknipëjktaakë.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Deuteronomio 17:14

Ko ënety jam të mja'ajnëtë ma ja naax kajpnën mëti'ipë ja Wintsën mo'ojanëtëpën, tëëpë xynyitsiptuntë ets jam mtsënaaynyëtë ets jëna'a m'ëna'antëty: Yë yajkutujkpë ëëts tu'uk ntsojktëp, mëti'ipë xy'ënä'ämtëpësën, jëtu'un ijxtëm muum yë yajkutujkpëtëjk yajpaatën.

Josue 24:1

Ënet yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

Jueces 8:23

Tä ja Gedeón y'ëtsooy: Ëjts ets nmaankës ka'apës tääpë tuunk nkupëktëty ets miits n'ënä'ämtëty. Yë Wintsën yë'ë kë'ëm nyija'ap wi'ix y'ënä'äma'any ma miitsëtyën.

1 Samuel 10:20

Tä ojts ja Samuel tni'ënä'ämë ets ja ja'ayëty wyinkontëty tu'kkajpnjaty. E yë'ë ojts tyuka'ayë ja Benjamín ja jyä'äy.

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

1 Samuel 14:23

Jampaat ojts jya'ajnëtë tsiptuunpë ma txëëwatyën Bet-avén, jëtu'un'äämpyë ojts yë Wintsën tyajtso'oky yë Israel ja'ayëty jä'ä xëëw.

1 Samuel 14:38

Paaty yë Saúl y'ënäny: Mëjwa'aktë yaa miitsëty ninu'un xynyiwintsën'atën yë tsiptuunpëtëjkëty ets xypyaye'eytyëty pën të pyokytyuny.

1 Samuel 3:21

Ënet jatëkok ojts ja Wintsën nyänyikëxë'ëkyë ma ja Samuelën jam Siló, jä'ä ko jam ënety ja it naaxwiinyëtë të twin'ixy ets ja Samuel tuknijawë ja y'aaw y'ayuk.

1 Samuel 4:1

Ok ja Samuel tuknija'awëy ja naax kajpn tä ënety ja Wintsën të y'ënë'ëmxëtën. Jä'ä xëëw jä'ä jëmëjt ojts yë filistejë ja'ayëty tuknipëjktaakëtë ets tsyiptuna'antë mëët yë Israel ja'ayëty. Yë Israel ja'ayëty ojts näjyëtu'un tniwinmayëtë ja tsip, paaty ojts jam nyëjkxtë ma tu'uk yë it naaxwiinyëtë txëëwatyën Eben-ézer, tyam ja filistejë ja'ayëty jam ënety të jyajta'aktë ma txëëwatyën Afec.

1 Samuel 8:19

Ja kajpn tyaa ojts y'ëtsoy ko Samuel tyukmëmëtyaktaayëtë wi'ix ënety y'ixë'atyën: Wä'än timwyi'ixëty, ëëtsëty ntsojktëpës tu'uk yë yajkutujkpë,

1 Samuel 8:5

ets t'ënëmaaytyë: Samuel, mijts kujk mëj ja'ayënë ets m'u'unk m'ëna'k ka'ap oy y'ënä'ämtë tä mijtsën, paaty npëjktsowtë ko nikë oy ko tu'uk xynyikajpxpätëty yë yajkutujkpë mëti'ipës xy'ënä'ämtëpën, jëtu'un tä wiinkëtypë kajpnën myëët'ajtëp yë yajkutujkpë.