1 Samuel 1:18 - Biblia Dc en Mixe de Quetzaltepec

¹⁸ Tioskujuuyëp, jëtu'un y'ëtsooy yë Aná. Ënet ja Aná ojts wyimpijnë matsow ënety të myinyën, jotkujk nyäja'awëyënë ets kyääynyë y'uknë, ka'ap nitii t'ëkmaay t'ëktajnë.

Biblia Mixe de Quetzaltepec

¹⁸ Tioskujuuyëp, jëtu'un y'ëtsooy yë Aná. Ënät ja Aná ojts wyimpijnë matsow ënäty të myinyën, jotkujk nyäja'awëyënë ets kyääynyë y'uknë, ka'ap nitii t'ëkmaay t'ëktajnë.

1 Samuel 1:18 ပူးပေါင်းရင်းမြစ်များ

Génesis 32:5

Nmëëtës jëyujk, tsajpkaa, tsajppax, kupixyny, tuunpë, ye'etyëjkpë to'oxytyëjkpë. Tyam nkexyës ya'atë aaw ayuk ma mijts myajpaatyën wintsën, n'ëwxityës ets ya'atë aaw ayuk oy tsuj xy'ëxajëty xykyupëkëty.

Génesis 32:6

Ko ojts wyimpijnëtë mëti'ipë yaj'ëyukye'eytyëpën, ënät t'ënëmaaytyë ja Jacob: Tëës ojts n'ixtë ja m'ajty Esaú, jëtu'un të y'ëtsoy ko tää kë'ëm myina'any ets m'ixa'anyë mpaata'anyë mëët nimajktaxk mëko'px yë jyä'äy.

Génesis 33:15

Ënet yë Esaú y'ëtsooy oy'atëp: E min n'ëkyajwë'ëmyës mäjtsk tëkëëk yë nja'ayës mëti'ipë mëët minëtyën. Tä ojts yë Jacob y'ëtsoy: Tun yë mëyajtën. ¿Këtii nëkoo mnäjyotmaytyunyë?

Génesis 33:8

Ënet ajotkumonë yë Esaú tyajtëëy yë y'uty Jacob: Tiitën mniwinma'ayëp ko kanaakpëky yë mjëyujk të xy'ëkäjxnë. Xii yaajës muum njanty wyinnajxnë. Ënet ja Jacob y'ëtsooy: Patyës të nkexy ets mijts xytsyok xy'oyjyawëtyës.

Salmos 34:6

Tëë ya'atë ëyoopëja'ay yujkyä'äxy ets Wintsën të tmëtoy, tääts të yajjotkujktä'äkyë ma ënety jë'ë ya'ax yajpaatyën.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Juan 16:24

Tyampaat ka'ap miits tii xy'amëtowtës ëjtskyëjxm; amëtowtë ets myajmo'otëty, jëtu'un ja mxoontakën kya'pxtëty.

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Rut 2:13

Ënet ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Rut 2:2

Ënet yë Rut jatëkok t'ënëmaay yë Noemi: Nanë, ëwatskës yë ntu'u, wä'änës nëjkx n'ixta'ay yë tsajpmok, kooxyëp muum npaatëtyës yë ja'ay mëti'ipë oyjyä'äyën ets jam kyamjotm npëjkmukëtyës yë tsajpmok mëti'ipë tu'uka'apën. Nëjkx, u'unk, nëjkx, jëtu'un ja tyaakxyäkxy y'ëtsoowë.