1 Reyes 9:4 - Biblia Dc en Mixe de Quetzaltepec

⁴ Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

Biblia Mixe de Quetzaltepec

⁴ Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

1 Reyes 9:4 ပူးပေါင်းရင်းမြစ်များ

1 Reyes 15:5

jä'ä ko ja David oy ënety winë të tuny Wintsën wintum, yë'ë ka'ap ojts nijëna'a tja'atyëkoy mëti'ipë ja Wintsën të tyuk'ëne'emyën, tu'k'ok ojts je'eyë tyëkoy ma Urías tyaj'o'kyën, mëti'ipë Hit ja'ayën.

1 Reyes 3:14

Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

1 Reyes 11:6

Paatykyëjxm ja Salomón, ka'ap ojts oy tii tuny ma ja Wintsënën, jä'äkyëjxm ko ka'ap yajxon tmëmëtooy tä ënety të tunyën ja tyeety David.

1 Reyes 11:4

Ko ja Salomón ënety tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënety ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Zacarías 3:7

Jëtu'un yë Wintsën y'ënä'äny mëti'ipë maaytyääyëpën winë: Jam mye'eyëty mnaxëty maas yë nnë'ë ntu'ujën ets patun mëti'ipë të ntuk'ëne'emyën. Ko jëtu'un xytyunëty mijts nëjkx xymyëwë'ëmy yë tuunk maas yë ntsajptëjkën. Ets mijts nëjkx xynyikopk'aty yë ntuunpëtëjkës, anklëstëjkëty.

Proverbios 28:18

Yë ja'ay mëti'ipë oy winë tyuunpyën, nëjkxëp yajmo'oy ja nitsokën; e mëti'ipë ëxëëk ja jyot wyinma'any, jam kya'aja'any ëyo'ontum.

Salmos 26:11

Yë njuukyajtënës ka'ap tii ëxëëkpë tmëëtëty. Yaj'ëwaatsëpëtsëëmkës ets pa'ëyoow najts'ëyo'owëkës.

1 Reyes 14:8

Ojtsës ja David ja y'u'unk y'ëna'k ets ja y'ok u'unk y'ok ëna'k npëjkë ja kuttujkën ets mijts nmooy. Je'eyëp ko mijts ka'ap tii winë oy xy'ëktuunë tä ja David winë oy tuunyën, ko ojts tpatuny ja n'ënä'ämënës ntëyajtënës winë aaw winëjot ets aak'oy ojts n'ijxës ja tyuunk;

1 Reyes 11:38

Pën mijts xymyëmëtoowpës ets oy winë xytyuny ets mpatuunpy ja n'ënä'ämënës ntëyajtënës, ijxtëm ja David, ja ntuunpës ojts winë tunyën, ëjts xëmës nyajpaata'any ma mijtsën ets nëjkxëp mëk ja m'ënä'ämën mkutujkën yajpaaty jampaat ma ja m'u'unk m'ëna'k ets m'ok'u'unk m'ok'ëna'k jyuuky'atën, jëtu'un tä ja David ojts ja jyä'ä mëk y'ityën ets ja y'u'unk y'ok ojts y'ënä'ämtën; mijts nëjkxëp ntukë'ëtëjkëtyä'äy ja Israel kajpn.

Salmos 26:1

Wintsën, paye'eykyës yë npoky, yë njuukyajtënës ka'ap tii ëxëëkpë tmëëtëty. Mijts Wintsën, mijts tu'ukyë ntuk'ijxpejtyp;

Salmos 15:2

Yë'ë mëti'ipë oy yajxon juukyajtpën, mëti'ipë ka'ap pyokymyëëtëtyën; mëti'ipë aakjä'ä tyuunpyën oypyë, ets mëti'ipë tëyajtën winë nyimëtyäkpyën;

1 Reyes 8:25

E paaty yam mijts Wintsën nmëpëjktsoy mëti'ipë ja Israel ja'ayëty y'ëwtajtëpën, tun mëyajtën yaj'atëw ja m'aaw m'ayuk ma ya'atë mtuunpën, jëtu'un tä ojts ja mtuunpë David xytyukwinwanën. Ko xy'ënëmaay ko ja David jä'ä y'u'unk y'ëna'k ka'ap y'ëmaaytya'aka'any ets yë'ë ja kutujktakn tmëwë'ëmtëty je'eyëp ko yë'ë pën tyuuntëp winë mëtëy.

Deuteronomio 28:1

Pën mjantymyëmëtoopyën yë mWintsën ets mpatuunëp ja y'ënä'ämën tyiyajtën, mëti'ipë tyam të ntuk'ëne'emyën, yë Dios mëj myajnaxa'anyë ets akäjpxy nëjkx muum m'ity wiink naax wiink kajpn.

Proverbios 20:7

Jotkujk yë ja'ay yë y'u'unk y'ëna'k yajpaatë mëti'ipë të jyuuky'ätyën tëy tëtä'äky.

Proverbios 10:9

Mëti'ipë ka'ap maa nyu'kxyën ka'ap tii tsë'ëkë; mëti'ipë ëxëëk ja'ay'ajtpën, ëxëëk kyukëxë.

Génesis 20:5

Kë'ëmës yë Abraham të xy'ënëëmë ko y'uty yë'ë to'oxytyëjk. E yë Sara näjyëtu'un kë'ëm të y'ënä'äny, ko yë Abraham t'ay'äty. Paaty jëtu'un të nwoyës mëët oyjyot oywyinma'any. Ëjts ka'apës yam nitii ëxëëkpë të ntuuntëkoy.

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 6:12

Yë'ë yam ntuk'ënëëmëjäämpy mëëtpë ja tsajptëjk tyampë xykyojyën, pën jëtu'un winë xytyuny tääjës ja n'ënä'ämën ntëyajtënës ets mpatuunpy jëtu'un tääjës ja n'aaw n'ayuk të nyajwë'ëmyën,

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

Salmos 78:72

E ja David ojts tjanty kyëwent'aty ja Dios ja nyaax kyajpn; ojts tkëwent'aty ets twinwooy twinwijtsy mëët ja kë'ë aaw mëkpë, ets mëët tu'uk ja jot winma'any wa'atspë ets mëtëypyë.

Salmos 101:2

Ëjts tëy tëtä'äkyës njuuky'ata'any. ¿Jëna'ajës xynyimina'any? Oy winë ntuna'any nkajpxa'anyës maas nyajkutukyën.

Salmos 128:1

Janty jotkujk mijts myajpaaty mëët ko ja Wintsën xytsyoky xyjyawë ets ko xymyëmëtoy.

2 Samuel 22:22

jä'ä ko yi'iyës tu'ukyë të ntimkyuuy'ixy ja Wintsën ja nyë'ë'aaw tyu'u'aaw; paatyës tyam n'ëna'any ko nijëna'ajës yë Wintsën nka'ixtija'any.

2 Crónicas 17:4

yë'ë tu'ukyë tyuk'ijxpäjt ja Wintsën mëti'ipë ja tyeety y'ëwtajtën. Ojts tpatuny ja ënä'ämën tëyajtën; ka'ap ojts nëkoo tii winë tpa'ëtë'ëtsy tä ja Israel ja'ayëtyën.

Ezequiel 18:9

jëtu'un winë tuny tääjës yë n'ënä'ämën ntëyajtën y'ënä'änyën ets wa'ats tpaatuunta'ay. Tääpë ja'ay oy jyuuky'äty ets xëmëkyëjxm jyuuky'ata'any. Ëjts Wintsën, ëjts ënaanp.