1 Reyes 8:1 - Biblia Dc en Mixe de Quetzaltepec

¹ Ënet ja Salomón ojts tyajtu'ukmuky jam Jerusalén ja mëjja'aytyëjkëty ets kopktëjkëty mëti'ipë ja jyiiky myëku'uk nyikutuunk'ajtëpën, jampë yajpaatën ma ja Israel kajpnën; yë'ë yajtsoonantëp ja Wintsën ja kyaaxë jam Jerusalén, ma ja David ja kyajpnën.

Biblia Mixe de Quetzaltepec

¹ Ënät ja Salomón ojts tyajtu'ukmuky jam Jerusalén ja mëjja'aytyëjkëty ets kopktëjkëty mëti'ipë ja jyiiky myëku'uk nyikutuunk'ajtëpën, jampë yajpaatën ma ja Israel kajpnën; yë'ë yajtsoonantëp ja Wintsën ja kyaaxë jam Jerusalén, ma ja David ja kyajpnën.

1 Reyes 8:1 ပူးပေါင်းရင်းမြစ်များ

1 Crónicas 15:25

Ënet ja David, mëët ja mëjja'aytyëjk ets ja wintsëntëjkëty, mëti'ipë ja tsiptuunpëtëjk y'ënä'ämtëpën, ojts nyëjkxtë jam ma ja Obed-edom ja tyëjkën, ma ja Wintsën ja kyaaxë yajpaatyën ets tmëtsoona'antë mëët ja akujk'ajt jotkujk'ajtën,

1 Pedro 2:6

Paaty näjyëtu'un y'ënä'äny ja Dios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

Salmos 102:21

ets jam ma Sión kopkën, ma Jerusalén kajpnën, yajnikajpxëty ets yajmëjpëjkta'akëty yë Wintsën yë xyëëw

Salmos 9:11

Win'ëw winya'axtë yë Wintsën, mëti'ipë ënä'ämpën jam Sión; tuk'ëwaanëtë yë naax kajpn mëti'ipë të tunyën.

Esdras 3:1

Ko wëxtujk po'o y'apejty ma ja Israel ja'ayëty ënety jatëkok të tpaatën ja nyaax kyajpnëty, ënät tyu'ukmujktaaytyë jam Jerusalén.

2 Crónicas 30:1

Ezequías ojts tuk'ëwa'anëtyä'äy ja naax kajpn mëti'ipë jam yajpatëpën Israel, Judá ets ma ja Efraín ja y'itjotmën ets ja Manasés ets myintëty ma ja tsajptëjkën ma yajnixëëwtuna'anyën ja ëmaayxyëëw, mëti'ipë ja Wintsën xyëëwajtypyën, Israel Tyiosëty.

1 Crónicas 28:1

David ojts tyajmujkta'ay jam Jerusalén tëkokyë ja kutuunktëjkëty, kopktëjkëty ets mëti'ipë kyutënaaytyëpën ja myëku'uktëjk; mëti'ipë tsiptuunpë wintsën'ajtëpën ma yajkutujkpën, mëti'ipë wyintënaaytyëpën ja tsiptuunpëty; mëti'ipë tu'kpëkyjyäty wyintënaaytyëpën ja tsiptuunpëtëjkëty, mëti'ipë ja naax kam yajtuknipëjktën tniwintsën'atëty ets ja jëyujk tsajpkaa ets ja y'u'unk y'ëna'këty ets ja ja'ayëty mëti'ipë ijtëpën naaxjoty kajpnjoty ets tëkokyë ja tsiptuunpëtëjkëty.

1 Crónicas 15:29

Ko ja Wintsën jyajtë ma ja David ja kyajpnën, ënät ja Mical, ja Saúl ja nyëëx, y'ijxpëtsëëmy jam tëjkwinm; ko t'ijxpaty ja David jyänty y'etsy jyänty xyoontä'äky akujk jotkujk, ënätyë ja jyot wyinma'any myä'ty mëët yë'ë.

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënety të tnipëjktaakëtën.

1 Crónicas 11:7

Ënet ja David jam ja kyutujktakn tpëjktäky, ma ja kajpn ënety jemy të tniwä'äkyën mëti'ipë ta'tspëky yajpatpën ets yajxëëwmooy David kyajpn.

1 Reyes 3:15

Ko ja Salomón ojts myä'äywyijy, tääts nyäjya'awëyë ko wiinkumaaptëm ënety. E ko jam jyä'äjty Jerusalén, ënätyë ojts nyijkxy ma ja Wintsën ja kyaaxën ets ja Wintsën tmooy ja wyintsë'kën ma ja näy'ëëw'oy näykyajpx'oyë tuunyën. Ënet tyajkaaytyääy tyaj'uktaay tëkokyë ja tyuunpëtëjk ets ja wyintsëntëjk.

2 Samuel 6:6

Ko jam jyajtë ma tu'uk ja it txëëwatyën Era de Nacón, jam ojts ja tsajpkaa jawäänë tkamëkëtay ja Dios ja kyaaxë ets ja Uza poj'am tmajtsy.

Josue 24:1

Ënet yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

Josue 23:2

Ënet ojts yë Josué tmëkajpxta'ay yë mëjja'aytyëjk, ëna'ktëjk, tsiptuunpëëwintsëntëjk ets tëkokyë yë Israel ja'ayëty, t'ënëmaay: Ëjts tëëjës nmëjja'ayënë ets nxëëw njëmëjtës kujënajknëp ni'ikyë.

1 Reyes 2:10

Ojts ja David y'o'knë, jam nyaaxtëjkëy ma ja y'aptëjk nyaaxtëjkëtyën, ma yajtijyën David ja kyajpn.