1 Reyes 9:21 - Biblia Dc en Mixe de Quetzaltepec

²¹ Jä'ä jëtu'un ja ja'ayëty ja y'u'unk y'okëty mëti'ipë ënety ka'ap ja Israel ja'ayëty të myäyëtën tyajkutëkoytyëty; Salomón ojts tuunkmo'oy ya'atë ja'ayëty mëët ja mëkëtypë ja tuunk ets tyampaat je'eyëm jëtu'un mëk tyuntë ko jam tsyëënëtë.

Biblia Mixe de Quetzaltepec

²¹ Jä'ä jëtu'un ja ja'ayëty ja y'u'unk y'okëty mëti'ipë ënäty ka'ap ja Israel ja'ayëty të myäyëtën tyajkutëkoytyëty; Salomón ojts tuunkmo'oy ya'atë ja'ayëty mëët ja mëkëtypë ja tuunk ets tyampaat je'eyëm jëtu'un mëk tyuntë ko jam tsyëënëtë.

1 Reyes 9:21 ပူးပေါင်းရင်းမြစ်များ

1 Reyes 5:13

Salomón ojts tyajmuky may yë ja'ay mëti'ipë ja tuunk atsip yajtu'uye'eytyën ma ja kepy ënety jam yaj'apujxtuka'anyën, jä'ä tyajmujky ja ja'ay i'px mil,

1 Reyes 9:15

Salomón ots ja tuunk tyaj'ixtä'äky mëti'ipë atsipën. Jä'ä ko kopkpëky ënety tsyokyë ets yajkojëty ja tsajptëjk mëti'ipë ja Wintsën jyä'ä'atäämpyën, ja akujktëjk ets ma yaj'akojë'kyën ja tsajptëjk ets maa ja naax kajpn yajnapojtsyën. Ëpëky ma ja kajpn ojts yajkojtëpën mëti'ipë xyëëwajtëpën Hazor, Meguido ets Guézer. E tsyaats yajnikajpxa'any wi'ix ojts y'ixë'atyën.

1 Reyes 9:20

E ja Amor ja'ayëty, Hit ja'ayëty, Jerez ja'ayëty, Heve ja'ayëty ets Jebús ja'ayëty mëti'ipë ënety të wyë'ëmtën, ka'apë y'Israel ja'ayëtyën.

1 Crónicas 22:2

Ënet ja David tyajtu'ukmujktaay ja jaaypyaat jaaypyo'kxy ets ojts tuk'ëne'emy tsyaawoptëty, mëti'ipë tunëpën ma ja Dios ja tsyajptëjk kyojja'anyën.

2 Crónicas 8:8

ja y'u'unk y'okëty mëti'ipë ojts jyaakwë'ëmtën, ja y'aptëjk ojts y'o'ktaaynyëtën, Salomón ojts ja mëkëtypë ja tuunk tmo'oy ets tyampaat je'eyëm myëtuntë ets mëkëty ja tuunk mëti'ipë tyuunk'ajtëpën.

Nehemías 11:3

E tsyaats yajnikäjpxy ja kopktëjkëty pënjaty ojts nyijkxy jam Jerusalén tsënääpyë. Ma ja Judá ja nyaaxjot kyajpnjotmën yë'ë ojts jam tsyënaaytyaknpëktë yë teetytyëjkëty, Leví ja'ayëty, ja päätë'k ja'axë'kpëty mëti'ipë jam tuuntëpën ma tsajptëjkën ets y'u'unk y'okëty ja ja'ayëty mëti'ipë jam päätë'k ja'axë'ktën ma ja Salomón ja y'u'unk y'okëtyën, nitu'ukjaty pyataaytyë ja kyajpn ets ja nyaax kyamtëjk.

Nehemías 7:57

Ja ja'ayëty mëti'ipë jam tuuntën ma ja Salomón ja jyëën tyëjkën, jämyëpë ojts pyä'ätën jyaaxtën, jä'ä ja y'u'unk y'okëty ja Sotai, ja Soféret, ja Perutá,

Proverbios 12:24

Mëti'ipë ja'ay tuunpën, kopkpëky ko myëta'aka'any, e mëti'ipë nuuxën, yë'ë yajmëmëta'akaanp.

Deuteronomio 20:11

E pën ja ja'ayëty mëti'ipë jam tsënaaytyëpën kyupëjktëp, ijxtëm ënety m'ëna'antën ets mooyëtëp ja najxtakn ets jam mtëkëtëty kyajpnjotm, yë'ëjëty nëjkxëp mëtunëtë ets ja mëkëtypë ja tuunk nëjkx xytyuktuntë.

Josue 15:63

Yë Judá y'u'unk y'ok ka'ap ojts myäyëtë tyajpëtsëmtëty yë Jebús ja'ayëty jam Jerusalén mëti'ipë ënety jam tsënaaytyëpën, paatykyëjxm yë Jebús ja'ayëty je'eyëm tyampaat mëët y'ijtmuktë yë Judá y'u'unk y'okëty jam Jerusalén.

Josue 16:10

Yë Efraín yë jyä'äyëty ka'ap ojts myäyëtë t'ëxwoptëty yë Canaán ja'ayëty jampë tsyëënëtën Guézer, ojts tyajwë'ëmtë ets mëët tsyënaamyujktë, je'eyëp ko ojts tuk'atsip'atë ets xëmë nyäkyukëpätëtëty. Paaty tyampaat yë Canaán ja'ayëty tämyëm yajpaatë ma tääpë it naaxwiinyëtën.

Josue 17:12

Ja Manasés ja jyä'äyëty ka'ap ojts myäyëtë tniwa'aktëty ya'atë kajpn kanaakpëkpyë, jä'ä ko ja Canaán ja'ayëty mëk ojts nyäpyëjkta'akëtë, paatykyëjxm ojts jam wyë'ëmtë.

Josue 17:13

E ko ja Israel ja'ayëty myëktaktë, ënät tuk'atsip'ajtë ja Canaán ja'ayëty ets nyäkyuyakëtëty, je'eyëp tëy ko ka'ap ojts timy'ëxwoptë.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Jueces 1:36

Yë tsyëpa'anëty yë Edom ja'ayëty jampaat tsyo'ontä'äky ma ja yä'äpwiin txëëwatyën Acrabim ets jyä'ty jam Selá ets tyimpäjtë'ëky jam jëtu'un.

Jueces 2:20

Paaty ojts ja Wintsën tukjoot'anpëky ja Israel kajpn ets y'ënäny: Ya'atë ja'ayëty je'eyë nëkoo tyajma'aty yë nkäjpxytyu'unënës mëti'ipës ntuunën mëët yë y'ap y'okëty ets ka'apës xymyëmëtowa'antë.

Jueces 3:1

Ya'atëty ja kajpn mëti'ipë ojts ja Wintsën tyajwë'ëmyën ets yë'ë mëët twinma'any'ixa'any ja Israel ja'ayëty mëti'ipë ënety ka'ap myintënëm naaxwiinyëtë ko yajnitsiptuuny ja it naaxwiinyëtë jam Canaán.