1 Reyes 8:38 - Biblia Dc en Mixe de Quetzaltepec

³⁸ Oy tyimtii'ëyo'onëty, pën ja ja'ay ëmuumtu'ukjot jyootwinpity ets tnajtsxajëty ja kyë'ë yaa ma ja mtëjkën,

Biblia Mixe de Quetzaltepec

³⁸ Oy tyimtii'ëyo'onëty, pën ja ja'ay ëmuumtu'ukjot jyootwinpity ets tnajtsxajëty ja kyë'ë yaa ma ja mtëjkën,

1 Reyes 8:38 ပူးပေါင်းရင်းမြစ်များ

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

1 Reyes 8:22

Ënet ja Salomón jam wya'ak'o'oyëy ma ja Wintsën ja wyintsë'këntyaknën. Tam ënety ja naax kajpn të tyu'ukmuky, tääts ojts tyujkxajy ja kyë'ë jam tsajpwinm,

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Proverbios 14:10

Yë jot winma'any nyija'ap ko ëxëëk jyäty kyëpety; ko jyotkujk'aty ka'ap tjëkyepy tpëjkwa'kxëty pën mëët.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 42:11

¿Wi'ixës ko nkumon nkutukëty? ¿Wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Salmos 42:9

Jëtu'unës Dios n'ënëëmë mëti'ipës xykyuwaanpën: ¿wi'ixës ko xyjyä'äytyëkoy? ¿Wi'ix koos nyajpaatëty jë'ë ya'ax ko ja nmëtsipës ëxëëk y'ëti'itsy y'ënä'äny?

Salmos 42:6

Mon tukës nnäjyawëty, paaty mijts nmëmay nmëtajy. Jampaat ma Jordán mëjnëëjën, ma Hermón kopk ets ma Misar kopkën.

Job 7:11

Paaty ka'ap tjëkyepy amonyë n'itëtyës. Maas yam npëkyë n'ixyën ets maas yam pa'am nmënaxy nyajnaxyën, minës mëk n'ëk'ëjy n'ëktu'uky.

2 Crónicas 6:29

mëtoow'it tëkokyë ja jëëytyak nu'kxtakën mëti'ipë tyuuntëpën ja ja'ay, mëti'ipë tyuuntëpën tëkokyë ja Israel kajpn ko ënety t'ixtë mëj këjää ja ëyo'on jotmay. Ko ja kyë'ë txajë'ëktëty ets tnajtsxajëtëty ma mjëën mtëjkën. Mëtoow'it jam tsajpjotm ma myajpaatyën ets pokymyä'kx; mo'o nitu'ukjaty ja ja'ay ijxtëm pyäätyën, jä'ä ko mijts wa'ats xynyijawë wi'ixjaty nitu'ukjaty yë ja'ay ja jot wyinma'anyën.

Romanos 7:24

O'ktëyës njaty. ¿Pën xy'ëktukniwa'atsëpës ja poky mëti'ipë yaj'o'kpën?

Éxodo 9:29

Ets ja Moisés y'ëtsooy: Je'eyës yaa mpëtsëmëty etsës yam yë Dios nmëpëjktsowa'any mëët mijtskyëjxm ets wä'än ja tëtsn tuu tnaxy, näjyëtu'un këtiipë y'ëkwëtsujknëty ets ënääw y'ëk'ënanëty. Jëtu'un'äämpy xynyijawëty ko yë naaxwiinyëtë Dios yë jyä'ä'ajtyp.

1 Reyes 8:37

Ko ënety jyää'aty ja yuu xëëw, ja pa'am ëyo'on, ja ëyo'on jotmay, ëkë myinëty ja aay ujts ja nyipa'am, tyëtstaaynyëty mëët ja xëëw'an ëkë ko y'ëyo'onpëjkta'akëty ja mëkuk, poo, kumtënë'k, mu'u ets oynatii jëyujk, ëkë ja mëtsip tyajku''ëtukëty ja naax kajpn, ëkë myinëty tiijaty ëyo'on tiijaty pya'am, tun mëyajtën mpa'ëyowëp yë mnaax mkajpn, mëtoow'ijtë ja jyiiytyak nyu'kxtakën.

1 Reyes 8:39

mmëtowëp jam tsajpjotm ma myajpaatyën. Mpokymyä'kxëp ets mijts nipaye'ey ja ja'ay nitu'ukjaty wi'ixëty pyaatëtën, jä'ä ko mijtsyë jëtu'un tu'ukyë mnija'ap wi'ixjaty ja amay jotmay yajmëëtëtyën ets wi'ixjaty ja ja'ay myäy tyajtën.

Jonás 2:4

Jëtu'unës ojts näjyawëty tëëjës yowë xy'ëxwa'any ma m'ityën; etsës ojts nmay ntajy ka'apën ntij nijëna'a yë mtsajptëjk n'ëk'ijxnëtyës.