1 Samuel 1:17 - Biblia Dc en Mixe de Quetzaltepec

¹⁷ Nëjkx akujk jotkujk Jëtu'un y'ënëmaayë ja Eli, yë Dios mëti'ipë Tios'ajtpën ma Israel kajpn, yë'ë mo'ojëtëp mëti'ipë të xy'amëtoy të xypyëjktsoyën.

Biblia Mixe de Quetzaltepec

¹⁷ Nëjkx akujk jotkujk Jëtu'un y'ënëmaayë ja Eli, yë Tios mëti'ipë Tios'ajtpën ma Israel kajpn, yë'ë mo'ojëtëp mëti'ipë të xy'amëtoy të xypyëjktsoyën.

1 Samuel 1:17 ပူးပေါင်းရင်းမြစ်များ

Génesis 25:21

Yë Rebeca ka'ap ënety tjëkyepy yë u'unk tmëët'atëty, paaty ojts yë Isaac yë Dios mëktä'äky tmëkäjpxy mëëtkyëjxm yë Rebeca. Yë Wintsën ojts yë Isaac yë kyapxtakën tmëtoowë. Jä'ä ko Dios myëët'ajtyp yë mëk'ajtën, ënät ojts yë Rebeca jyänty wyi'imy u'unk mëët.

2 Samuel 15:9

Oy mnëjkxëty, jëtu'un y'ëtsoowë ja ënä'ämpë. Jëtu'un ja Absalón ojts jam nyijkxy Hebrón.

2 Reyes 5:19

Tä ja Elisejë y'ëtsoowë: Nëjkx akujk jotkujk. Jëtu'un ojts ja Naamán jam tsyo'onë. E tam ënety këjäätëkë nyëjkxnë,

1 Crónicas 4:10

Jabés myëpëjktsoow yë Dios, mëti'ipë y'ëwtajtëpën yë Israel ja'ayëty, jëtu'un t'ënëmaay: Tyam n'amëtoy npëjktsoy yë mkënu'kxën ets xymyo'ojëtyës mëj këjää naax kam ets xypyutëk xypyupätëtyës ets xyjyëpëkëty ma ëjtsën tëkokyë ëxëëkpë këtiipës n'ëyowëty. Dios ojts jyänty myo'oyë mëti'ipë y'amëtoow pyëjktsoowën.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Lucas 7:50

Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Lucas 8:48

Ënet ja Jesús y'ënëmaayë: Nen, jä'äkyëjxm të mtso'oky koos të xymyëpëky. Nëjkx akujk jotkujk.

Jueces 18:6

Ets ja teety y'ëtsoowëtë mëti'ipë Leví ja'ayën: Nëjkxtë akujk jotkujk, yë Wintsën yë'ë mkëwent'atanëtëp oy maa mja'tëty.

1 Samuel 1:16

Ijxkëm mijts määpyë mtajpë koos yë'ë tu'uk yë to'oxytyëjk ka'apë wyintëy wyinkujkëtyën, jä'ä tëy ëjts Tiosës të nmëkäjpxy maa të xy'ixyën ëjts një'ëy nyä'äxyës, jä'ä ko mon tukës näjyawëty ets je'eyës nkumon nkutëkë.

1 Samuel 1:23

Tä ja Elcana y'ëtsoowë: Mijts ix, pën mwë'ëmaanp, oy mwë'ëmëty, koonë ja m'u'unk ja tyi'tsk xytyuk'ëxmatsëty. Yë Wintsën yë'ë tyunëp mëti'ipë të mtukwinwanëtyën. Ojts wyi'imy ets tyajye'ky tyajpejty ja myaank koonëm ja tsi'tsk t'ijxmajtsy.

1 Samuel 20:42

Ko jëtu'un kyëjxtaay nyajxtaay, ënät ja Jonatán t'ënëmaay ja David: Nëjkx akujk jotkujk ets ja'amyäts ja käjpxtyu'unën mëti'ipë të ntu'unëmën nimäjtsk, yë Wintsën yë'ë kë'ëm të ntimtyuknija'awëmë ets tëë n'amëto'owëmë ko yë'ë xëmë yajpaatëty ma ëëtsajtëmën ets ma ja n'u'unk'ajt n'ok'ajtëmën. Tä ja David ojts jam tsyo'onë ets ja Jonatán näjyëtu'un wyimpijnë ma kyajpnën.

1 Samuel 25:35

Tä ja David t'ëxajëy mëti'ipë ënety të tyukniminyën ja Abigail ets t'ënëmaay: Oy mwinpitëty, nëjkx akujk jotkujk ma mjëën mtëjkën. Ijxtëm yam xy'ixyën, tëëjës nkupëky ets nja'akyukës tä të m'ëna'anyën.

1 Samuel 29:7

Paaty, ni'ik oy ko mwinpitëty, nëjkx akujk jotkujk, këtiipë tii twiinkjawëtëty tääpë ja'ayëty.