1 Samuel 1:28 - Biblia Dc en Mixe de Quetzaltepec

²⁸ Ëjts tëëjës ntuknipëjktaakë, koos yë'ë Wintsën nkë'ëmo'oja'any maapaat jyuuky'ätyën, jëtu'un yë'ë tmëtunëty ja Wintsën. Ënet ja teety Eli nyäkyoxtënaaytyakë ets wyintäky nyaaxkooy, tkukajpxë ja Wintsën.

Biblia Mixe de Quetzaltepec

²⁸ Ëjts tëëjës ntuknipëjktaakë, koos yë'ë Wintsën nkë'ëmo'oja'any maapaat jyuuky'ätyën, jëtu'un yë'ë tmëtunëty ja Wintsën. Ënät ja teety Eli nyäkyoxtënaaytyakë ets wyintäky nyaaxkooy, tkukajpxë ja Wintsën.

1 Samuel 1:28 ပူးပေါင်းရင်းမြစ်များ

Génesis 24:26

Ënet ja tuunpë nyäkyoxtënaaytyakë ets t'ëwtajty tmëpëjktsooy ja Wintsën,

Génesis 24:48

Täätsës të nyäkyoxtënaaytyä'äkyë etsës të n'ëwtaty yë Wintsën; etsës të nmëjjaw të njaanty jawë ja Dios mëti'ipë y'ëwtajtypyën yë nwintsënës Abraham. Koos të xytyu'uwinwoy të xytyu'uwinwitsy ma ja në'ë tu'ujën ja oypyë etsës të nja'ty maas ja nwintsën ja jyiiky myëku'ukën. Jëtu'unës ja y'u'unk nyëëx n'amëtowanë npëjktsowanë, mëti'ipë pyëkëp y'uukëp ja nwintsënës Abraham ja myaank.

Génesis 24:52

Ko ja jëtu'unpë ja aaw ayuk tmëtooy ja Abraham ja tyuunpë, ënät ojts nyäjyijtä'äkyë naaxkëjxy ets t'ëwtajty ja Wintsën mëët kukkajpxën ja'awëkyëtakkën.

Proverbios 31:2

U'unk maay, mëti'ipës të nyajminy të nyajja'tyën naaxwiinyëtë, mëët koos ja Dios ojts ja njëëytyak nnu'kxtakën t'ëtsoowinpity, ¿wi'ix yam mijts n'ëkjaak'ënëëmëty?

2 Timoteo 3:15

Ja'amyäts ko mutsknëm të xynyijawë ja Dios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Jueces 7:15

Ko jëtu'un yë Gedeón tmëtooy wi'ix yajnimëtyä'äkyën ja kuma'ay ets wi'ix ojts tyajniwijtën yë'ë kë'ëmëty, ënät yë tmëjja'awëy tkënu'kxy ja'awëy yë Wintsën. Tääts ojts poj'am nyijkxy ma ënety ja myëku'uktëjk yajpaatën, ja Israel ja'ayëty ets y'ënäny: Pëtë'ëktë Israel ja'ayëty, yë Wintsën tëë xykyë'ëmo'oyëmë yë Madián ja'ayëty.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënety mijts të ntukmëyoxy.

1 Samuel 1:22

Ja Aná ka'ap ojts nyijkxy, je'eyë ja nyiye'etyëjk t'ënëmaay: Ka'apës nëjkxa'any koonëm ja u'unk maay ja tyi'tsk t'ëxmatsëty. Täänëmës nmënëjkxa'any, etsës ja Wintsën yë'ë ntukë'ëtëkëja'any, jamts wyë'ëmnëty.

1 Samuel 2:11

Ënet ja Elcana ojts wyimpijnë, nyëjkxnë jam Ramá ma ja jyëën tyëjk tmëët'atyën, e ja myaank Samuel ojts jam wyë'ëmnë Siló ma ja tsajptëjkën ets ja Wintsën je'eyë tu'ukyë timmyëtunanë, yë'ë ojts kyë'ëwë'ëmëty yë Eli.

1 Samuel 2:20

Ko ja Eli jëtu'un t'ijx, tä ijty tkënu'kxy ja Elcana mëët ja tyo'oxytyëjk. Yë Wintsën yë'ë mkumayëtëp mëët ya'atë to'oxytyëjk ets tjaakyajja'tëty yë u'unk maay mëët ko tu'uk të tukmëyoxy ja Wintsën. Ko jyëtu'un'ajty tääts jatëkok wyimpijnëtë ma ja jyëën tyëjkëtyën.

1 Samuel 28:2

Tä ja David y'ëtsooy: Oy'atëp Wintsën, tyam jëtu'un xy'ixtëty wi'ix tyaapë mtuunpë tjatyën tsyiptunëty. Pën jëtu'un ni'ikë oy mijts xynyiwintsën'atëty yë ntuunpëtëjkës mëti'ipës xykyëwent'ajtpën. Jëtu'un ja Aquis y'ëtsooy: