1 Reyes 8:29 - Biblia Dc en Mixe de Quetzaltepec

²⁹ Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

Biblia Mixe de Quetzaltepec

²⁹ Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

1 Reyes 8:29 ပူးပေါင်းရင်းမြစ်များ

2 Crónicas 6:20

Këtii xy'ëxmatsëty ya'atë mjëën mtëjk xëëny koots, ma të m'ëna'anyën ko m'ita'any jap xëmë. Mëtoow'it ya'atë jëëytyak nu'kxtakën mëti'ipë ya'atë mtuunpë yam yajnajxypyën.

Nehemías 1:6

tyam nmënu'kxtä'äky ets xytyunëty ja mëyajtën xymyëtoow'itëty ja nu'kxtakën mëti'ipë xëëny koots ntukmëtoopyën maas nijëëytyä'äky ninu'kxtä'äkyën ja mtuunpë, Israel ja'ayëty. Nja'awëy'ijtypës ko tëëjës mpokytyuntë ma mijtsën; yë'ëpaat yë nteety ntaakës yë y'u'unk y'okëty.

1 Reyes 8:16

maju'unëmës yë nnaax nkajpn njuutyën jap Egiptë, kamaajës tu'uk ja naaxwiinyëtë nkawin'ixynyëm ma ja Israel ja'ayëty tnitänëtën ets jam tu'uk ja tsajptëjk kyojëty, maas ja nxëëw yajja'amyätsëtyën. E yë'ëts yë David, ojtsës yë nwin'ixy ets yë'ë nnaax nkajpnës t'ënä'ämëty.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Daniel 9:18

Wintsën, mëtoow'it; ets ni'ijkëtaktëk ëëtsëty ma o'ktëy njatës nkëpätës ets wi'ix o'ktëy jyäty kyëpetyën yë mnaax mkajpn ma yaja'amyetsyën yë mxëëw. Ëëtsëty yë'ëkyëjxm mijts nmëmëtya'aktë mëët ko xymyëët'aty ja pa'ëyo'owën najts'ëyo'owën ets ka'ap yë'ëkyëjxmëty koos xypyaat xynyitëkëtë ets miits nmëkajpxtëty.

Nehemías 1:9

e ojts näjyëtu'un xynyikäjpxy pën ëëts jootwinpijtëpës ets mpatuuntëpës ja m'ënä'äm mtëyajtën ets oy ëëts axit ako'owë ënety nyajpaatë, koos mpatuntëty ja m'ënä'ämën mtëyajtën, mijts jamës nëjkx xyajtsoontë ets xyajmintës jatëkok ma ja kënu'kxypyën ja naax kajpn ma mijts xywyin'ijxyën ets jam ja mxëëw y'itëty ets yaja'amyatsëty.

2 Crónicas 33:4

ojts jap ëpëky tyaj'oyë ja wintsë'këntyakn ma ja Wintsën ja jyëën tyëjkën ma ënety ja Wintsën të tnikäjpxyën ko jap winë xëëw yajpaata'any ets ko jap ja xyëëw yajmëjjawëty.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

2 Crónicas 20:8

Ko yaa tsyënaaytyaknpëjktë, ënät ojts tu'uk ja tsajptëjk tkojtë ets y'ënantë:

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

2 Crónicas 6:40

E mijts Wintsën, mëti'ipës n'ëwtajtëpën, mëtoow'itëp ja n'aaw n'ayukëtyës mëti'ipë yaa yajyajkpën ma mjëën mtëjkën.

2 Reyes 21:7

Pyëjktak jap ja Aserá ja y'awinax ma ja Wintsën ja jyëën tyëjkën, mëti'ipë ënety ja Wintsën të tnikäjpxyën ma ja David ets Salomón: Ya'atë tsajptëjk, mëti'ipë yaajën Jerusalén, mëti'ipës kë'ëm të nwin'ixyën ma ja Israel ja'ayëtyën, yaa xëmë yajmëjjaw yajaantyjyawëty yë nxëëwës.

2 Reyes 21:4

ojts jap tsajptëkoty, ma ja Wintsën ja tyëjkën tyaj'oyë kanaak ja wintsë'këntyakn, mëti'ipë ja Wintsën ojts tnikäjpxyën ko jämyë ja xyëëw yaj'ëwtatëty ma Jerusalén kajpnën.

2 Reyes 19:16

Mëtoow'it, Wintsën ets ja'akyukë ya'atë ja nnu'kxtakënës, ni''ijxwa'kxkës ets ni''ijxkëtakës. Mëtoow'it mëti'ipë ja Senaquerib të tkäjpxyën, mëti'ipë të tukmëkäxën ja tyuunpë ma ëjtsën ets mijts myajni'oj myajniyaaxë, mijts Dios mëti'ipë juukyën.

1 Reyes 11:36

Je'eyës ja myaank ntukmëwë'ëma'any tu'kkajpn, jëtu'untsës ja tyë'kxën jyajjën ja David, ja ntuunpës y'ijtëwëty ma ja Jerusalén kajpnën; ja kajpn mëti'ipës ojts nwin'ixyën ets jam ja nxëëwës yaja'amyätsëty.

1 Reyes 8:52

Mni''ijxkëta'akëp ja mtuunpë ets ja mnaax mkajpn ko ënety mënu'kxtä'äkyë, m'amëtoow'ijtëp ja nyujkxtakënëty ma mijtsën.

1 Reyes 8:43

Mëtoow'ijtëp ja y'aaw y'ayukëty jam tsajpjotm ma myajpaatyën ets mo'ojëp mëti'ipë ënety m'amëtoow mpëjktsoowëpën. Jëtu'un tu'kë'ëyë ja naax kajpn tnijawëtëty ja mxëëw ko myëkëty ets mwinkutsë'ëkëtëty jëtu'un tä Israel naax kajpn mwinkutsë'ëkëtën ets nëjkx tnijawëtë ko yaa ja mxëëw yajmëjjawë, ma ya'atë tsajptëjkën, mëti'ipë yam të yajkojyën.

Deuteronomio 26:2

Ja aaytyëëm ujtstëëm, ëkë ja aaypyajk ujtspajk mëti'ipë ënety ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënety kë'ëm të twin'ixyën, ko jam yë xyëëw yaj'ëwtatëty yaja'amyätsëty.

Deuteronomio 16:6

Jämyë xyaktëty ma ja it naaxwiinyëtën, mëti'ipë ënety yë'ë kë'ëm të twin'ixyën ets ja xyëëw jam yajmëjjawëty; yë wintsë'kën jënäkyxyëëw mëpaat yë Wintsën mëti'ipë mTiosajtëpën xymyo'otë, ma ja xëëw tyimtun'akëtaknën, jä'ä ko jä'ä xëëw jap mtso'ontë Egiptë.

Deuteronomio 16:2

Ma ja ëmaayxyëëwën yë'ë nëjkx yë Dios xytyukwintsë'ëkëtë yë kupixyny ets tsajpkaato'oxy, jam nëjkx xymyënëjkxtë ma ja it naaxwiinyëtën mëti'ipë ënety yë'ë të twin'ixyën ets jam ja xyëëw yaja'amyätsëty.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënety ntsokyën etsës ja nxëëw mëj jaanty y'itëty.

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë

2 Crónicas 33:7

Wiink awinax ojts jap tsajptëkoty tpëjktaknë ma ja Wintsën ja jyëën tyëjkën, ma ënety ja Wintsën të t'ënëëmën ja David ets ja myaank Salomón: Ya'atë tsajptëjk, mëti'ipë yaa yajpatpën Jerusalén ma tsyëënëtën yë Israel ja'ayëty, ëjts njä'ä'atäämpy ets yaajës yë nxëëw yaja'amyätsëty xëmëkyëjxm.

1 Reyes 9:3

ets y'ënëmaayë: Tëës nmëtoy wi'ix të mkajpxtä'äkyën ets wi'ix të mjëëytyä'äky të mnu'kxtä'äkyën; tyaapë tsajptëjk mëti'ipë të xykyojyën, tëëjës yam nkënu'kxy maas ja xëëw xëmë yajja'amyätsëtyën. Xëmës nkëwent'ata'any ets xëmës nja'amyätsa'any.

1 Reyes 11:13

E kajtsës yam ntimy'ënä'äny ets tëkokyë ntimpyëjkëtya'aja'anyës ja kyutujkën: yë'ëjës ntukmëwë'ëmäämpy tu'uk yë jyä'äy, mëët koos njoot'aty ja mteety ets ja Jerusalén kajpn mëti'ipës kë'ëm nwin'ijxën.

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Deuteronomio 12:14

Ko tii yë Wintsën xytyukwintsë'ëkëja'antëty, jam xymyo'otëty ma ënety yë'ë kë'ëm të twin'ixyën. Jam nëjkx xytyuntë tëkokyë ya'atë mëti'ipë yam të ntuk'ëwaanëtën.

1 Reyes 14:21

Yë Roboam, yë myaank yë Salomón, jam yajkutujky Judá. Wëxtyikxy tu'uk ënety yë jyëmëjt ko tyëjkëy yajkutujkpë, majkmokx mäjtsk jëmëjt ojts tyuny jam Jerusalén kajpnën, ja kajpn mëti'ipë ja Wintsën kë'ëm wyin'ijxën ets jam y'ita'any tsyënëja'any. Yë Roboam tyaak jä'ä ijty xyëëwajtyp Naamá, Amón ja'ay.

Zacarías 12:4

je'eyëp koos nëjkx n'ëtsë'këtyä'äyës ja kwaay ets tsuu poj nyajjajta'aja'anyës ja ja'ayëty mëti'ipë ënety ja kwaay tyuk'u'unyääytyëpën. Nkëwent'atäämpyës yë Judá y'u'unk y'ok ets nyajwiintsëtya'ajäämpyës yë kwaay ma ja naax kajpnëtyën.