1 Reyes 6:7 - Biblia Dc en Mixe de Quetzaltepec

⁷ Ma ja tëjk ojts kyojyën aakyë'ë ojts tyuny yë tsaa oytyunypë ets tsetsypë, paaty ko ojts kyojy ja tsajptëjk ka'ap ojts tii nëkooyë y'ëkwojp y'ëka'tsnëtë ets ka'ap ojts nëkooyë tii tpuxtë tka'atstë.

Biblia Mixe de Quetzaltepec

⁷ Ma ja tëjk ojts kyojyën aakyë'ë ojts tyuny yë tsaa oytyunypë ets tsetsypë, paaty ko ojts kyojy ja tsajptëjk ka'ap ojts tii nëkooyë y'ëkwojp y'ëka'tsnëtë ets ka'ap ojts nëkooyë tii tpuxtë tka'atstë.

1 Reyes 6:7 ပူးပေါင်းရင်းမြစ်များ

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Proverbios 24:27

Yajwintu'upëk yë mju'uyën mkëpäjtën jam tu'u'am, yajtu'uye'ey yë mtuunk jam mkamjotm, ets ok yë mjëën mtëjk xykyojëty.

Éxodo 20:25

E pën m'oytyuuntëp yë wintsë'këntyakn mëti'ipë tsaajën, këtii yë'ë xyajtuntëty mëti'ipë tëë yajpuxy yajtsetsyën. Jä'ä ko yë tsaa mëti'ipë tëë yajpuxy yajtsetsyën ka'ap yë y'ëkwa'ats'ajnë ets tu'uk yë wintsë'këntyakn yajtuk'oytyunëty.

Colosenses 1:12

nëjkxëp ja Dios xykyukajpxëtë, mëti'ipë të mtukjatëtën ets xy'ëxajëtëty ja kuma'ayën mëti'ipë myo'ojäämpyën ja nyaax kyajpn të'kxëntuuypyë y'itën.

2 Corintios 5:5

Dios ya'atë jëtu'unpë të xytyuknipëjktakëmë ets të xymyo'oyëm ja Kënu'kxymyëkajtën ets yajnijawëty ko xypyaat'ajtëmë ja oyajtën mëti'ipë minaanpën.

Romanos 9:23

Näy jä'ä ko ënety tyajnikëxë'ëka'any ja myëj'ajt jyääntyajtën ma ja mëti'ipë pya'ëyoopyën, mëti'ipë tyuknipëjktakëpën ets mëët y'itëty ma ja myëj'ajt y'oyajtënën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Isaías 42:2

Ka'ap ya'axa'any jyoka'any, ka'ap nyä'äma'any, nitii tka'ëwa'any tkakajpxa'any në'ëjoty tu'ujoty,

Santiago 1:20

Jä'ä ko ja ja'ay win'äkëpë, ka'ap yë'ë tuny mëti'ipë Dios tsyojkpyën.

1 Reyes 6:6

Ja tëjk mëti'ipë jap ëpa'tkë'pën ojts yajtukpa'akojën, jä'ä myëjwiinëty tu'kxajpk ja tu'kkë'ënux; e ja mëti'ipë itkujky wë'ëmpën, tu'kxajpk ja mäjtsk kë'ënux, e mëti'ipë jam tim'oykyëjxmën, tu'kxajpk ja tëkëëk kë'ënux; jap tëja'ptsow ojts wäänë ja kijpxën tyajmuky këtiipë yu'unk wyë'ëmëty ja tëjkkaa.

1 Reyes 6:8

Ja nyitëjk'aaw ja tëjk mëti'ipë ojts yajtukpa'akojën ja tsajptëjk ëpa'tkë'ëytsyowpyë, a'oytsyow ojts yajpëjktä'äky; e ja nyiye'eypyäjn ja mëmäjtsk nikë'ëpë ets ja mëtëkëëk nikë'ëpë yë'ë ojts tu'uk tpotstë yë nyi'escalerë, nawinjë'ëk tpojtstë.