1 Reyes 8:43 - Biblia Dc en Mixe de Quetzaltepec

⁴³ Mëtoow'ijtëp ja y'aaw y'ayukëty jam tsajpjotm ma myajpaatyën ets mo'ojëp mëti'ipë ënety m'amëtoow mpëjktsoowëpën. Jëtu'un tu'kë'ëyë ja naax kajpn tnijawëtëty ja mxëëw ko myëkëty ets mwinkutsë'ëkëtëty jëtu'un tä Israel naax kajpn mwinkutsë'ëkëtën ets nëjkx tnijawëtë ko yaa ja mxëëw yajmëjjawë, ma ya'atë tsajptëjkën, mëti'ipë yam të yajkojyën.

Biblia Mixe de Quetzaltepec

⁴³ Mëtoow'ijtëp ja y'aaw y'ayukëty jam tsajpjotm ma myajpaatyën ets mo'ojëp mëti'ipë ënäty m'amëtoow mpëjktsoowëpën. Jëtu'un tu'kë'ëyë ja naax kajpn tnijawëtëty ja mxëëw ko myëkëty ets mwinkutsë'ëkëtëty jëtu'un tä Israel naax kajpn mwinkutsë'ëkëtën ets nëjkx tnijawëtë ko yaa ja mxëëw yajmëjjawë, ma ya'atë tsajptëjkën, mëti'ipë yam të yajkojyën.

1 Reyes 8:43 ပူးပေါင်းရင်းမြစ်များ

Salmos 102:15

Tëkokyë yë naax kajpn ets tëkokyë yë ënä'ämpëtëjk naaxwiinypë y'itën yajpaatën, nëjkxëp twintsë'ëk tmëjjawëtë yë Wintsën yë myëjxëëw,

1 Samuel 17:46

E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Dios yajpaaty ma Israel ja'ayëtyën.

Isaías 11:9

Maas ja ntun nkopkën ka'ap jam nitii yajpaata'any mëti'ipë ëxëëktunëpën, jam ma naax kajpnën ujts jam yajpaata'any mëët ja Wintsën y'oyajtën myëj'ajtën, jëtu'un tä yë mëjmejyën y'ujtsëtyën mëët yë nëë.

Salmos 86:9

Mijts Wintsën, mijts të xyajkojy tëkokyë yë naax kajpn, yë'ë mniminanëtëp ets m'ëwtata'anëtë ets tukxoonta'aka'antë yë mxëëw.

Salmos 67:2

ets tëkokyë yë naaxwiinyëtë ja'ay nijawëtëty mëti'ipë mtuknipëjktakëpën ets ko mijts myajnitsokp.

Salmos 22:27

Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

2 Reyes 19:19

E tyam mijts myaj'amëtoy myajpëjktsoy Wintsën, ma mijts myaj'ëwtatyën, koos xynyiwaantu'utëty ets ëwaatsëtuuy xyajwë'ëmtëtyës këtiipës tääpë ja'ayëty ëxëëk xytyuntëty, jëtu'un tëkokyë ja naax kajpn tnijawëtëty ko mijts tu'uk mWintsën, mëti'ipë mëpaat yë naaxwiinyëtë ja'ay t'ëwtatyën.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

2 Crónicas 6:33

mijts mëtoow'itëp jam tsajpjotm, ma mtsëënën. Mo'ojëp tukë'ëyë mëti'ipë y'amëtoowtëpën, jëtu'un tëkokyë ja naax kajpn nijawëtëty ets mkënu'kxyjyawëtëty jëtu'un tä Israel ja'ayëtyën ets tja'akyukëtëty ko mxëëw yaa yaj'ëwtaty ma ya'atë tsajptëjkën mëti'ipës të nkojyën.

Josue 4:24

Jëtu'un nëjkx tëkokyë ja naax kajpn tnijawëtë naaxwiinyëtë apëtsëmy ko yë Wintsën mëj ets jaanty yë'ë. Miitsëty yë'ë xëmë m'ëwtatëp ets xymyëjjaw xy'oyjyawëtëty, tääpë Wintsën mëti'ipë miits mTiosajtëpën.

Josue 4:23

Wi'ix ojts nyäwyä'kxyën mäjtskpëky ets ojts të'ëts wa'ats mnaxtë, jëtu'un ijxtëm ojts jam Tsapts mëjmejy jyäty kyëpetyën, ko ojts ja mejy yajtuknaxy.

1 Reyes 8:60

jëtu'un ja wiinkëtypë ja naax kajpn nijawëtëty ko yë'ë tu'ukyë Wintsënajtp ets ka'ap maa wiinkpë.

1 Reyes 18:36

Ko ojts tpaaty ma ënety ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.

1 Crónicas 16:8

Kukajpxëtë ja'awëkyëta'aktë ja Wintsën. Nikajpxtë ja xyëëw. Tuk'ëwaanëtë ja naax kajpn wi'ix winë tuny tkäjpxyën.

Salmos 33:14

jam ma jyuuky'ätyën wa'ats t'ixy tuny ninu'un yë ja'ay tsyëënëtën naaxwiiny.

Jeremias 25:29

Jä'ä ko jamës nyajtso'onta'aka'any yë ëyo'on jotmay ma ja kajpnën mëti'ipës ojts ëjts njayajtuknikënu'kxën. ¿E miits m'ënantëp ko ka'ap myajtëytyuntëtyë? Miitsëty ka'ap myajnimä'kxa'antë, jä'ä ko nyajtso'onta'akäämpyës yë tsip ma tëkokyë yë naax kajpn yajpaatën. Ëjts Wintsën mëti'ipë maaytyääyëpën winë, ëjts ënaanp.

Deuteronomio 26:15

Mijts Dios mëti'ipë jam ijtpën tsajpkëjxm, ma ja m'ijtaknën wa'atspë, ku'ijxnax yaa naaxwiiny, kënu'kx yë mnaax mkajpn, yë Israel kajpn ets kënu'kx näjyëtu'un yë naaxwiinyëtë mëti'ipës të xymyo'otën ma ja jë'kxy pëky ka'ap y'ëmaaytyä'äkyën ets jëtu'un y'atëwëty ja m'aaw m'ayuk tä ojts xytyukwinwanën ëëts ja n'ap n'okëty.