1 Reyes 6:36 - Biblia Dc en Mixe de Quetzaltepec

³⁶ Jap tëkotsyow, ojts tyajkojy yë nyitëja'aw, tëkëëkpëky t'apojtstujky, ma tyajtuunyën yë tsaatsetsy ets tu'kwaats yë ajë kepy.

Biblia Mixe de Quetzaltepec

³⁶ Jap tëkotsyow, ojts tyajkojy yë nyitëja'aw, tëkëëkpëky t'apojtstujky, ma tyajtuunyën yë tsaatsetsy ets tu'kwaats yë ajë kepy.

1 Reyes 6:36 ပူးပေါင်းရင်းမြစ်များ

1 Reyes 7:12

Ma ja tëjkwiinën, tëkëëk waats jam nyäxy ja tsaapotsy ets tu'kwaats yë ajë kepy; näjyëtu'un jap tëja'ptsow ets ma ja nyitëjkëtyaknën, ja tëkot ma teetyëjk wyit tuktëkëtën.

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

2 Crónicas 7:7

Salomón ojts näjyëtu'un tkënu'kxy ja tsajptëjk ja nyitëja'aw itkujkpyë yajpaatyën mëti'ipë ënety wintuuytsyow wë'ëmpën ma ja Wintsën ja jyëën tyëjkën, jam ja wintsë'kën tyäjky mëti'ipë nino'oky nixämyën ets näjyëtu'un tkë'ëyäjky ja jëyujk on ja tsajpkaa on, jä'ä ko jam ma ja tsuxkpujxn wintsë'këntyaknën ka'ap ojts y'ëkmëtaknë mëët ja maywyintsë'kën, ja aay ujts, ja aaypyajk ujtspajk ets ja may on mëti'ipë yajktëpën ja ja'ay nino'oky nixämpyë.

2 Crónicas 4:9

Ojts tyajkojy ëpëky tu'uk yë tëkot mëti'ipë ja teetyëjk jyä'ä'atëpën, ëpëky ja mëjtëkot, mëët yë nyitëjk'aaw ets tuknikooytyääy yë tsuxkpujxn.

1 Reyes 6:35

Ojts näjyëtu'un jam tyajkëxkojy yë ja'ayënpë kyëxë'ëkyën, palmera kepyënpë ets pëjyënpë kyëxë'ëkyë, tääts näjyëtu'un tukwinkooy ok yë pu'ts pujxn.

Esdras 6:4

ëpëky tëkëëkwääpy yë tsaapotsy yajnipëjktaakëty ets tëkëëkwääpy yë kepy oyjyätyëtypë. Yë kutuunk yë'ë yakëp ja wit meeny ma ënety myëyätyën.

Jeremias 36:10

Ënet ja Baruc jam tsajptëjk'ëkë'ëm wya'ak'a'awëy, ma ja tëjkëtyaknën mëti'ipë tyijtëpën Jempyë Tëjk Aaw ma ja Guemarías ja tyëjkën, yë Safán yë myaank mëti'ipë jääpyën, ojts tkajpxta'ay tu'kë'ëyë ja Wintsën ja y'aaw y'ayuk mëti'ipë jap miinpën këxja'ay ma ja noky axaatsyën.

Ezequiel 40:28

Ënätës ojts jap xywyoownëjkxy jootjotytsyow ma ja tëja'awën, ëpa'tkë'ëytsyowpë yajpaatyën. Ojts tkijpxy ja tëjk'aaw ëpa'tkë'ëytsyowpë, näjyëtu'un ja kijpxën tmëët'aty tä ja më'ëka'anypyën.