1 Reyes 8:23 - Biblia Dc en Mixe de Quetzaltepec

²³ ets y'ënäny: Wintsën mëti'ipë yë Israel ja'ayëty y'ëwtajtëpën, kamaa Wintsën jëtu'unpë kyayajpaaty tsajpkëjxm ets naaxkëjxy tä mijtsën, mëët ko mijts mpatuunpy ja m'aaw m'ayuk ets myaj'ijxëp ja m'oyjot m'oywyinma'any ma ja'ayën mëti'ipë ëmuumtu'ukjot mëmëtoowëpën.

Biblia Mixe de Quetzaltepec

²³ ets y'ënäny: Wintsën mëti'ipë yë Israel ja'ayëty y'ëwtajtëpën, kamaa Wintsën jëtu'unpë kyayajpaaty tsajpkëjxm ets naaxkëjxy tä mijtsën, mëët ko mijts mpatuunpy ja m'aaw m'ayuk ets myaj'ijxëp ja m'oyjot m'oywyinma'any ma ja'ayën mëti'ipë ëmuumtu'ukjot mëmëtoowëpën.

1 Reyes 8:23 ပူးပေါင်းရင်းမြစ်များ

2 Samuel 7:22

paatyës njanty y'ënä'äny, ko mijts Wintsën mëj këjää winë xytyuny xykyäjpxy, ka'ap maa wiinkpë jëtu'unpë tä mijtsën; ka'ap maa jëtu'unpë Wintsën tä mijts mWintsën'atyën, mëti'ipës kë'ëm të n'ixtën ets të nnijawëtën.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Dios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

Nehemías 1:5

Ënätës n'ënëmaay: Dios mëti'ipë ijtpën tsajpjotm, ja mëjpë jaantypë ets kutsë'ëkëpë, ko xypyatuny ja mkäjxytyu'unën ma ja ja'ayën mëti'ipë mtsojkëpën ets pyatuumpyën ja m'ënä'ämën mtëyajtën;

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Dios mëti'ipës n'ëwtajtëpën, ka'ap ma wiinkpë jëtu'unpë tä mijtsën.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Jeremias 10:16

Yë Dios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Jeremias 10:6

Wintsën, ni pën kyajëtu'unëty tä mijtsën: Mijts mmëët'ajtyp yë mëj'ajtën, yë mxëëw mëj këjää muum nyäxy ets mmaaytyääyëp winë.

Isaías 40:25

Jëtu'un ja Wintsën Wa'atspë tyajtëy tyam: ¿Tiis mëët xy'ijxkijpxa'antë? ¿Pën xy'ëkmëpaatëpës?

Salmos 113:5

Ni pën tkamëpaaty yë nwintsën'ajtëm Dios, mëti'ipë jam këjxm ënä'ämpën.

Isaías 40:18

¿Tii mëët xy'ëk'ijxkijpxtëty yë Dios? ¿Wi'ix ja y'awinax xy'ëkyajkojëtëty?

Salmos 86:8

Ka'ap ma wiinkpë tios jëtu'unpë tä mijtsën, Wintsën. Ka'ap ma wiinkpë mëti'ipë jëtu'un winë tyuunpyën tä mijtsën.

Salmos 35:10

Täätsës n'ëna'ana'any ëmuumtu'ukjot: ¿Pën jëtu'un tä mijtsën Wintsën? Myaj'ëwaatsëpëtsëëmpy yë ëyoopëja'ay ets mëti'ipë winë yajmëyäjtypyën ma ëxëëk yajtun yaj'ënëëmëtën, ma ja jotmëktëjkëtyën.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

1 Reyes 6:12

Yë'ë yam ntuk'ënëëmëjäämpy mëëtpë ja tsajptëjk tyampë xykyojyën, pën jëtu'un winë xytyuny tääjës ja n'ënä'ämën ntëyajtënës ets mpatuunpy jëtu'un tääjës ja n'aaw n'ayuk të nyajwë'ëmyën,

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 2:4

Jëtu'un ja Wintsën tyaj'atëwëty ja mëti'ipë të xytyukwinwanënës, ko y'ënäny: Pën ja n'u'unk n'ëna'kës oy ets mëtëy winë tuntë ma yë'ëjën, winë aaw winëjot ets tu'ukyë winma'any tu'ukyë winma'any, ka'ap nëjkx tyëkoy'äty pën ja kuttujkën wyinkuwa'akëpën ma ja Israel ja nyaax kyajpnën.

Éxodo 3:15

Ojts yë Moisés näjyëtu'un yë Dios y'ënë'ëmxëty: Jëtu'un xy'ënëëmëty yë Israel ja'ayëty: Yë Wintsën mëti'ipë Tyios'ajtëpën yë m'ap m'okëty, yë Abraham, Isaac ets Jacob, yë'ëjës të xykyexy yaa ma miitsëtyën. Ya'atës jëtu'un nxëëwajtyp xëmëkyëjxm, ya'atës jëtu'un nxëëwajtyp winë xëëw.

Génesis 33:20

Ënet näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

1 Reyes 8:24

Mëët ko tëë xytyuny jëtu'un tä ja nteetyës David xytyukwinwa'anëyën ets y'atëy ya'atë xëëw ja aaw ayuk mëti'ipë ojts xyajwë'ëmyën.

Esdras 1:3

E paatyës yam nyikäjpxy, pën jää yaa pën mëti'ipë jam kukajpn'ajtpën ma Wintsën nyaax kyajpnën, yë Wintsën putëkëtëp ets nyëjkxtëty jam Jerusalén, ma Judá y'itjotmën, ets tkojtëty ja tsajptëjk, ja Wintsën Tsyajptëjk mëti'ipë yë Israel ja'ayëty y'ëwtajtëpën, jä'ä ko tääpë Wintsën yi'iyëm jam kukajpn'ajtp Jerusalén.

Deuteronomio 7:12

Pën mkuuytyuuntëp ya'atë aaw ayuk, mëti'ipë të xy'ixtën. Yë mWintsën Tiosëty, nëjkxëp tniwä'äky ja y'aaw y'ayuk ets tunëty tä ojts tukwinwanën ja m'ap m'okëty.