1 Reyes 8:56 - Biblia Dc en Mixe de Quetzaltepec

⁵⁶ Kënu'kxy mëjjawë ja Wintsën y'itëty mëti'ipë ja Israel kajpn të tmo'oyën ja jotkujk'ajtën, jëtu'un tä ënety të tnikäjpxyën. Yë'ë tëë tuunta'ay tä ojts ja Moisés tukkajpxpëtsëmyën, mëti'ipë yë'ë tyuunpëajtën.

Biblia Mixe de Quetzaltepec

⁵⁶ Kënu'kxy mëjjawë ja Wintsën y'itëty mëti'ipë ja Israel kajpn të tmo'oyën ja jotkujk'ajtën, jëtu'un tä ënäty të tnikäjpxyën. Yë'ë tëë tuunta'ay tä ojts ja Moisés tukkajpxpëtsëmyën, mëti'ipë yë'ë tyuunpëajtën.

1 Reyes 8:56 ပူးပေါင်းရင်းမြစ်များ

Lucas 21:33

Këxaanp naxaanp yë naax tsajp, e yë n'aaw n'ayukës nijëna'a kyakëxa'any.

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënety ja Dios tsokyën, ets jëtu'un tä ënety të twaantä'äkyën winë.

Deuteronomio 12:10

E ko ënety të xytyuknajxnëtë ja Jordán mëjnëë ets jam myajpatnëtëty ma ja it naaxwiinyëtë mëti'ipë ja Wintsën mo'ojanëtëpën ets ka'ap maa y'ëkyajpatnëtë ja mëtsipëty, nitii tsë'ëkë maa kya'ëk'ijtnëty.

Deuteronomio 3:20

E ëjts Wintsën, ëjts yam ënaanp, pën ka'ap ja mjëëkyëty mmëku'ukëty oy jotkujk yajpaatënëm, jëtu'un tä miitsëtyën ets ka'ap ja nyaax kyam tpëktënëm mëti'ipës yë'ë nmo'ojantëpën jam awinmtsow ma ja Jordán mëjnëëjën. Miitsëty ka'ap tjëkyepy mwinpitëty ets mnëjkxtëty ma ja itjotmën mëti'ipë të nmo'otën.

2 Crónicas 14:6

Mëët ko ënety jä'ä xëëw jä'ä jëmëjt akujk jotkujk ja naax kajpn yajpaaty ets ka'ap maa tsip käjpxy, ko jëtu'un ja Wintsën t'a'ijxëy, ënät ojts Asá may tyajkojy yë kajpn mëkëtypë ta'tspëkyëtypë jam Judá.

2 Reyes 10:10

E tyam yajxon xynyijawëtëty ko tëkokyë mëti'ipë yë Wintsën nyikajpxën wi'ix ënety jyata'any kyëpäta'anyën ja Ahab ja y'u'unk y'ëna'k ets ja jyiiky myëku'uk, nitu'uk kyaninaxa'any. Tëkokyë mëti'ipë tyam yaj'ijxp yajtuunpën tëë yë Wintsën tnikajpxta'ay mëët yë tyuunpë Elías.

Deuteronomio 12:12

Nëjkxëp tu'uk yë mëj xëëw xyaj'apaatëtë ma ja Wintsën xymyëjjawëtëtyën, mëët ja m'u'unk m'ëna'këty, ja mtuunpëty ets Leví ja'ayëty. Miits wa'ats xynyijawëtë, ko yë'ëjëty ka'ap yë nyaax tmëët'atë.

Éxodo 18:10

ets y'ënäny: Kënu'kxy mëjjawë yë Dios y'ity, mëti'ipë miitsëty të myaj'ëwaatsëpëtsëmëtën, mëti'ipë jyä'äy'äjtypyën yë Israel, ma ënety ëxëëk tyunëtën yë Egiptë mëj'ënä'ämpë ets ja Egiptë ja'ayëty. Ko të mjëwowëtë ma jam ëyo'onjëjp'am të myajpaatën,

1 Crónicas 16:36

Kënu'kxy mëjjawë ja Wintsën ja xyëëw y'itëty, mëti'ipë yë Israel ja'ayëty y'ëwtajtëpën xëmëkyëjxm. Tä ja naax kajpn y'ëtsooy: Jëtu'un'atëp ets tukxoontaktë ja Wintsën.

1 Crónicas 22:9

E nëjkxëp tu'uk yë mmaank y'ity, mëti'ipë jotkujk yajpaatammpën ets ka'ap tiitsip tpaata'any; ëjts kë'ëm ntuknipëjktaakëjäämpy ets ka'ap nëkoo myëtsip yajjotkëxëtëty. Paatykyëjxm txëëwata'any Salomón. Ma ënety yë'ë tyunyën akujk jotkujk nëjkx ja naax kajpn yajpaaty.