1 Reyes 6:38 - Biblia Dc en Mixe de Quetzaltepec

³⁸ e ma myajktu'uk jëmëjtpetyën ja kyutujkën, ma ja po'o y'änyën mëti'ipë yajtijpën Bul, mëti'ipë mëtuktujkpo'ojën ma tääpë jëmëjtën, jää ojts ja tsajptëjk yajkoj'apety, jëtu'un tä ënety të tuknipëjktaakëtën. Wëxtujk jëmëjt ja Salomón tuunk'ajty.

Biblia Mixe de Quetzaltepec

³⁸ e ma myajktu'uk jëmëjtpetyën ja kyutujkën, ma ja po'o y'änyën mëti'ipë yajtijpën Bul, mëti'ipë mëtuktujkpo'ojën ma tääpë jëmëjtën, jää ojts ja tsajptëjk yajkoj'apety, jëtu'un tä ënäty të tuknipëjktaakëtën. Wëxtujk jëmëjt ja Salomón tuunk'ajty.

1 Reyes 6:38 ပူးပေါင်းရင်းမြစ်များ

Zacarías 4:9

Yë Zorobabel yë'ë të tyajtso'ontä'äky ya'atë tuunk ma ja tsajptëjk kyojyën ets nän yë'ë nëjkx tyajwintu'upëky. Jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy.

1 Reyes 7:1

Salomón ojts kë'ëm kyumoontëjk tkojy, kom majktëkëëk jëmëjt tkoj'apejty.

Juan 2:20

E ja jutiis ja'ayëty jëtu'un y'ënëmaayëtë: Wëxtyikxy tëtujk jëmëjt ya'atë mëjtsajptëjk të yajkojy, ¿e mijts tëkëëk xëëw xykyoja'anyë?

1 Reyes 6:9

Ko ja Salomón ojts tkoj'apaatë ja tsajptëjk, yë'ë ojts mëët tyajnituky mëjatyëtypë tëjkkaa aak xeey aak pëky yajxon ets aakyë'ë ajë kepy tyukëwa'ptaay.

1 Reyes 6:1

Salomón jää ja tsajptëjk tkojtso'ontä'äky ma ënety mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënety aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

1 Reyes 6:14

Ojts ja Salomón tyaj'apaatë ja tsajptëjk.

1 Reyes 6:37

Ma ënety kyëjääjë taxk jëmëjt yajkutukyën yë Salomón, ma ja po'o y'änyën mëti'ipë tyijtëpën Ziv, jä'ä ojts ja potsy ëjx yajpëjktä'äky, mëti'ipë tsyajptëjk'atäämpyën ja Wintsën,

1 Reyes 9:10

I'px jëmëjt ënety të nyäxy ma ja Salomón tkoj'apatëyën ja tsajptëjk ets ja akujktëjk,

Esdras 5:11

Yë'ëjëty jëtu'un të y'ëtsowtë ko yë'ë y'ëwtajtëp yë Wintsën tsajpkëjxmëpë ets naaxwiinypë y'ityën ets ko tyam yë'ë y'akojëtëp ja tsajptëjk mëti'ipë ojts tëëyëp kyojyën ma yajkutujkyën tu'uk ja mëj'ënä'ämpë ma Israel ja'ayëtyën.

Éxodo 39:32

Ja wit tëjk ma y'ityën ja näpyaatë mëët yë Dios, ojts ja kyojta'ay ets y'apatëtyääy. Ja Israel ja'ayëty jëtu'un ojts t'oytyuntë tä ojts ja Dios tuk'ëne'emyën ja Moisés,

Éxodo 39:42

Yë Israel ja'ayëty jëtu'un ojts kä'pxy t'oytyuunta'atë tä ënety ja Dios të tuk'ëne'emyën ja Moisés.

Éxodo 39:43

Ko ja Moisés t'ijxy, ko ja ja'ayëty mëj këjää të tyuntë, ënät ojts ni'ëmukë tkënu'kxta'ay.

1 Crónicas 28:19

Tëkokyë ya'atë aak këxja'ay myiinta'ay ma tu'uk yë nokyën mëti'ipë ënety yë Wintsën kë'ëm të timnyaskajpxën ets David tkujaaytyääy, ma tnikäjpxyën wi'ix mëpaat ja Wintsën ja jyëën tyëjk yajkojy ets wi'ix ja tuunk tyu'uye'eyëty.

1 Crónicas 28:20

Ënet yë David t'ënëmaay yë Salomón: Amëk jotmëk mtimy'itëty ets oy mtunëty, tuuntsoon. Këtii nëkoo mwinmaaytyëkatsëty ets këtii nëkoo mtsë'ëkëty, jä'ä ko yë nWintsën, ëjts yë nTiosës, mëti'ipës n'ëwtajtypyën yë'ë yajpaataanp mëët mijts xëmë. Yë'ë ka'ap nijëna'a m'ëxmatsa'anyë ets ka'ap mpuwa'ktuta'anyë, koonëm wyimpëtsëm jyëjpëtsëmëty ja tuunk mëti'ipë të xyajtso'ontä'äkyën ma ja Wintsën ja jyëën tyëjk xykyojyën.

2 Crónicas 8:1

I'px jëmëjt ojts nyäxy ma ënety ja Salomón të tkojyën ja tsajptëjk ets ja kyutujkëntëjk,

2 Crónicas 8:16

Tëkokyë mëti'ipë ënety ja Salomón të tuknipëjktaakën tyaj'apaatëja'any ojts jëtu'un y'apatëtyä'äy, tyimtso'ontäky ja potsy ëjx ets koonëm wyimpëtsëëmy jyëjpëtsëëmy. Ja Wintsën ja jyëën tyëjk ojts ja yajkoj'apatëtyä'äy.