1 Reyes 8:33 - Biblia Dc en Mixe de Quetzaltepec

³³ Ko ënety ja mëtsip ëxëëk ja mnaax mkajpn tuny mëët ko ja pyoky tkëpety ma të myajmëtëkoyën, ets jyotwinpitëty ets yaa myinëty, mëjëëytya'ak mënu'kxta'ak t'amëtowëty ja poky wimmä'kxën.

Biblia Mixe de Quetzaltepec

³³ Ko ënäty ja mëtsip ëxëëk ja mnaax mkajpn tuny mëët ko ja pyoky tkëpety ma të myajmëtëkoyën, ets jyotwinpitëty ets yaa myinëty, mëjëëytya'ak mënu'kxta'ak t'amëtowëty ja poky wimmä'kxën.

1 Reyes 8:33 ပူးပေါင်းရင်းမြစ်များ

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Jonás 3:10

Ojts yë Dios t'ixy ko ja Nínive ja'ay jyotwinpijtë ets t'ëxmajtstë ja ëxëëktu'un ëxëëk kajpxën ets ojts y'ënä'äny ko ka'ap tyajkutëkoyanëpë ja Nínive kajpn jëtu'un tä ënety të tnikäjpxyën.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Salmos 44:10

Mijts të m'ëna'any etsës ja nmëtsiptëjk ka'ap nmëwinpitëty, mëti'ipës xymyëtsip'ajtëpën tëë tmä'tsta'atë winë ets të tmënëjkxtë mëti'ipë tyimtsojktëpën.

Josue 7:8

Wintsën. E tyam ¿tii ayukës ënät npaatëp ma tyam ja Israel ja'ayëty ka'ap ja myëtsip yajmëta'akëtën?

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

1 Reyes 8:34

Tun mëyajtën kupëjkë ja jyiiytyäky nyu'kxtakën, pokymyä'kx, tukpaat jatëkok ja nyaax kyajpn ma ja y'aptëjk tsyëënaaytyën.

Jeremias 36:7

wä'änxyëp tmëpëjktsowtëty yë Wintsën ets tyaj'oyëtëty yë jyot wyinma'any ets tyu'unënëty kyajpxënëty, jä'ä ko yë Wintsën tëë tukjoot'anpëky ya'atë naax kajpn.

1 Reyes 8:47

pën jootwinpijtë ets yaj'o'oyëtëp ja jyot wyinma'anyëty; y'ëna'antëty: Tëë mpokytyu'unëmë ets tëë ntëko'oyëmë, nmëët'ajtëmë ja nëë poky.

1 Reyes 8:48

Pën jootwinpijtëp winë aaw winëjot ma mijtsën ets tu'ukyë ja wyinma'any tpëjkta'aktëty ma ënety jam yajpaatën wiink naax wiink kajpn mëët ko ja myëtsip jam të yajnëjkxëtë ets m'amëtow mpëjktsowëtëty ko wyimpita'antë jatëkok ma ja nyaax kyajpnëtyën mëti'ipë mtukmëwë'ëmën ja y'ap y'okëty ets ja naax kajpn mëti'ipë mijts mwin'ijxën ets jam ja wyinma'any tpëjkta'aktëty ma ja mtsajpjëën mtsajptëjkën, ma mijts m'ity mtsëënën mëti'ipës të nkojyën.