1 Samuel 1:15 - Biblia Dc en Mixe de Quetzaltepec

¹⁵ Wintsën ka'ap yë'ëkyëjxmëty. Jëtu'un y'ëtsooy yë Aná. Ëjts ka'apës nitii nëë të n'uuky mëti'ipë mëkën, jä'ä tëy mon tukës näjyawëty paatyës yaa të nminy jëëpyë yaxpë Dios wintuuy.

Biblia Mixe de Quetzaltepec

¹⁵ Wintsën ka'ap yë'ëkyëjxmëty. Jëtu'un y'ëtsooy yë Aná. Ëjts ka'apës nitii nëë të n'uuky mëti'ipë mëkën, jä'ä tëy mon tukës näjyawëty paatyës yaa të nminy jëëpyë yaxpë Tios wintuuy.

1 Samuel 1:15 ပူးပေါင်းရင်းမြစ်များ

Job 30:16

Ëjts tëëjës n'ënu'kxënë mëët ya'atë juukyajtën; ja ëyo'on jotmay yë'ëjës të xymyëmëtä'äky.

Salmos 143:6

Jamës yë nkë'ë nnajtsxajë ma mijtsën koos nkajpxtä'äky, jä'ä ko nyajmëyäjtypyës yë mputëjk mpupäjtën jëtu'un tä yë naaxwiinyëtë nëë tyajmëyätyën.

Salmos 42:4

Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Dios yë'ë ntsoktakn'ajtëm.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.

Proverbios 14:10

Yë jot winma'any nyija'ap ko ëxëëk jyäty kyëpety; ko jyotkujk'aty ka'ap tjëkyepy tpëjkwa'kxëty pën mëët.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Proverbios 25:15

Ko ja'ay y'ëwxity myä'kxtuky yajxe'empy yë äkë. Ko ja'ay oy tsuj xyony y'ity yajjotujkpy ja'ay mëti'ipë kujuunën.

Lamentaciones 2:19

Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

1 Samuel 1:16

Ijxkëm mijts määpyë mtajpë koos yë'ë tu'uk yë to'oxytyëjk ka'apë wyintëy wyinkujkëtyën, jä'ä tëy ëjts Tiosës të nmëkäjpxy maa të xy'ixyën ëjts një'ëy nyä'äxyës, jä'ä ko mon tukës näjyawëty ets je'eyës nkumon nkutëkë.

1 Samuel 7:6

Yë Israel ja'ayëty ojts jam tyu'ukmukjta'atë Mizpá ets nëë jam may tniwijtspäjtë yë'ëts ojts yë Dios tukwintsë'ëkëtë tä yë ayajk ako'onën. Jä'ä xëëw ka'ap kyääytyë, jëtu'unyë ojts ayuu xyëëwnaxtë ets kë'ëm nyäja'awëy'ijtëtë ko tëë ënety ja Wintsën tmëtëkoytyë mëjwiin këjää. Jam Mizpá jam ojts yë Samuel y'awinpity tu'uwinye'epyë ets tsip twinye'eyëty ets ja naax kajpn näjyëtu'un twinye'eyëty.