1 Samuel 10:16 - Biblia Dc en Mixe de Quetzaltepec

¹⁶ Tä ja Saúl ojts t'ëtsoy ja jyäm. Yajxonës të xytyimtukwinjawëtës ko ja krukts tëëjëk ja yajpaaty. Je'eyëp ko a Saúl, ka'ap ojts ja jyäm tukmëmëtyä'äky ko ënety ja Samuel të kyënu'kxyë ets yajkutukëty.

Biblia Mixe de Quetzaltepec

¹⁶ Tä ja Saúl ojts t'ëtsoy ja jyäm. Yajxonës të xytyimtukwinjawëtës ko ja krukts tëëjëk ja yajpaaty. Je'eyëp ko a Saúl, ka'ap ojts ja jyäm tukmëmëtyä'äky ko ënäty ja Samuel të kyënu'kxyë ets yajkutukëty.

1 Samuel 10:16 ပူးပေါင်းရင်းမြစ်များ

Éxodo 4:18

Ënet ja Moisés wyimpijty ma ja myë't ja tyëjkën ets t'ënëmaay: Tyam kopkpëky ko nëjkxëtyës jap Egiptë, ma jap tsyëënëtën ja njëëky nmëku'ukës. Yë'ëjës nëjkx n'ixa'antë etsës nijawëja'any, pën jap jyaak juuky'atë. Oy, ka'ap tääpë wyi'ixëty, tyam nkexy oy tsuj, jëtu'un ojts y'ëtsoyë ja Jetro.

Proverbios 12:23

Yë ixpëkyjyä'äy ka'ap janty jëtu'un tnikäjpxy tnimëtyä'äky ko tii tjaty tnijawë, e yë tsuuja'ay nimay yë ja'ay tuk'ixy ko tii tuny nitsuu nipoj.

Proverbios 29:11

Yë tsuuja'ay ënätyë tkajpxpëtsëmy mëti'ipë myääpy tyäjpyën ets jëtu'un winë tuny, e yë wijyjyä'äy tyukjajtyp wi'ix tmajts'itëtyën yë y'aaw yä'än.

Eclesiastés 3:7

Nyixëëw nyijëmëjt pyätyp ko pën wit tukëëtsë ets ko pën wyit'axuyë. Ko pën amonyë y'ity ets ko pën kyäjpxy.

Jueces 14:6

Ënet yë Sansón tyuktëjkëyë yë Wintsën yë myëk'ajtën, kë'ë'am ojts ja kaa twäjxtakta'ay, jëtu'un tä jeexyë tyaj'ookyën yë tsajppax; je'eyëp ko ka'ap ja tyaak tyeety tuk'ëwa'anëy mëti'ipë ënety të tyuny të jyätyën.

Jueces 14:9

Tääts tnikuxajëy ets tu'uk mëjkë'ëy tkëëypyëtsiimy ja uuxpa'ak, tää jatëkok ja tyu'u tpëjky ets tu'ktu'u tjanty jyi'kxy ja uuxpa'ak. Ko ja tyeety tyaak tpaty ënät ojts ja uuxpa'ak tmo'oy ets tjë'kxtë, yë Sansón ka'ap ojts ja tyeety tyaak tuk'ëwaanë ma ënety ja uuxpa'ak të tyajpëtsëmyën.

1 Samuel 10:15

Tä ja Saúl ja jyäm y'ëtsooy: E yë Samuel ¿Wi'ix të m'ënë'ëmxëtë? Tukmëmëtyakës tun yë mëyajtën.

1 Samuel 9:20

E ja krukts mëti'ipë tyëkëëkxëëwëp myajtëkooyën, tëë ja yajpaaty, paaty këtiimës yë'ë xymyëmay xymyëtajy. Näyjyëtu'un, mijts mjä'ä'atäämpy mëti'ipë mëk tsyojkën'ajtëpën yë mjëëky mëku'uk, Israel ja'ayëty.

1 Samuel 9:27

E ko jam kajpnpë'am jyajtë, tä ja Samuel t'ënëmaay ja Saúl: Ënëëmë yë mtuunpë wä'än tjaamë'ëky ets mijts ëwxitmës wäänë, jä'ä ko ayuk yam tu'uk nmo'ojäämpy mëti'ipës yë Wintsën të xytyuk'ëwaanën.