1 Reyes 7:27 - Biblia Dc en Mixe de Quetzaltepec

²⁷ Ojts näjyëtu'un t'oytyuny majk ja nyipujxnwintëkäämpë ma ja nëë apëjkën tyajye'eytyëtyën, aakyë'ë tsuxkpujxn; tu'kxajpkjaty y'ayenyëty, tu'kxajpkjaty myëjwiinëty ets tëkëëk kë'ënux kyëjxmëty.

Biblia Mixe de Quetzaltepec

²⁷ Ojts näjyëtu'un t'oytyuny majk ja nyipujxnwintëkäämpë ma ja nëë apëjkën tyajye'eytyëtyën, aakyë'ë tsuxkpujxn; tu'kxajpkjaty y'ayenyëty, tu'kxajpkjaty myëjwiinëty ets tëkëëk kë'ënux kyëjxmëty.

1 Reyes 7:27 ပူးပေါင်းရင်းမြစ်များ

2 Crónicas 4:14

tääts ma ja majkpë ja potsy xyenyën ets ma ja majkpë ja nëë apëjkënën,

2 Reyes 25:13

Ja caldeo ja'ayëty piw nuuk tuuntaaytyë winëjaty mëti'ipë ënety aak pujxnën, japë y'ityën tsajptëkoty: Tä ja xenyën, potsy'ëjxën ets ma ja nëë y'ityën, wa'ats tyajnëjkxtaaytyë jam Babilonyë.

Jeremias 52:17

Yë Caldeo ja'ayëty piw nuuk tuuntaaytyë ja tsuxkpujxn mëti'ipë jap tsajptëkoty yajpatpën: ja xeny, ja nyi'ëjx ets ja nëë apëjkën mëjpë; ojts tmënëjkxta'atë ja tsuxkpujxn jam Babilonyë.

Jeremias 52:20

Ja tsajptëjk xeny, ja nëë kë'ëpujtakn mëti'ipë ja y'ëjx jëtu'un këxë'kpën tä tsajpkaajën, aak tsuxkpujxnëmpë mëët y'oytyunyëtyën, mëti'ipë ojts ja Salomón tni'ënä'ämën ets jap tyunëty tsajptëkoty, nëkooyë jye'emty'ajnë, ka'ap tjëkyepy yaj'a'ixëty.

2 Reyes 25:16

Ja mäjtskpë ja xeny mëti'ipë yajnikajpxpën ets ja mëjpok ma y'ityën ja nëë, mëti'ipë ja yajkutujkpë Salomón ënety të tuknikojën ja tsajptëjk, yajxon ënety jye'emty'ajnë, ka'ap n'a'ijxëmëty jënu'un jye'emtyëty.

1 Reyes 7:38

Ojts näjyëtu'un majk tyajkojy potsy ma nëë nyikoompätëtyën, aak tsaptspujxn ojts tyajtuny ets jä'ä kyëjxmjatyëty tu'kxajpk ja majkta'px kë'ë'u'unk ets ja nëë jap tyëkë oy nataxtujk mëko'px tsiiyën, tu'ukjaty jam yajpëjktäky ma ënety të yajnipotsëtën,

1 Reyes 7:26

Ja nëë apëjkën tuktujk kë'ëwa'axyën myäjpxyëty, yë nyini'kx jëtu'un yaj'ixy tä pëjyën, ja nëë jä'ä jap tyëkë oy mäjtsk mil ja taxtujk mëko'px ja i'px mäjtsk tsiiyën.

1 Reyes 7:28

Ja pujxnwintëkäämpë ojts ja nyipa'awits tpëjktä'äky mëti'ipë mëët nyämyajts'ityën ja pya'a,

2 Reyes 16:17

Tä ja yajkutujkpë Acaz jam tjëpëjky ja mëti'ipë myajts'ijtypyën ja nëë apëjkën ma jam ja tsajpkaatënaaytyaknën, aak pujxnëpë mëët y'oytyunyëtyën ets jam tsaakëjxm tpëjktäky ets jam y'itëty.

Jeremias 27:19

Ko yë Nabucodonosor yajkutujkpë tmëtso'ony yë Jeconías jam Jerusalén, yë Joaquim yë myaank, mëti'ipë jam ënä'ämpën Judá ets ojts tsumy matsy tyajnëjkxy jam Babilonyë mëët ja kyopktëjkëty mëti'ipë ënety jam Judá yajpatëpën ets Jerusalén, ka'ap ojts tyajnëjkxy ja mäjtskpë ja tsajptëjk xeny ets ja nëë apëjkën mëjpë mëti'ipë mëët yë tsuxkpujxn y'oytyunyëtyën ets ja nyipujxnwintëkäämpë ma ja nëë apëjkën tyajye'eytyën ets ja apëjk atu'unën mëti'ipë jap jaak'ijtpën tsajptëkoty. Yë Wintsën mëti'ipë maaytyääyëpën winë jëtu'un y'ënä'äny, yë'ë nyikäjpxyp tääpë apëjk atu'unën mëti'ipë të wyi'imyën jap tsajptëkoty ets ma Judá yajkutujkpë kyutujktaknën ets jampë Jerusalén.