1 Reyes 8:9 - Biblia Dc en Mixe de Quetzaltepec

⁹ Jap kaaxëjoty yë'ë jap ja majkpë ënä'ämën kuttujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

Biblia Mixe de Quetzaltepec

⁹ Jap kaaxëjoty yë'ë jap ja majkpë ënä'ämën kutujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

1 Reyes 8:9 ပူးပေါင်းရင်းမြစ်များ

Éxodo 25:21

Ënet ok xytyuk'ajupëty ja kaaxë'aaw ets jap kaaxëjoty tëë ënety jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën.

Hebreos 9:4

jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Dios ja kyäjpxytyu'unën.

Éxodo 40:20

Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Dios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënety ja Wintsën të tni'ënä'ämën.

2 Crónicas 5:10

Ma ja kaaxën yi'iyë ënety jap ijtp mäjtsk ja tsaatsetsy ma ja tëyajtën ojts ja Moisés tkëxja'ayën jap Horeb, ja tsaatsetsy mëti'ipë ojts ja Wintsën tni'ënä'ämën y'oyëty mëët ko ënety ja käjpxytyu'unën të tuny mëët ja Israel ja'ayëty.

Deuteronomio 4:13

Yë Wintsën ojts mtuk'ix mtuknijawëtë yë kyäjpxytyu'unën, majk ojts ja ënä'ämën tëyajtën tja'ay ma mäjtsk ja tsaajën mëti'ipë kepy tsyetsyën ets ojts tni'ënä'ämë ets xykyuuytyuntëty.

Apocalipsis 15:8

Ets y'ujtstaay ja Dios ja tyëjk mëët ja jok, jä'ä ja Dios ja myëj'ajtën jyääntyajtën ets ja kyutujkën; ni pën mëpaat jap kyatëkë, koonëm jyëjpkëxëty ja ëyo'on mëti'ipë ja wëxtujkpë tsajpjotmëtë kukäjpxy myëët'ajtëpën.

Ezequiel 10:4

Ënet ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.

1 Reyes 8:21

Tëës näjyëtu'un ëpëky ja tyëjk nkojë ma ja Wintsën ja kyaaxë y'itëtyën, mëti'ipë myë'ijtypyën ja käjpxytyu'unën mëti'ipë tyuunën mëët ja n'ap'ajt n'ok'ajtëmë, ko tju'ty jap Egiptë.

Deuteronomio 31:26

Ya'atë noky jam nëjkx xypyëjktä'äky kaaxëpë'am, mëti'ipë myë'ijtypyën ja käjpxytyu'unën. Yë'ë mtuk'ixtëp ets mtukja'amyätstëp ko ënety ja ëxëëktu'un ëxëëkajpxën jä'ä xypyanëjkxtëjkënyëtë.

Éxodo 16:33

Ënet näjyëtu'un t'ënëmaay ja Aarón: Ix tu'uk yë katsy ets ënät jap xy'apëkëty yë maná oy mäjtsk nëë a'ukën, tä ënät ok xytyukwintsë'ëkëty yë Dios. Japts wyë'ëmëty pëjkë'ëky, yajtuknipëjkë'ëkëtëty ja m'u'unk m'okëty.

Éxodo 16:10

Ma ënety jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Éxodo 14:24

E kujk ënety ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Dios jap ënety yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Éxodo 13:21

Ko xyiinyäjty, yoots ojts mëët yë Dios tyu'uwinwowëtë, e ko kyootsajty tu'uk yë jëën kyutë'kxëtë. Paaty tjëkyejpy ets nyë'ëye'ey tyu'uye'eytyëty xëëny koots.

Éxodo 25:16

Jap kaaxëjoty xypyëjkta'akëty ja ënä'ämën tëyajtën mëti'ipë yam nmo'ojäämpyën.

2 Crónicas 5:9

Je'eyëp ko ja nyikepy ya'atë ja kaaxë yenyëty ijty oy, këxë'kp jappaat ma ja tëkotën mëti'ipë ëmaayën ets kënu'kxyën, jäpyë tëja'p ka'ap yaj'ixy; jëtu'un ojts wyi'imy, tyampaat je'eyëm jam jëtu'un.