1 Reyes 8:44 - Biblia Dc en Mixe de Quetzaltepec

⁴⁴ Ko ënety ja naax kajpn nyijkx tsiptuunpë mëët ja myëtsip ma ja në'ë tu'ujën mëti'ipë të xytyukni''ixën ets jam tmëpëjktsowtëty ja Wintsën, nyajts'ixëtëty ma ja mtsajptëjkën mëti'ipë tyam të yajkojyën,

Biblia Mixe de Quetzaltepec

⁴⁴ Ko ënäty ja naax kajpn nyijkx tsiptuunpë mëët ja myëtsip ma ja në'ë tu'ujën mëti'ipë të xytyukni''ixën ets jam tmëpëjktsowtëty ja Wintsën, nyajts'ixëtëty ma ja mtsajptëjkën mëti'ipë tyam të yajkojyën,

1 Reyes 8:44 ပူးပေါင်းရင်းမြစ်များ

2 Crónicas 32:20

Paaty ja Ezequías ets ja Jeséas, yë Amós myaank, tyëjkëtyë kajpxtakpë ma Wintsënën ets putëjkën t'amëtoowtë.

2 Crónicas 18:31

Paaty ko ja sirië ja'ayëty t'ijxtë ja Josafat, jëtu'un y'ënantë ko jä'ä ja Israel yajkutujkpë, tä ënätyë tyajnatujktë. Tä Josafat ënätyë tmëpëjktsooy ja Wintsën ets pyutëkëtëty, yë'ë ënätyë jyänty pyutëjkëyë. Ënätyë tyajjëwa'ktaay ja sirië ja'ayëty,

2 Crónicas 6:34

Ko ënety ja mnaax mkajpn tsyoony tsiptuunpë ëkë muum nyijkxy ma xykyexyën, pën m'ëwtajtëp jëyëjp ma ya'atë ja naax kajpnën mëti'ipë të xywyin'ixyën ets ma ya'atë ja tsajptëjkën mëti'ipë të ntuknikojën,

1 Reyes 8:16

maju'unëmës yë nnaax nkajpn njuutyën jap Egiptë, kamaajës tu'uk ja naaxwiinyëtë nkawin'ixynyëm ma ja Israel ja'ayëty tnitänëtën ets jam tu'uk ja tsajptëjk kyojëty, maas ja nxëëw yajja'amyätsëtyën. E yë'ëts yë David, ojtsës yë nwin'ixy ets yë'ë nnaax nkajpnës t'ënä'ämëty.

2 Samuel 5:23

David ojts jatëkok yë wyintsën tuk'ëwaanë, ja Wintsën ojts y'ëtsoowinpityë ets y'ënëmaayë: Këtii wintuuytsyow xynyiminëty, jëxkë'ptsow xynyi'ëwtitëty ets jää xynyipëtë'ëkëty ko ënety jam të mja'ty ma ja kepyjotyën mëti'ipë yajtijpën bálsamo.

2 Samuel 5:19

David pojën ojts ja Wintsën tuk'ëwaanë ets tyajtëëy: ¿Wi'ix oy'atëp ets mëët yë filistejë ja'ayëty ntsiptunëtyësë? Tä ja Wintsën y'ëtsoowë: Oy, tsiptun mëët, tyam mijts nyajmëta'akëty.

1 Samuel 30:8

tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.

1 Samuel 15:18

Yë'ë të mtuk'ëne'emyë ets xyajkutëkoyëty tääpë pokyjä'äytyëjk, yë Amalec ja'ayëty ets xynyitëkëty koonëm xy'ijxnajxta'ajëty.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Jueces 6:14

Ënet ja Dios ja kyukäjpxy je'eyë wyintë'kxë ets y'ënëmaayë: Yajtun ja mjot mëjaaw mëti'ipë mëët'ajtypyën ets nëjkx yajtso'ok Israel ja'ayëty ma Madián ja'ayëtyën. Ëjts jëtu'un yam mijts nkejxyp.

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

1 Reyes 8:45

mijts mëtoow'itëp jam tsajpjotm ja wyaantso'ow pyëjktso'owënëty ets xynyipaye'eyëp.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

2 Crónicas 20:5

Tä ja Josafat tyëjkëy jam kajpxpë ja'ay'itkujky, ma ja Judá ja'ayëty të nyiye'eypyätën jam Jerusalén tsajptëjk ëkë'ëm,