1 Reyes 9:1 - Biblia Dc en Mixe de Quetzaltepec

¹ Ko ja Salomón tkojtaay ja tsajptëjk, ja këmoontëjk ets tyajwintu'upëjktaay tëkokyë ja tyuunk mëti'ipë ënety të tuknipëjktaakën,

Biblia Mixe de Quetzaltepec

¹ Ko ja Salomón tkojtaay ja tsajptëjk, ja këmoontëjk ets tyajwintu'upëjktaay tëkokyë ja tyuunk mëti'ipë ënäty të tuknipëjktaakën,

1 Reyes 9:1 ပူးပေါင်းရင်းမြစ်များ

2 Crónicas 7:11

Ko ja Salomón tkoj'apatëtyääy ja tsajptëjk, ja këmoontëjk ets mëti'ipëjaty nyipëjktakëyën tkoja'any,

1 Reyes 9:19

Ojts näjyëtu'un t'akojëtyä'äy ja naax kajpn maajaty ënety pëjkë'ëky tyaj'ityën ja aaypyajk ujtspajk ets ja jë'kxy pëky ets maa tyaj'ityën ja pujxnwintëkäämpë mëti'ipë myëtsiptuuntëpën, ma ja tsiptuunpë ja'ayëty y'itën mëti'ipë këwaay'ënyääytyëpën ets tëkokyë mëti'ipë ënety të tuknipëjktaakën tkojja'any jam Jerusalén, jam Líbano ets maajaty ja it naaxwiinyëtë tnitänën.

Eclesiastés 6:9

Tsoowpatp ni'ik ko tii ntimy'ijxmëty ets këtii ko tii je'eyë nmëma'ay nmëtajmëty. Je'eyëp ko natëkë winma'any näjyëtu'un ets jëtu'un tpaaty tä juukyajtën je'eyë ntuk'ëyë'kmëtyën.

Eclesiastés 2:10

Tëës winë ntuunta'ay mëti'ipë ntsojkën'ajtypyën; tëë n'ety nxoontä'äky janaam jatsojk. Tëës yajxon ntukxony yë ntuunkës, etsës yë'ë të nkuma'ayën'aty.

Eclesiastés 2:4

Mëj këjääjës winë të ntuny; ojtsës yë nkutujkëntakn mëj nkojy, tëëjës yë naax nkam mëj mpëjktä'äky maas yë tsatsymkyam mëjatyëty nmëët'atyën.

1 Reyes 9:11

mëti'ipë ja Hiram nyiyajkëyën jampë yajkutukyën Tirë. Hiram ojts tmo'oy ja Salomón may ja oy kepy, ja ajë kepy ets ja juunkepy, ëpëky may ja pu'ts pujxn jëtu'un tä ënety tyajmëyätyën ja Salomón. E ja Salomón ojts tmo'oy ja Hiram majk ja kajpn jam Galilea.

1 Reyes 7:51

Ko y'apatëtyääy ja tuunk mëti'ipë ënety ja yajkutujkpë Salomón të tni'ënä'ämën ma ja tsajptëjkën, ënät tmënëjkxtaay jap tsajptëkoty ja apëjk atu'unën pu'ts pujxn mëëtpë ets ja poop pujxn mëëtpë mëti'ipë ënety ja tyeety David të tukmëyoxyën ja Wintsën ets jap tpëjktaktaay ma nyipetyën ja Wintsën ja jyä'ä.

1 Reyes 6:37

Ma ënety kyëjääjë taxk jëmëjt yajkutukyën yë Salomón, ma ja po'o y'änyën mëti'ipë tyijtëpën Ziv, jä'ä ojts ja potsy ëjx yajpëjktä'äky, mëti'ipë tsyajptëjk'atäämpyën ja Wintsën,

1 Reyes 7:1

Salomón ojts kë'ëm kyumoontëjk tkojy, kom majktëkëëk jëmëjt tkoj'apejty.

1 Reyes 7:2

Ojts näjyëtu'un wiinkpë këmoontëjk tkojy, jä'ä ojts tijy, Yuk Kepyjyot, jä'ä y'ayenyëty i'px mëkoxk xajpk ets myëjwiinëty majkmäjtsk xajpk ja mäjtsk kë'ënux ets kyëjxmëty wëxtujk xajpk ja mäjtsk kë'ënux; jä'ä y'akojtukyëty taxk waats, aakyë'ë ajë kepy ets aakyë'ë kyukap'ajtyp yë ajë kepy.

1 Reyes 8:66

Ko tyuktujkxëëwpejty tä ja Salomón ja mayjyä'äy mëët nyäjyëkajpxtaayënë e yë'ëjëty ojts yajkutujkpë tkënu'kxtë. Tääts këëkjä'äjaty nyëjkxtaaynyëtyë ma ja tyëjkëtyën mëët akujk'ajt jotkujk'ajtën ko të t'ixtë wi'ix ja wintsën ja tyuunpë David oy të tkënu'kxyën ets wi'ix ja naax kajpn näjyëtu'un oy tyajmëj'atyën.

1 Reyes 9:10

I'px jëmëjt ënety të nyäxy ma ja Salomón tkoj'apatëyën ja tsajptëjk ets ja akujktëjk,

2 Crónicas 8:6

Näyjyëtu'un tkoj'o'oyëy ja Baalat kajpn ets ja wiinkëtypë ja kajpn ma ënety ja jë'kxy pëky tpëjkë'ëkyën, tëkokyë ja jëën tëjk ma ja pujxnwintëkäämpë pëjkë'ëky y'ityën mëti'ipë myëtsiptuuntëpën ja tsiptuunpëtëjkëty ets ja jëën tëjk ma ja jëyujk yajpëjkë'ëktën mëti'ipë myëtsiptuuntëpën ets tëkokyë mëti'ipë ënety të tuknipëjktaakën tkoja'any jam Jerusalén, jam Líbano ets maajaty ja naaxwiinyëtë tnitänën.

1 Reyes 3:1

Yë Salomón ojts tmëku'ukpëky yë faraón, japë y'ëne'emyën Egiptë, jä'ä ko ojts yë Salomón pyiky mëët tu'uk yë nyëëx yë faraón ets ojts jam tyajnëjkxy ma ja David ja kyajpnën, jää it ma ënety jam kyojnyëmën ja këmoontëjk, tsajptëjk ets ja Jerusalén kajpn ja nyapots.

2 Crónicas 7:1

Ko ja Salomón kyajpxtaktaay, ënät jam tsajpjotm tsyo'ony mëj jëën ets tukkëtäky ja jëyujk'ooky mëti'ipë ënety jam të yajpëjktä'äkyën ma ja wintsë'kën yajyäkyën ja nino'okpyë, tä ja Wintsën ja tyëjk tyuktujky mëët ja myëj'ajt y'oyajtën,

2 Crónicas 8:1

I'px jëmëjt ojts nyäxy ma ënety ja Salomón të tkojyën ja tsajptëjk ets ja kyutujkëntëjk,