1 Reyes 7:29 - Biblia Dc en Mixe de Quetzaltepec

²⁹ e ma ja nyipa'awitsën mëti'ipë mëët nyämyajts'ityën ja pya'a ojts tyajkëxkojy yë ijxën jëtu'unpë kyëxë'ëkyën tä kaajën ets tsajpkaa yä'äyën ets tsajpjotmëtë kukajpxpëtyën. Anëkëjxytsow ets ëpa'tkë'ëmtsow ma ja tsajpkaayä'äy ets ja kaa kyëxkojyëtyën ojts tyajkëxkojy yë pëjytyä'äky.

Biblia Mixe de Quetzaltepec

²⁹ e ma ja nyipa'awitsën mëti'ipë mëët nyämyajts'ityën ja pya'a ojts tyajkëxkojy yë ijxën jëtu'unpë kyëxë'ëkyën tä kaajën ets tsajpkaa yä'äyën ets tsajpjotmëtë kukajpxpëtyën. Anëkëjxytsow ets ëpa'tkë'ëmtsow ma ja tsajpkaayä'äy ets ja kaa kyëxkojyëtyën ojts tyajkëxkojy yë pëjytyä'äky.

1 Reyes 7:29 ပူးပေါင်းရင်းမြစ်များ

Apocalipsis 5:5

Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Hebreos 9:5

Jam kaaxë nëkëjxm yajpaatë ja querupines këxkojy, mëti'ipë yajknikëxë'ktëpën ja Dios ja myëj'ajtën jyääntyajtën ets tnikë'ëtë ja kaaxë mëët ja kyäknëty. E tyam ka'ap y'ëkkopkpëky'ajnë ets kä'pxy yajnimëtyakta'ajëty.

Oseas 5:14

Tä yë kaa jyëyujk matsyën jëtu'unës yë Efraín ets Judá ntukja'ta'any; je'eyës piw nuuk ntuunta'aja'any etsës nëjkxankojnë; ëxëëkës ntuna'antë ets ka'ap nëjkx pën yaj'ëwaatsëpëtsëmyë.

Ezequiel 10:14

Tu'ukjatypë ja tsajpjotmëtë kukäjpxy taxkpëky tmëëtëty ja wyiin jyëjp: Tu'uk ja wyiin jyëjp jëtu'un kyëxë'ëky tsajpkaajën; tu'uk jëtu'un kyëxë'ëky ye'etyëjkën; tu'uk tä kaajën ets tu'uk tä witsnën.

Ezequiel 1:10

Ja taxk pa'apë ja wyiin jyëjp; tu'kpa'a jëtu'un yaj'ixy ja'ayën; ja a'oytsyowpë jëtu'un yaj'ixy kaajën; ja anajnytsyowpë jëtu'un yaj'ixy tsajpkaajën ets ja jëxkë'ptsowpë jëtu'un yaj'ixy witsnën.

1 Reyes 7:25

Jap ma pya'tkën tsajpkaajën jap tukpa'tpojtsëy aakyë'ë tsuxkpujxn yajtuun; majkmäjtsk ojts tyajkojy, tëkëëk jam nyas'ixë anëkëjxytsyow, tëkëëk apa'tkë'ëmtsow, tëkëëk ma xëëw pyëtsimyën ets tëkëëk ma xëëw kyëtä'äkyën. Ja tyeky jap tyajku'ixë jootjoty, aakjëtu'un nimajkmäjtsk, jamts ja nëë apëjkën kyëxmëtä'äky.

1 Reyes 6:27

Jam yë Salomón tpëjktäky, ma ja tëkotën mëti'ipë kënu'kxyën. Tyaapë ja nimäjtskpë ja kepy tsyetsy jëtu'unpë kyëxë'ëkyën ja'ayën käknmëët, tu'uk ijty yajxon ja tëkot timyajtuktuktë, tu'uk jam ja kyäkn tu'kpa'a tyimja'ty potsywinm ets näjyëtu'un ja tu'uk ets tu'uk pa'a ja kyäkn näjyëtu'un nyäwyinkuja'tëty.

Éxodo 37:7

Mäjtsk ja tsajpjotmëtë kukäjpxy ojts jam tyajkëxkojy aak pu'ts pujxn jëjp'am pa'apa'a. Yajxon tka'tstëëy tpëjktëëy mëët yë pujxnkuwojpën.

Éxodo 25:18

jam nimäjtsk xyajkëxkojëty jëtu'unpë kyëxë'ëkëtyën tä yë tsajpjotmëtë kukajpxpën ets aak pu'ts pujxn mëët xy'oytyunëty, yë'ë mëët yë kuwojpën xytyuunk'atëty.

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

1 Reyes 7:28

Ja pujxnwintëkäämpë ojts ja nyipa'awits tpëjktä'äky mëti'ipë mëët nyämyajts'ityën ja pya'a,

1 Reyes 7:30

Tu'ukjaty ja pujxnwintëkäämpë aakjam kyëxmëtä'äky ma ja taxkpë ja tsuxkpujxnën mëti'ipë pikëtyën ets ja tsuxkpujxn ja pikëtypë yë'ë mëët nyämyajts'ityë yë yenypyujxn; nän tsuxkpujxnëmpë. Ma ja pujxnwintëkäämpë ja tyatskën taxkpëkpyë, ma kyëxmëta'aka'anyën ja nëë apëjkën, jap yajpaaty yë tyënaaypyäjn taxkpëky.