1 Reyes 8:11 - Biblia Dc en Mixe de Quetzaltepec

¹¹ e mëët ko ënety tëë nyitujkta'ay ja tsajptëjk mëët ja yoots, ja teetytyëjkëty ka'ap ojts t'ëkjëkyäjpnë jam kyajpxta'aktëty winkon, jä'ä ko ja Wintsën ja myëj'ajt y'oyajtën tëë ënety ja tsajptëjk tyajtuktuky.

Biblia Mixe de Quetzaltepec

¹¹ e mëët ko ënäty tëë nyitujkta'ay ja tsajptëjk mëët ja yoots, ja teetytyëjkëty ka'ap ojts t'ëkjëkyäjpnë jam kyajpxta'aktëty winkon, jä'ä ko ja Wintsën ja myëj'ajt y'oyajtën tëë ënäty ja tsajptëjk tyajtuktuky.

1 Reyes 8:11 ပူးပေါင်းရင်းမြစ်များ

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Ezequiel 44:4

Ënet ja ye'etyëjk ojts ok xyajnëjkxyës jam anëkëjxmtsow ma ja wiinkpë tëjkëtyaknën, tsajptëjkwintuuy tsyowpë. Täätsës të n'ixy ko tëëtëm yë Wintsën tyajtuktuky yë tsajptëjk mëët yë myëj'ajt y'oyajtën, etsës të nwintä'äky të naaxkoy, koonëmës yë nwinpok të ntukpaaty yë naax.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Ezequiel 43:2

etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.

Apocalipsis 21:11

Janty ajajp janty atë'kxp mëët ja Dios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.

Hechos 7:55

Ja Esteban mooyë ja Kënu'kxymyëkajtën ja kuttujkën ets ja winma'any ets tunëty mëti'ipë ja Dios tsyojkpyën, tää ojts tsajpjotm pya'at'ixy ets t'ijxy ja Dios ja myëj'ajtën jyääntyajtën, näjyëtu'un t'ijxy ja Jesús tyänë Dios y'aka'anytsyow.

Romanos 9:4

Yë'ë u'unk'ajt ok'ajtëtëp ja Israel, ets ja Dios të kyupëkëtë tä y'u'unkën. Yë Dios ojts yajpaaty ma yë'ëjëtyën mëët ja myëj'ajt y'oyajtën, ets myooyëtë ja ënä'ämën ets ja waantakën, näjyëtu'un wi'ix twinjawëtëty twintsë'ëkëtëty ja Dios.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Dios ets tyajtuktujktaay mëët ja myëj'ajt y'oyajtën.

Éxodo 40:35

Jëtu'un'äämpy ojts ka'ap t'ëkjëkyäjpnë ja Moisés jap tyëkëty ma ja wit tëjkën ma ja näpyaatë y'ityën, jä'ä ko ja yoots nëma'a jä'ä ënety jam të nyäkyo'ktaayënë tëjknëkëjxm ets ja Dios ja myëj'ajt y'oyajtën yë'ë ënety të tyajtuktujkta'ay ja tëkot.

1 Reyes 8:10

Je'eyë ja teetytyëjkëty jap pyëtsëëmtë tsajptëkoty tääts ja yoots nyäpyëjktakë tsajptëjk këpajkm,

1 Reyes 8:12

Ënet ja Salomón y'ënäny: Mijts Wintsën, jëtu'un m'ëna'any, ko akootstuuy mtsëënë.

2 Crónicas 5:14

e mëët ko jap wyintujktëkooy tsajptëkoty mëët ja yoots nëma'a, tääts ja teetytyëjkëty ka'ap ojts t'ëkjëkyäjpnëtë wi'ix ja wintsë'kën tkë'ëyaktëty jä'ä ko ja Wintsën ja myëj'ajtën y'oyajtën tëë ënety ja tsajptëjk tyajwintuky.

Salmos 90:16

Mijts myajkutukëp ets mtuunpë yë y'u'unk y'ok t'ixtëty wi'ix winë të xytyuny të xykyäjpxyën ets wi'ix yë mmëj'ajt m'oyajtën y'ityën.

Hageo 2:7

Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Éxodo 29:43

Jamës näpyaata'anyë mëët yë Israel ja'ayëty ets ja it kënu'kxy wyë'ëmëty mëët koos ënety ëjts jap nyajpaaty.

Isaías 6:1

Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Ezequiel 10:4

Ënet ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.