1 Reyes 8:15 - Biblia Dc en Mixe de Quetzaltepec

¹⁵ y'ënäny: Yë Wintsën kënu'kxy yë xyëëw y'ity mëët ko të tpatuny ja y'aaw y'ayuk tä tukwinwa'anëyën ja David, yë nteetyës, ko t'ënëmaay:

Biblia Mixe de Quetzaltepec

¹⁵ y'ënäny: Yë Wintsën kënu'kxy yë xyëëw y'ity mëët ko të tpatuny ja y'aaw y'ayuk tä tukwinwa'anëyën ja David, yë nteetyës, ko t'ënëmaay:

1 Reyes 8:15 ပူးပေါင်းရင်းမြစ်များ

Lucas 1:68

Kënu'kxy mëjjawë yë Wintsën nyäxy, mëti'ipë ja Israel ja'ay Tyios'ajtëpën, Jä'ä ko tëë tniminy ja nyaax kyajpn ets tyajnitso'oka'any.

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

1 Crónicas 29:10

Ënet ja David ojts tkënu'kxy ja Wintsën ja xyëëw, ma ënety ja mayjyä'äy jam yajpaatën ni'amukë ets y'ënäny: Mëjwiin këjää xëmë nyaxëty ja Wintsën ja myëjxëëw, ja Dios mëti'ipë y'ëwtajtën ja n'ap'ajtëmë Israel.

Lucas 1:70

Yë'ë ja Dios ojts twinwanë mëët ja kyäjpxynyajxpëtëjk,

Salmos 115:18

E ëëtsajtëm yë'ë nmëjpëjkta'aka'anëmë, tyam ets xëmëkyëjxm. Tukxoontä'äky mëjjawë Dios yë xyëëw nyaxëty.

2 Crónicas 6:4

jëtu'un y'ënäny: Kënu'kxy mëjjawë ja Wintsën ja xyëëw y'itëty mëti'ipë ja Israel ja'ayëty Tyios'ajtëpën, jä'ä ko tëë tjanty tyukniwä'äky ja y'aaw y'ayuk tä ojts ja nteetyës David tukwinwanën, ko t'ënëmaay.

Josue 21:45

Nitu'uk ojts ja Wintsën ja y'aaw y'ayuk tkaninaxy, tu'kë'ëyë tkuuytyuuntaay tä ënety të tnikäjpxyën ets të twinwanën ma ja Israel ja'ayëtyën.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Salmos 41:13

Kënu'kxy yë Wintsën y'itëty mëti'ipë yë Israel y'ëwtajtypyën tyam ets xëmëkyëjxm. Jëtu'un'atëp.

2 Crónicas 20:26

Kom taxk xëëw jam myujktë mëj joyjotm ma txëëwatyën Beracá ets jam t'ëwtajtë ja Wintsën. Paaty tyajxëëwpäjtë tampë ja it naaxwiinyëtë Beracá, tyampaat je'eyëm jëtu'un yajtijy.

1 Crónicas 17:12

Yë'ës nëjkx ja ntëjkës tkojy ets nyajmëktakëtyës ja kyutujktakn xëmëkyëjxm.

2 Samuel 7:25

E paaty yam n'ënëëmë, ko xytyunëty yë mëyajtën xëmë y'atëwëty ja oypyë mëti'ipë të xynyikäjpxyën, ko xyaj'ita'any ja nkutujkënës ma ëjtsën ets maas ja n'u'unk n'ëna'kën.

2 Samuel 7:5

Nëjkx jam ma David yajpaatyën ets xy'ënëëmëty koos jëtu'un n'ëna'any: Mijts David, ka'ap mijts mpaatyë ets xykyojëty tu'uk ja tëjk maas ëjts n'itëty ntsëënëtyën.

2 Samuel 6:18

ko tyajwintu'upëjktaay ja wintsë'kën ënät ojts tkënu'kxy ja naax kajpn mëët ja Wintsën ja xyëëw mëti'ipë maaytyääyëpën winë,

1 Crónicas 16:36

Kënu'kxy mëjjawë ja Wintsën ja xyëëw y'itëty, mëti'ipë yë Israel ja'ayëty y'ëwtajtëpën xëmëkyëjxm. Tä ja naax kajpn y'ëtsooy: Jëtu'un'atëp ets tukxoontaktë ja Wintsën.

1 Crónicas 22:10

Yë'ës nëjkx ja ntëjkës tkojy ëjts nxëëwkyëjxmës; n'u'unk nmaankës nëjkx njawë, ets ëjts nëjkx xytyeety'äty ets nëjkxëpës xëmë ja kyutujktakn nyaj'ijtë ma Israel kajpnën.

1 Samuel 25:32

Tä ja David y'ëtsooy: Kënu'kxy mëjjawë yë Wintsën yë xyëëw nyaxëty mëët ko tyam të mkexyë ets yaa të xynyiminyës,