1 Reyes 7:51 - Biblia Dc en Mixe de Quetzaltepec

⁵¹ Ko y'apatëtyääy ja tuunk mëti'ipë ënety ja yajkutujkpë Salomón të tni'ënä'ämën ma ja tsajptëjkën, ënät tmënëjkxtaay jap tsajptëkoty ja apëjk atu'unën pu'ts pujxn mëëtpë ets ja poop pujxn mëëtpë mëti'ipë ënety ja tyeety David të tukmëyoxyën ja Wintsën ets jap tpëjktaktaay ma nyipetyën ja Wintsën ja jyä'ä.

Biblia Mixe de Quetzaltepec

⁵¹ Ko y'apatëtyääy ja tuunk mëti'ipë ënäty ja yajkutujkpë Salomón të tni'ënä'ämën ma ja tsajptëjkën, ënät tmënëjkxtaay jap tsajptëkoty ja apëjk atu'unën pu'ts pujxn mëëtpë ets ja poop pujxn mëëtpë mëti'ipë ënäty ja tyeety David të tukmëyoxyën ja Wintsën ets jap tpëjktaktaay ma nyipetyën ja Wintsën ja jyä'ä.

1 Reyes 7:51 ပူးပေါင်းရင်းမြစ်များ

1 Reyes 15:15

ojts jap tsajptëkoty tpëjktä'äky ja pu'ts pujxn ets poop pujxn mëti'ipë ënety yë'ë ets ja tyeety të tuknikoonë'ëkëtën ja Wintsën.

1 Reyes 6:14

Ojts ja Salomón tyaj'apaatë ja tsajptëjk.

1 Reyes 6:9

Ko ja Salomón ojts tkoj'apaatë ja tsajptëjk, yë'ë ojts mëët tyajnituky mëjatyëtypë tëjkkaa aak xeey aak pëky yajxon ets aakyë'ë ajë kepy tyukëwa'ptaay.

2 Reyes 25:15

Näyjyëtu'un ja ja'ay mëti'ipë ja tsiptuunpëtëjk tyu'uwinwoopyën; ojts tyajnëjkxta'ay winë mëti'ipëjaty ja pu'ts pujxn ets ja poop pujxn myëët'ajtypyën: Tä ja jëëntsijtkën ets ja mëj'a'ukënëty.

2 Crónicas 5:1

Ko kyojtaay tëkokyë winë mëti'ipë ënety ja Salomón të tni'ënä'ämën kyojëty ets ja Wintsën jä'ä yajtukmëyoxëty, Salomón ojts jap tsajptëkoty tmënëjkxta'ay winë; ja apëjk atu'unën mëti'ipë aak pu'ts pujxn mëët y'oytyunyëtyën, mëti'ipë ënety ja tyeety David të tukmëyoxyën ja Wintsën ets jap tpëjktaktaay ma ja Wintsën ja jyëën tyëjkën ma jap winë nyipetyën.

2 Crónicas 8:15

Ja ënä'ämën mëti'ipë ënety ja David të tyajwë'ëmyën ojts tpatuunta'atë, ma ja teetytyëjkëtyën, ja Leví ja'ayëty ets ja mëti'ipë meeny pyëjkë'ktëpën.

Esdras 6:15

Ma tyëkëëk anyën yë Adar po'o jää ojts kyoj'apaatë ja tsajptëjk, yë'ë ënety yajkutujkp yë Darío jam Persië.

Éxodo 40:33

Ko ojts jyëjpkëjxtaaynyë, tä ja Moisés yi'iyë tjaakyaj'o'oyëtyääy ja nyitëkja'aw ja wit tëjk ma ja näpyaatë y'ityën ets ja wintsë'këntyakn, ojts ja wit'atëëytyuk tkëxtëy jam ma yajnitëkën ja tëja'aw. Ko ja Moisés tkojtaay ja wit tëjk,

Zacarías 4:9

Yë Zorobabel yë'ë të tyajtso'ontä'äky ya'atë tuunk ma ja tsajptëjk kyojyën ets nän yë'ë nëjkx tyajwintu'upëky. Jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy.