1 Reyes 7:34 - Biblia Dc en Mixe de Quetzaltepec

³⁴ Ja taxkpë ja nyi'tënaaypyäjn mëti'ipë yajpatëpën maajaty ja nyuxën, tu'ukyë mëët y'akojmukyëty ja nëë apëjkën ja y'ënyääypyäjn.

Biblia Mixe de Quetzaltepec

³⁴ Ja taxkpë ja nyi'tënaaypyäjn mëti'ipë yajpatëpën maajaty ja nyuxën, tu'ukyë mëët y'akojmukyëty ja nëë apëjkën ja y'ënyääypyäjn.

1 Reyes 7:34 ပူးပေါင်းရင်းမြစ်များ

1 Reyes 7:30

Tu'ukjaty ja pujxnwintëkäämpë aakjam kyëxmëtä'äky ma ja taxkpë ja tsuxkpujxnën mëti'ipë pikëtyën ets ja tsuxkpujxn ja pikëtypë yë'ë mëët nyämyajts'ityë yë yenypyujxn; nän tsuxkpujxnëmpë. Ma ja pujxnwintëkäämpë ja tyatskën taxkpëkpyë, ma kyëxmëta'aka'anyën ja nëë apëjkën, jap yajpaaty yë tyënaaypyäjn taxkpëky.

1 Reyes 7:33

Jëtu'un pyikëty tä ja kepy wintëkäämpë ye'eypyäjnën. Mëti'ipë ja pikpujxn mëët tyunyën: Ja yenypyujxn, ja piktëkäänpë, ja nyi'awaxk ets mëti'ipë ja pikpujxn myajts'ijtypyën, aak tsuxkpujxn mëët y'oytyunyëty.

1 Reyes 7:35

Ma nyikukë'ëjën pik jam y'ëwa'atsëty jä'ä kyëjxmëty tu'ktsa'atsy; e ja nyipa'awits ets ja pya'a mëti'ipë mëët ja nëë apëjkën ja y'ënyääypyäjn y'oytyunyëtyën, tu'ukyë y'atsaaymyukyëty.