1 Reyes 7:45 - Biblia Dc en Mixe de Quetzaltepec

⁴⁵ Ëpëky ja tu'ts ja jä'pn ets ja tsim, ja texy ets ja apëjk atu'unën. Tëkokyë ya'atë mëti'ipë Hiram yajkojën mëti'ipë ënety ja Salomón të tyuk'ëne'emyën aakpujxn ojts tuk'oytyuunta'ay.

Biblia Mixe de Quetzaltepec

⁴⁵ Ëpëky ja tu'ts ja jä'pn ets ja tsim, ja texy ets ja apëjk atu'unën. Tëkokyë ya'atë mëti'ipë Hiram yajkojën mëti'ipë ënäty ja Salomón të tyuk'ëne'emyën aakpujxn ojts tuk'oytyuunta'ay.

1 Reyes 7:45 ပူးပေါင်းရင်းမြစ်များ

2 Reyes 25:14

Ojts näjyëtu'un tyajnëjkxtë ja kuyjyaam apëjkën, ja jëënjä'pn, ja mëj jä'pn, tëkokyë jënu'un ënety mëët ja ukypyujxn y'oytyunyëtyën mëti'ipë ijty yajtuuntëpën ko kyajpxta'aktë.

2 Crónicas 4:16

ëpëky ja tu'ts, ja jä'pn ets ja jëënpajk wo'kn. Tu'kë'ëyë mëti'ipë yë Hiram ojts tyajkojyën, mëti'ipë ja Salomón mëët tkäjpxy'äjtyën, aakyë'ë tyukyaj'o'oyëy yë tsuxkpujxn, mëti'ipë me'eyëtyën.

Éxodo 27:3

Tëkokyë yë apëjk atu'unën jënu'un tyuna'anyën ma wintsë'këntyaknën aakyë'ë mëët xy'oytyunëty yë tsuxkpujxn: yë nyi'apëjkën ma nyipäta'anyën yë jaam, yë jä'pn, yë mëj a'ukën; jëënmä'tn ets jëëntooytyakn.

Éxodo 38:3

Tu'kë'ëyë ja apëjk atu'unën, mëti'ipë ënety tunaanpën ma ja wintsë'këntyaknën aakmëët yë tsuxkpujxn t'oytyuuntaay, tä ja pujx'akën ma ja jaam yaj'ako'owëtyën ets ja nyijä'pn, ja a'ukën mëjjatyëtypë ets ja wo'kn mëti'ipë ja jëënpajk mëët yajka'apë'ëkëtyën.

Jeremias 52:18

Ojts näjyëtu'un tmënëjkxtë mëti'ipë ja kuyjaam yajtukjä'pën, ma ja kuyjaam nyipetyën, ja jëënpajk jä'pn, ja ka'pn mëti'ipë jëën yajtuka'apyu'kxpën, ja mëj a'ukën, ja mëj jä'pn ets tëkokyë ja apëjk atu'unën, mëti'ipë ënety jap tsajptëkoty tuunpën ko ja wintsë'kën yajyäky.

Zacarías 14:21

Tu'kë'ëyë yë jëënpajk jä'pn, mëti'ipë jam Jerusalén ets Judá yajpatpën, nëjkxëp yajtuknikënu'kxëtyä'äy ja Wintsën, mëti'ipë maaytyääyëpën winë. Mëti'ipë ënety yakantëpën ja wyintsë'kën, yë'ë nëjkx tyajtuntë ets yë'ë nëjkx mëët tsa'atë tno'oktë ja jëyujk ooky. Jä'ä xëëw ka'ap nëjkx jam y'ëk'ijnëtë ja'ayëty mëti'ipë ajuuy ato'ktëpën.