1 Reyes 8:8 - Biblia Dc en Mixe de Quetzaltepec

⁸ Je'eyëp ko ja kepy mëti'ipë ijty yajtukpakëëpyën, yenyjyätyëty ijty, ka'ap nyitujktaay, paaty ko jap pën tyänë ma ja tëjk apu'uyën mëti'ipë kënu'kxyën, këxë'kp ya'atë kepy, jäpyë ka'ap kyëxë'ëky tëja'p, jëtu'un ojts wyi'imy tyampaat.

Biblia Mixe de Quetzaltepec

⁸ Je'eyëp ko ja kepy mëti'ipë ijty yajtukpakëëpyën, yenyjyätyëty ijty, ka'ap nyitujktaay, paaty ko jap pën tyänë ma ja tëjk apu'uyën mëti'ipë kënu'kxyën, këxë'kp ya'atë kepy, jäpyë ka'ap kyëxë'ëky tëja'p, jëtu'un ojts wyi'imy tyampaat.

1 Reyes 8:8 ပူးပေါင်းရင်းမြစ်များ

Mateo 28:15

Ja këwent'ajtpëty ojts ja meeny t'ëxajëtë ets tpatuuntë tä ënety të yaj'ënëëmëtën. Tyampaat je'eyëm jëtu'unpë ayuk tmëët'atë yë jutiiyës ja'ayëty.

2 Crónicas 5:9

Je'eyëp ko ja nyikepy ya'atë ja kaaxë yenyëty ijty oy, këxë'kp jappaat ma ja tëkotën mëti'ipë ëmaayën ets kënu'kxyën, jäpyë tëja'p ka'ap yaj'ixy; jëtu'un ojts wyi'imy, tyampaat je'eyëm jam jëtu'un.

Josue 4:9

Ëpëky ojts yë Josué näjyëtu'un tkoontä'äky majkmäjtsk yë tsaa jap nëëjoty ma ënety ja teetytyëjkëty të tmëtänëtën ja kaaxë mëti'ipë ja käjpxytyu'unën myë'ijtypyën. Tääpë tsaa jap ojts wyë'ëmtë tyampaat.

Éxodo 40:20

Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Dios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënety ja Wintsën të tni'ënä'ämën.

1 Reyes 8:7

ja kyäknëty jä'ä tyuknikëëytyëp ja kaaxë, mëët tëkokyë ja nyikepy mëti'ipë mëët yajpakë'ëyën.