1 Samuel 1:10 - Biblia Dc en Mixe de Quetzaltepec

¹⁰ Ko yë Aná jyä'äjty jam ma tsajptëjkën, tääts tyëjkëy jëëpyë yaxpë, moonpë tujkpë ets kajpxtakpë, tmëpëjktsoy ja Wintsën.

Biblia Mixe de Quetzaltepec

¹⁰ Ko yë Aná jyä'äjty jam ma tsajptëjkën, tääts tyëjkëy jëëpyë yaxpë, moonpë tujkpë ets kajpxtakpë, tmëpëjktsoy ja Wintsën.

1 Samuel 1:10 ပူးပေါင်းရင်းမြစ်များ

Génesis 30:1

Ko yë Raquel t'ijxy, ko ënety ka'ap yë Jacob yë y'u'unk myääy tyajmëxu'unk'ajtë, ënät ojts tmëtsiptsoony yë tsyë'ë Lea, tä yë nyiye'etyëjk t'ënëmaay: Mooykyës yë u'unk maay, jä'ä ko pën ka'ap, nikë tim ookëpës ënät.

Génesis 50:10

Ko jya'ajtë maa Goren-ha-adad y'itjotmën, mëti'ipë awinmtsow wë'ëmpën ma Jordán mëjnëëjën, ënät ojts jam tyu'ukmuktë ets mëj këjää tnimoon tnitujktë ja Jacob ko ënety të y'o'knë. Wëxtujk xëëw ojts jam yë José yajpaaty mon tuk mëët ko ënety ja tyeety të y'ooky.

2 Samuel 13:36

Tam ënety je'eyë ja Jonadab tyimkajpxta'ay, ko ja yajkutujkpë David ja y'ëna'k kyuwa'këtyë ets tyëjkëtyë jëëpyë yaxpë, näjyëtu'un ja David ets tëkokyë ja myëkutuunktëjk.

2 Samuel 17:8

Mijts wa'ats xynyijawë ko yë mteety ets jyä'äy jotmëk yë'ëjëty; tyam yajxon jam jyottoyëtë tä tu'uk yë uk'iinpën ko muum yë myëku'uk t'a'ijxnaxy. Ets näjyëtu'un yë mteety wa'ats yë tyäty nyijawë wi'ix yë tsip tyunyën, tyam m'a'ijxëp xyij jam myaanaxyë ma ja myëku'uktëjkënë.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

Job 10:1

Tëës n'ënu'kxënë mëët yë juuky'ajtk. Je'eyës yam n'ëja'any ntu'uka'any ets jëtu'unës npa'am nyajnaxa'any, yë'ëjës yë npëjkën n'ijxën nmëjpëjkta'akäämpy.

Job 7:11

Paaty ka'ap tjëkyepy amonyë n'itëtyës. Maas yam npëkyë n'ixyën ets maas yam pa'am nmënaxy nyajnaxyën, minës mëk n'ëk'ëjy n'ëktu'uky.

Job 9:18

je'eyës nëjkx ni'ikyë ntëkë moonpë tujkpë ets ka'apës n'ëk'xajnëty.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Proverbios 14:10

Yë jot winma'any nyija'ap ko ëxëëk jyäty kyëpety; ko jyotkujk'aty ka'ap tjëkyepy tpëjkwa'kxëty pën mëët.

Isaías 38:15

¿Ëjts wi'ixës na'ëna'anëty, yë'ëjës të xyajkojy? Tëës yë ntsuu jyatimkyäknë mëët ko je'eyë pyëjknë y'atoonë n'aaw njotës.

Isaías 54:6

Mijts jëtu'un ojts mjaty mkëpety tä tu'uk to'oxy'ëna'k yajnike'ekyën mëti'ipë naanpëkën, e yë Wintsën yë'ë jatëkok të mmëkäjpxyë ets të m'ënë'ëmxëty:

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

Jeremias 22:10

Këtii xynyiya'axtë yë Josías yajkutujkpë, këtii xynyiya'axtë ko të y'o'knë; yë'ë niya'axtë yë myaank Salum, jä'ä ko ënety tsyoony ka'ap nijëna'a y'ëkwinpitanë, ka'ap nëjkx t'ëk'ijxnë nijëna'a yë nyaax kyajpn ma të myëxu'unk'atyën. Jä'ä ko yë Wintsën jëtu'un tnikäjpxy yë Salum, Josías yë myaank mëti'ipë jam Judá yajkutujkpën, mëti'ipë ja tyeety kyutëjkëyën ma ënä'ämtaknën ko y'o'ky ets mëti'ipë të tsyoonyën yaa: Ka'ap nëjkx nijëna'a y'ëkwinpijnë,

Lamentaciones 3:15

Ëxëëkës yë Wintsën të xytyuny; ta'amëm jyawë mëti'ipës të xytyuk'uukyën.

Lucas 22:44

Ma ja Jesús y'ëyoyën ets ja Dios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Jueces 21:2

E ojts jatëkok jam myuktë Betel ets twinjëëy twinyaxtë ja Dios ets myoontë tyujktë jam tu'kxëëw koonëm tyajtsu'ujëtyë.

Rut 1:20

E ja Noemi tyaa y'ëtsooy: Këtiijës jëtu'un xy'ëktijnëtë Noemi; jä'äs xytyijtëty Mará, jä'ä ko yë Dios mëti'ipë maaytyääyëpën winë, tëëjës yë njuukyajtën tyajkëxy mëët yë monyëtukyë.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënety mijts të ntukmëyoxy.

1 Samuel 1:9

Tëkok, jam ënety Siló yajpaatë, tääts yë Aná ajotkumonë y'ëxwä'ätsë'ky, tëë ënety kyääytya'atë. Ja teety Eli jam ënety y'u'unyë tsajptëjk ëkë'ëm sillë këjxm.