1 Reyes 9:24 - Biblia Dc en Mixe de Quetzaltepec

²⁴ Ja nyëëx ja Egiptë yajkutujkpë ojts jam tsyo'onë ma ja David ja kyajpnën ets ojts nyijkxy ma ja akujktëjkën ma ja Salomón të tyuknikojëtyën. Jamts ja Salomón mëj ja naax t'akojë'ky.

Biblia Mixe de Quetzaltepec

²⁴ Ja nyëëx ja Egiptë yajkutujkpë ojts jam tsyo'onë ma ja David ja kyajpnën ets ojts nyijkxy ma ja akujktëjkën ma ja Salomón të tyuknikojëtyën. Jamts ja Salomón mëj ja naax t'akojë'ky.

1 Reyes 9:24 ပူးပေါင်းရင်းမြစ်များ

2 Crónicas 32:5

Ezequías ni'ikyë jyotmëkpëjky ets tnakojtaay ja nyaax kyajpn mëët mëjëtypë potsy, ojts mëjpotsy tkojy këjxmëtypë ma ja naax kajpn yajkëwent'atëtyën. Ojts yajxon tyajta'tspëky ja David ja nyaax kyajpn ets t'oytyuuny oyëtypë ti'pxn ets ku'umën.

1 Reyes 11:27

Ko ja Jeroboam ojts tukjoot'anpëky ja Salomón jä'äkyëjxm ko ojts t'akojtuky ja patu'u jam Milo, mëti'ipë nëjkxpën ma ja David ja kyajpnën.

1 Reyes 7:8

Ja kutujkëntëjk ma ja Salomón ijty tsyëënën, myëët'ajtyp tu'uk ja nyitëja'aw jap jëxkë'ptsow ets ja tu'uk ja nyitëkot mëti'ipë näjyëtu'un kyojyëtyën. E ja kutujkëntëjk mëti'ipë tyuknikojëyën ja Egiptë yajkutujkpë ja nyëëx, mëti'ipë mëët pyijkyën, nän timjëtu'un ijty kyojyëty.

2 Samuel 5:9

Ko ya'atë kajpn ojts tnitëkëtë ets yë'ë myëtaktë, jam ojts yë David tsyënaaytyaknpëjknë ets tyajxëëwpejty, David yë kyajpn, ya'atë kajpn ojts yajxon tnapotstë, jap ja potsy tyimtso'ontäky naax'ëjxy ets tyimja'ajty jam ma ja kutujkëntëjkën.

1 Reyes 3:1

Yë Salomón ojts tmëku'ukpëky yë faraón, japë y'ëne'emyën Egiptë, jä'ä ko ojts yë Salomón pyiky mëët tu'uk yë nyëëx yë faraón ets ojts jam tyajnëjkxy ma ja David ja kyajpnën, jää it ma ënety jam kyojnyëmën ja këmoontëjk, tsajptëjk ets ja Jerusalén kajpn ja nyapots.

2 Crónicas 8:11

Salomón ojts ja faraón ja nyëëx jam tyajtso'onë ma ja David ja kyajpnën ets ojts tyajnëjkxy ma ja kutujkëntëjkën mëti'ipë ënety të yajtuknikojën; jä'ä ko tyaa ojts myäy tyäjy ko ka'ap yowë y'oy'atëty ko jam tsyëënëty ma ja David ja kyajpnën, mëti'ipë të y'ityën ënä'ämpë yajkutujkpë ma ja Israel kajpnën, jä'ä ko maajaty ënety ja Wintsën ja kyaaxë të yajmënaxyën aak kënu'kxy ja yajpaaty.

2 Samuel 5:7

David ka'ap tii mëj tja'awëy, ojts ja kajpn tnitëkë mëti'ipë ënety yajtijpën Sión, mëti'ipë tyam ja David kyajpn'ajtypyën.