1 Reyes 7:8 - Biblia Dc en Mixe de Quetzaltepec

⁸ Ja kutujkëntëjk ma ja Salomón ijty tsyëënën, myëët'ajtyp tu'uk ja nyitëja'aw jap jëxkë'ptsow ets ja tu'uk ja nyitëkot mëti'ipë näjyëtu'un kyojyëtyën. E ja kutujkëntëjk mëti'ipë tyuknikojëyën ja Egiptë yajkutujkpë ja nyëëx, mëti'ipë mëët pyijkyën, nän timjëtu'un ijty kyojyëty.

Biblia Mixe de Quetzaltepec

⁸ Ja kutujkëntëjk ma ja Salomón ijty tsyëënën, myëët'ajtyp tu'uk ja nyitëja'aw jap jëxkë'ptsow ets ja tu'uk ja nyitëkot mëti'ipë näjyëtu'un kyojyëtyën. E ja kutujkëntëjk mëti'ipë tyuknikojëyën ja Egiptë yajkutujkpë ja nyëëx, mëti'ipë mëët pyijkyën, nän timjëtu'un ijty kyojyëty.

1 Reyes 7:8 ပူးပေါင်းရင်းမြစ်များ

1 Reyes 3:1

Yë Salomón ojts tmëku'ukpëky yë faraón, japë y'ëne'emyën Egiptë, jä'ä ko ojts yë Salomón pyiky mëët tu'uk yë nyëëx yë faraón ets ojts jam tyajnëjkxy ma ja David ja kyajpnën, jää it ma ënety jam kyojnyëmën ja këmoontëjk, tsajptëjk ets ja Jerusalén kajpn ja nyapots.

1 Reyes 7:9

Tëkokyë ya'atë tëjkëty mëti'ipë yë Salomón kyojën, yë y'ëjx yë kyopk, yë y'ijxën ets nyitëjkpa'a aak'oy tsyaa ojts mëët yaj'oytyuny mëti'ipë tsetsyën ets pajyën, aakjëtu'un jap jootjoty ets nëkëjxytsyow.

1 Reyes 9:16

Yë Egiptë yajkutujkpë ojts tëkok yë naax kajpn tukja'ty ets ojts tnitëkë yë Guézer kajpn, tääts tjä'äniwany tääpë ja kajpn, wa'ats nino'ktaay winë ets tyaj'o'ktaay ja Canaán ja'ayëty mëti'ipë ënety jam tsënaaytyëpën. Ya'atë kajpn yë'ë ojts tukkë'ëtëkë ja nyëëx tä tu'uk näynyamo'ojën. Jä'ä jëtu'un ja Salomón ja tyo'oxytyëjk.

1 Reyes 9:24

Ja nyëëx ja Egiptë yajkutujkpë ojts jam tsyo'onë ma ja David ja kyajpnën ets ojts nyijkxy ma ja akujktëjkën ma ja Salomón të tyuknikojëtyën. Jamts ja Salomón mëj ja naax t'akojë'ky.

2 Reyes 20:4

E kajnëm ënety ja Jeséas tuknajxta'aynyëm ja tëja'aw mëti'ipë jam yajpatpën ma ja akujktëjkën, ko ja Wintsën ojts myëkäjpxyë ets y'ënëmaayë:

2 Crónicas 8:11

Salomón ojts ja faraón ja nyëëx jam tyajtso'onë ma ja David ja kyajpnën ets ojts tyajnëjkxy ma ja kutujkëntëjkën mëti'ipë ënety të yajtuknikojën; jä'ä ko tyaa ojts myäy tyäjy ko ka'ap yowë y'oy'atëty ko jam tsyëënëty ma ja David ja kyajpnën, mëti'ipë të y'ityën ënä'ämpë yajkutujkpë ma ja Israel kajpnën, jä'ä ko maajaty ënety ja Wintsën ja kyaaxë të yajmënaxyën aak kënu'kxy ja yajpaaty.