1 Reyes 8:34 - Biblia Dc en Mixe de Quetzaltepec

³⁴ Tun mëyajtën kupëjkë ja jyiiytyäky nyu'kxtakën, pokymyä'kx, tukpaat jatëkok ja nyaax kyajpn ma ja y'aptëjk tsyëënaaytyën.

Biblia Mixe de Quetzaltepec

³⁴ Tun mëyajtën kupëjkë ja jyiiytyäky nyu'kxtakën, pokymyä'kx, tukpaat jatëkok ja nyaax kyajpn ma ja y'aptëjk tsyëënaaytyën.

1 Reyes 8:34 ပူးပေါင်းရင်းမြစ်များ

Amós 7:2

E ko ja mu'u ënety tam tjë'kxta'ajanë ja ujts, ënätës të n'ëna'any: Wintsën, pokymyä'kxtëkës. Ëëtsëty, yë Jacob yë kyajpn, tsip etsës nmëmëta'aktëty ya'atë ëyo'on, jä'ä ko mutsk kajpn ëëtsëty.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Daniel 9:19

Wintsën, Wintsën. Mëtoow'ijtëkës ets pokymyä'kxtëkës. Ni''ijxkëtaktëk ëëtsëty ets min putëjkëtyëkës. Mëët ko mijts mTiosëty ets ko xymyëëtëty yë mnaax mkajpn, ma mxëëw yaja'amyetsyën, këtii mpo'oxy.

Daniel 9:12

Mijts tëëjës xytyuknikäxtë ja ëyo'on jotmay mëjwiin këjää ets të xyaj'atyë jëtu'un ja m'aaw m'ayuk mëti'ipë ojts xyjyanikäjpxyën ma ëëtsëtyën ets ma ja nkutujkpëtëjkëtyësën; jä'ä ko kamaa jëtu'un ëyo'on jotmay kyayaj'ixynyëm tä jam Jerusalén të kyëtä'äkyën.

Jeremias 32:37

Nyajtu'ukmukäämpyës yë jyä'äy mëti'ipë xii yaa muum yajpatëpën wiink naax wiink kajpn, maas nnajtswojpëtyën koos ojts ntukjoot'anpëktë ets jatëkok nyajwinpita'antës ma nyaax kyajpnëtyën ets jam jotkujk jyuuky'atëty.

Jeremias 31:27

Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Salmos 106:47

Yajtsoktëkës ëëtsëty, Wintsën, mijts mëti'ipës nTios'ajtëpën. Yajmujktëk ëëtsëty jënu'un nyajpaatënës naaxjoty kajpnjoty, ets ja mxëëw wa'atspë nwin'ëw nwinya'axtëtyës ets mëët yë xoontakën myajmëjpëjkta'akëty.

1 Reyes 8:30

Mkupëkëp ets mëtowëp ya'atë ayuk mëti'ipë ya'atë mtuunpë yajnajxypyën ets ja naax kajpn ja jyä'ä ma ya'atë tsajptëjkën. Mëtoow'itëp ja jëëytyak nu'kxtakën jam tsajpjotm ma m'ityën mtsëënën ets mooykyës pokymyä'kxën.

Josue 21:43

Jëtu'un'äämpy ojts ja Wintsën tkuuytyuny ja y'aaw y'ayuk ko tmooytyääy ja Israel ja'ayëty ja nyaax kyam, jëtu'un tä ënety të tukwinwanën ja y'ap y'okëty. E ma tääpë ja it naaxwiinyëtën jam ojts tu'ukyë tsyënaaytyaknpëjknëtë.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Génesis 13:15

Ëjts mijts nmo'ojäämpy tu'kë'ëyë ya'atë naaxwiinyëtë mëti'ipë m'ijxypyën ets xëmëkyëjxm mijts mjä'ä'atëp ets näjyëtu'un yë m'u'unk m'ok.

1 Reyes 8:33

Ko ënety ja mëtsip ëxëëk ja mnaax mkajpn tuny mëët ko ja pyoky tkëpety ma të myajmëtëkoyën, ets jyotwinpitëty ets yaa myinëty, mëjëëytya'ak mënu'kxta'ak t'amëtowëty ja poky wimmä'kxën.

1 Reyes 8:35

Ko ënety nëkooyë ja anpë myiinë, mëët ko ja naax kajpn të mëtëkoyë ets jyotwinpitëty ets mëkajpxëtëty ets mwin'ëw mwinya'axëtëty, tjawëty ko tëë tyëkoy, ko tsë'ëkë ja mtëytyu'unën,

Salmos 85:2

tëë mnaax mkajpn xypyokymye'kxy ets tëë xymyä'kxtaayë tëkokyë ja y'ëxëëk'at;

Deuteronomio 30:1

Ko ënety jëtu'un mjaty mkëpety, ma yam të yajnikäjpxyën ja näkyënu'kxë ets ja näpyojkën ets mjootja'tëtëty mëktä'äky ya'atë aaw ayuk jam wiink naax wiink kajpn, ma ja mWintsën të mnajtswop të mnajtskäxëtën.

Deuteronomio 30:4

ja mmëku'uktëjkëty mëti'ipë ënety muum jëkäm yajpatëpën wiink'it wiink naaxwiinyëtë, yë Wintsën nëjkxëp jam yajtsoonëtë ets wyoowmukëtë.

Salmos 106:46

Ojts tyajkutuky ets ja naax kajpn mëti'ipë ënety të myëmëta'akëtën, oy jyëkyäpëtëty ets myëët'atëtëty.