1 Reyes 9:28 - Biblia Dc en Mixe de Quetzaltepec

²⁸ ets jam jyajtë Ofir, jamts may tpatë yë pu'ts pujxn, ojts jëtää tpaatë majkmäjtsk mil tsimën ets ojts tukninëjkxtë ja Salomón.

Biblia Mixe de Quetzaltepec

²⁸ ets jam jyajtë Ofir, jamts may tpatë yë pu'ts pujxn, ojts jëtää tpaatë majkmäjtsk mil tsimën ets ojts tukninëjkxtë ja Salomón.

1 Reyes 9:28 ပူးပေါင်းရင်းမြစ်များ

2 Crónicas 8:18

Ja Hiram ojts ja wyintsëntëjk tuknipëky ets tkejxy ja kepy nëëwinye'epyë ets ja mayjyä'äy mëti'ipë ënety mëët tyuunmukyën, mëti'ipë nyija'awëtëpën ja mejy, tääts ojts mëët nyëjkxtë ja Salomón ja wyintsëntëjk ets jam jyajtë Ofir, jam tyajtso'ontë majkmokx tsim yë pu'ts pujxn ets ojts tmënëjkxtë ma ja yajkutujkpën Salomón.

1 Crónicas 29:4

Mëko'px mil tsim jye'emtyëty wa'ats pu'ts pujxn, mäjtsk mëko'px ja i'px majk tsim yë poop pujxn, mëti'ipë yajtukwinkoyëpën yë potsy.

Isaías 13:12

Nyaj'ëmaaytya'akäämpyës yë ye'etyëjktëjk këtiinëm yë pu'ts pujxn mëti'ipë tso'onpën Ofir.

Salmos 45:9

Ja to'oxy'ëna'këty mëti'ipë jam yajpatëpën ma mëtëy winë xynyipaye'eyën aakjä'ä jam ja oyëtypë mëti'ipë mëj'äämpy ijtëpën; ja wintaj mëti'ipë yajkutujkpën a'oytsyow y'u'unyë ma mëët myajkutukyën, yë'ë mëët y'oytyunyëty ja pu'ts pujxn oyëtypë.

Job 28:16

Ka'ap tjëkyepy ntukuju'uymyëty yë pu'ts pujxn oypyë yaj'ixyën ets ka'ap tjëkyepy yajtukjuyëty yë uky tsyapts tsaa ets tsuxk uky tsyaa.

Job 22:24

ets pën jëtu'un xy'ixy yë pu'ts pujxn oyëtypë tä naaxwayën, ëkë tä tsaajën mëti'ipë wokjoty ka'tsnääpyën,

1 Reyes 10:11

Ëpëky mëti'ipë ënety ja kepy nëëwinye'epyën të tmëminyën jampë tsyoonyën Hiram, ojts tmëminy yë pu'ts pujxn mëti'ipë jam Ofir tso'onpën, myëmiin näjyëtu'un oyëtypë kepy ets tsaa oyëtypë ets tsowëtypë.

2 Crónicas 9:10

Ëpëky ja pu'ts pujxn ets oyjyätyëtypë ja tsaa mëti'ipë ënety të tmëmintën ja Hiram ja jyä'äy ets ja Salomón ja jyä'äy, jampë tyajtso'ontën Ofir, ma näjyëtu'un tyajtso'ontë ja oyëtypë kepy ets tsaa.

Génesis 10:29

ets Ofir, Havilá ets Jobab. Aakyë'ë ya'atë ojts t'u'unk'aty yë Joctán.

1 Reyes 22:48

Josafat ojts t'oytyuny kepy nëëwinye'epyë kanaak, jëtu'unpë tä jamën Tarsis ets yë'ë tuktsëëmina'any yë pu'ts pujxn mëti'ipë yajtso'ontëpën Ofir; je'eyëp ko ojts jyatsoontë ka'ap jam jyajtë jä'ä ko ojts ja mya'ta'ay jam Ezión-géber.

Eclesiastés 2:8

Tëë nipëjkpetyës may yë pu'ts pujxn, poop pujxn, wit meeny këtiinëm jyëtu'un'atë mëti'ipë jëyëjp të yajkutuktë. Tëës nmëët'aty yë xuxpë wojpë, ëëwpë yaxpë, kanaakës yë to'oxytyëjk të nmëët'aty ets tëëjës yë njuukyajtën yajxon ntukxony.

1 Reyes 10:14

Ja pu'ts pujxn mëti'ipë ja yajkutujkpë Salomón ënety y'ëxajëpën winjëmëjt, jä'ä wyimku'ujty mäjtsk mil tsim.

1 Reyes 22:49

Ënet yë Ocozías yë myaank yë Ahab, t'ënëmaay yë Josafat ets jeexyë tkexy ja tyuunpëtëjk mëti'ipë ja nëë'aaw kyëwent'ajtëpën, je'eyëp ko Josafat ka'ap t'a'ijxëy.

1 Crónicas 1:23

Ofir, Havilá ets Jobab. Tëkokyë ya'atë ja'ayëty aakyë'ë ojts t'u'unk'aty t'ëna'k'aty yë Joctán.

Salmos 45:10

Mëtoow'it, mijts u'unk mijts nëëx; yajxon ja'akyukë mëti'ipë yam ntuk'ënëëmëjäämpyën: Ja'atyëkoy yë mteety mtaak ets tëkokyë yë mjëëky mmëku'uk,