1 Reyes 9:3 - Biblia Dc en Mixe de Quetzaltepec

³ ets y'ënëmaayë: Tëës nmëtoy wi'ix të mkajpxtä'äkyën ets wi'ix të mjëëytyä'äky të mnu'kxtä'äkyën; tyaapë tsajptëjk mëti'ipë të xykyojyën, tëëjës yam nkënu'kxy maas ja xëëw xëmë yajja'amyätsëtyën. Xëmës nkëwent'ata'any ets xëmës nja'amyätsa'any.

Biblia Mixe de Quetzaltepec

³ ets y'ënëmaayë: Tëës nmëtoy wi'ix të mkajpxtä'äkyën ets wi'ix të mjëëytyä'äky të mnu'kxtä'äkyën; tyaapë tsajptëjk mëti'ipë të xykyojyën, tëëjës yam nkënu'kxy maas ja xëëw xëmë yajja'amyätsëtyën. Xëmës nkëwent'ata'any ets xëmës nja'amyätsa'any.

1 Reyes 9:3 ပူးပေါင်းရင်းမြစ်များ

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

2 Reyes 21:7

Pyëjktak jap ja Aserá ja y'awinax ma ja Wintsën ja jyëën tyëjkën, mëti'ipë ënety ja Wintsën të tnikäjpxyën ma ja David ets Salomón: Ya'atë tsajptëjk, mëti'ipë yaajën Jerusalén, mëti'ipës kë'ëm të nwin'ixyën ma ja Israel ja'ayëtyën, yaa xëmë yajmëjjaw yajaantyjyawëty yë nxëëwës.

2 Crónicas 33:7

Wiink awinax ojts jap tsajptëkoty tpëjktaknë ma ja Wintsën ja jyëën tyëjkën, ma ënety ja Wintsën të t'ënëëmën ja David ets ja myaank Salomón: Ya'atë tsajptëjk, mëti'ipë yaa yajpatpën Jerusalén ma tsyëënëtën yë Israel ja'ayëty, ëjts njä'ä'atäämpy ets yaajës yë nxëëw yaja'amyätsëty xëmëkyëjxm.

2 Crónicas 6:40

E mijts Wintsën, mëti'ipës n'ëwtajtëpën, mëtoow'itëp ja n'aaw n'ayukëtyës mëti'ipë yaa yajyajkpën ma mjëën mtëjkën.

Esdras 6:12

Ja Wintsën mëti'ipë wyin'ijxën ja Jerusalén kajpn ets yë'ë tjä'ä'ata'any, nëjkxëp tyajkutëkoy ja naax kajpn mëti'ipë ënety ëxëëk tunanëpën ets mëti'ipë yajjotkëjxëpën ma ja tsajptëjk jam Jerusalén tuunk'atën. Ëjts Darío, mëti'ipë yajkutujkpën, jëtu'unës ya'atë ja ënä'ämën mpëjktä'äky. Yajpatunëp jëtu'un tääjës yam nikäjpxyën.

Salmos 10:17

Wintsën, mijts mëtoow'ijtyp yë ja'ay ko mëkäjpxyë mëti'ipë näypyutëkë yajmëyäjtypyën, ets xyajjotkujktä'äky ets xypyutëkë.

Salmos 116:1

Ntsojkpy nja'apës yë Wintsën, jä'ä ko tëë tmëtoow'ity mëti'ipës të n'amëtoy të npëjktsoyën,

Salmos 34:17

Yë Wintsën kyëwentëpëjkpy yë wa'ats ja'ay ko wyanë tsyowë ets yajjotkujktäkpy ko jë'ë ya'ax yajpaaty.

Salmos 65:3

Xymyëmëtaktëp ëëtsëty ja nëë poky mëti'ipë yajtuunp yajkajpxpën, e mijts mme'kxyp yë tuuntëko'oy kajpxtëko'oyën.

Salmos 66:19

e yë'ë, tëë tmëtoy ets tëë tja'akyukë yë ntsajpkäjpxyës.

Éxodo 20:11

Jä'ä ko yë Dios tëtujk xëëw ojts t'oytyuny yë tsajp ets naaxwiinyëtë, yë nëëmejy ets tëkokyë mëti'ipë yajpatpën ma yë'ëjëtyën ets ojts pyo'kxy kom wëxtujk xëëw. Jëtu'un'äämpy ojts ja Dios tkënu'kxy yë po'kxënxëëw ets ojts tnikäjpxy ko wya'atsëty.

Éxodo 29:44

Nkënu'kxäämpyës ya'atë wit tëjk ma ja näpyaatë y'ityën ets näjyëtu'un ya'atë wintsë'këntyakn, nkënu'kxäämpyës näjyëtu'un yë Aarón mëët yë y'u'unk y'ëna'k ets yë'ë tyeety'atëty ets xymyëtuntëtyës.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 7:10

ok mmintë ma ya'atë tsajptëjkën, mëti'ipë ëjts të nyajtuknikojën. Jëtu'un mmaytyë mtajtë ko ka'ap yaa tii mjatëtëty; m'ënantëp ko jyëkyejpy je'eyëm ëxëëk m'ëtë'ëtstëty m'ëna'antëty.

Daniel 9:23

Ko të mtëkë nu'kxtakpë, ënätyë ja Dios të xymyo'oyës ja ëtsoowinpijtën. E paaty niminy ets ntuk'ëwaanëja'any wi'ix të y'ëtsoyën, jä'ä ko yë Dios mëk mtsokyë mjawëty. Paaty yam mijts n'ënëëmë ets yajxon xyjyä'äkyukëty ets xynyijawëty mëti'ipë të xy'ixyën.

Mateo 6:9

Jëtu'un ja Dios xymyëkajpxtëty: Tatë Dios tsajpjotmëpë m'ityën, wintsë'ëkë ja mxëëw y'itëty.

Juan 11:42

Nija'apës ko xëmë mijts xy'amëtoow'ityës ets yë'ëjës xyaj'ënaanp ets ya'atë ja'ay oyajtën tpaatëty mëti'ipë tyam yaajëtyën ets tmëpëktëty ko mijts të xykyexyës.

Hechos 10:31

Ënätës xynyëmaay: Cornelio, tëë ja Dios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Deuteronomio 11:12

Ma tääpë it naaxwiinyëtën yë Wintsën yë'ë kë'ëm tyimkëwent'ajtyp ets xëmë jam yë kyënu'kxën tyajkëtä'äky oy tyimjëna'ajëty.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Deuteronomio 12:21

Pën ja it naaxwiinyëtë jëkäm wyi'imy ma ënety ja Wintsën të twin'ixyën, miitsëty mjëkyäjptëp yë tsajpkaa ets tsajppaxy xyaj'ooktëty ets xytsyu'utstëty, mëti'ipë ja Wintsën mooyëtëpën, ma ënety jam myajpaatën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

1 Juan 5:14

Yë'ë ja Dios ntuk'ijxpäjtëm, jä'ä ko nnija'awëm ko n'amëto'owmëty winë ijxtëm yë'ë tsokyën myëtoopy yë'ë.