1 Reyes 8:27 - Biblia Dc en Mixe de Quetzaltepec

²⁷ Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

Biblia Mixe de Quetzaltepec

²⁷ Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

1 Reyes 8:27 ပူးပေါင်းရင်းမြစ်များ

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

2 Crónicas 2:6

Je'eyëp ko tyaajës jatëkok nmay ntajy, ¿pën jëtääjën ëkmayëtëp tnikojëty yë Wintsën, tyam ni yë'ë tsajp kyamëtä'äky ets jam y'itëty? ¿Ets ëjts ënät tiijës jëtää xy'ëkmayëp, koos ënät nëkoo njamay njatajy jeexyë ja tyëjk nkojë ets yi'iyë jap ja poom jok yajyakëty ets yë'ë yajtukwino'ok yajtukwinxamëty?

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

2 Crónicas 6:18

E kë'ëmtsës yam näyyajtëyë, ko yë Wintsën ¿wä'än jëtää tjëkyepy y'ijtmukëty mëët yë naaxwiinyëtë ja'ayë? Yajnija'ap ko tsajp ets poj yoots ka'ap myëtä'äky mëët yë'ë, e tyam ¿wä'än jëtääjën ënät jap m'ëk'itaanpëtyë ma tu'uk ja tëjkën mëti'ipë mijts të mjayajtuknikojënë?

Deuteronomio 10:14

Yë'ë yajxon nijawëtë, ko yë mWintsënëty yë'ë winë jyä'ä'ajtääpy, wä'än tyë'ëjëty yë pojjotypë, tsajpkëjxmëpë, naaxwiinypë ets tëkokyë jënu'un jää winë yajpaatyën.

Salmos 113:4

Yë Wintsën yë'ë mëj'äämpy ijtp ma naax kajpnën, yë myëj'ajt y'oyajtën wyinajxyp yë tsajp.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

1 Juan 3:1

Ixtë wi'ix ja Dios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Dios tka'ixy'atë.

Hechos 17:24

Ja Dios, mëti'ipë yajkojën ja naax ets tu'kë'ëyë mëti'ipë yaa naaxwiiny ijtpën, yë'ë nyiwintsën'ajtääpy tu'kë'ëyë winë ma ja tsajpën ets ja naaxën. Ka'ap jap y'ity ma ja tsajptëjkën mëti'ipë ja'ay y'oytyuuntëpën

2 Corintios 12:2

N'ixy'ajtës tu'uk ja ja'ay mëti'ipë myëpëjkën ja Kristë, jam jajëmëjt nyijkxy majkmajktsën ma yajmëpa'tëkën ma ja mëtëkëëkpë ja tsajpën. Ka'apës nnijawë pën ojts mëët yajmënëjkxy ja nyi'kx kyopk ëkë yi'iyë ja jya'awën, Dios nyija'ap.

2 Corintios 6:16

Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Salmos 68:33

mëti'ipë jam ënyääpyën tsajpjotm mëti'ipë kë'ëyxyëëw kë'ëyjyëmëjt ijtpën. Mëtoow'itë wi'ix yë y'aaw y'ayuk yajmëtoyën, yë y'aaw y'ayuk mëti'ipë mëj'ajtën mëëtën.

Salmos 148:4

Mmëjpëjkta'ak mijts tsajp ni'ik këjxmëpë yë Wintsën; mijts, nëë mëti'ipë jap tsajpnëkëjxy yajpatpën.

2 Crónicas 2:5

Je'eyëp tëy ko ja tsajptëjk mëti'ipës nkojäämpyën, mëjjës nkoja'any, jä'ä ko yë Wintsën mëj këjää yë ni'ik këtiinëm jyëtu'unëty yë wintsëntëjk jääpë naaxwiinyëtë y'itën.