1 Reyes 6:35 - Biblia Dc en Mixe de Quetzaltepec

³⁵ Ojts näjyëtu'un jam tyajkëxkojy yë ja'ayënpë kyëxë'ëkyën, palmera kepyënpë ets pëjyënpë kyëxë'ëkyë, tääts näjyëtu'un tukwinkooy ok yë pu'ts pujxn.

Biblia Mixe de Quetzaltepec

³⁵ Ojts näjyëtu'un jam tyajkëxkojy yë ja'ayënpë kyëxë'ëkyën, palmera kepyënpë ets pëjyënpë kyëxë'ëkyë, tääts näjyëtu'un tukwinkooy ok yë pu'ts pujxn.

1 Reyes 6:35 ပူးပေါင်းရင်းမြစ်များ

1 Reyes 6:18

Ja tëkoty aakyë'ë ojts mëët y'oyëtyä'äy yë ajë kepy, tsetsypë ets xeepyë, ma tu'uktu'uk ja taaplën ojts jam tyajkëxkojtë oyëtypë pëjy ets ijxën. Kamaa ja tsaa kyakëxë'ëky mëti'ipë ënety të yajtukpotsyën.

1 Reyes 6:34

Mäjtsk ajujpminy ja tëjk'aaw ojts kyojy, aak tsiin kepy yajtuuntë aak ëwtijtëp mäjtskpa'ajëty.

1 Reyes 6:36

Jap tëkotsyow, ojts tyajkojy yë nyitëja'aw, tëkëëkpëky t'apojtstujky, ma tyajtuunyën yë tsaatsetsy ets tu'kwaats yë ajë kepy.

1 Reyes 7:26

Ja nëë apëjkën tuktujk kë'ëwa'axyën myäjpxyëty, yë nyini'kx jëtu'un yaj'ixy tä pëjyën, ja nëë jä'ä jap tyëkë oy mäjtsk mil ja taxtujk mëko'px ja i'px mäjtsk tsiiyën.

1 Reyes 7:36

Hiram ojts tyajkëxkojy ja'ay käkn mëëtpë, yë kaa ets tëëxykyepy ma ja xenypya'tkën ets ma ja witsëjëjpën; wi'ixjaty tu'ukjaty tjëkyepy ets ëpëky ojts jam tyajkëxkojy jëtu'unpë tä pëjytyä'äkyën.

2 Crónicas 4:21

ja jëtu'unpë kyëxë'ëkyën tä pëjyën, mëti'ipë pu'ts pujxn mëët y'oytyunyëtyën, ja kutë'kxn ets ja mä'ätë'kn, mëti'ipë aak pu'ts pujxn mëët y'oytyunyëtyën;

2 Crónicas 4:22

tääts ja mëti'ipë ja jëën yajtukpäänpi'tspën, ja mëj'a'ukën, ja jä'pn ets ja jëëntsijtk, aak pu'ts pujxnëpë mëët y'oytyunyëtyën. Näy pu'ts pujxn ënety mëët y'oytyunyëty ja tëjk'aaw ja nyi'akaj, mëti'ipë tëkotytsyowën, mëti'ipë y'akaj'ajtypyën ja tëkot mëti'ipë ëmaayën ets ja tyëjk'akaj ja mëjtsajptëjk.

Salmos 74:6

Tëë tpujxtakta'atë mëti'ipë ënety jap tsajptëkoty yajmëët'ajtpën kënu'kxy, mëti'ipë kepy mëët y'oytyunyëtyën.

Ezequiel 40:16

Tu'ukjaty ja tëjk ojts yajpëjktakta'ay ja nyi'ëwa'atsajtën, jap tëkotsyow yë'ë myëët'ajtyp yë pujxn mëti'ipë y'apëjktujkpyën ets näjyëtu'un ja nyixeny mëti'ipë yajpatpën maajaty yajnitëkën ojts yajpëjktä'äky nyi'ëwa'atsajtën. Näyjyëtu'un ja tëjkwiin ojts yajpëjktä'äky ja nyi'ëwa'atsajtën jootjoty. Ma ja nyixenyën jam ojts kyëxkojy yë tëëxy kepy.

Ezequiel 40:22

Ja tëjkwiin, ja nyi'ëwa'atsajtën ets ja tëëxy kepy mëti'ipë ojts kyojtën jëtu'un ja kyijpxyëty tä ja mëti'ipë jam yajpatpën ma ja tëjkëtyaknën xëëwpëtsëmtsyowpë. Ojts yajpotsy ma yajniyujk ye'eyëtyën, wëxtujk nipät e ja tëjkwiin jap itkujkytsyow ojts wyi'imy.

Ezequiel 41:18

Ojts jam kyëxkojy yë tsajpjotmëtë kukäjpxy ets mëët yë tëëxykyepy, ma nyäwyinkoowmukyën yë tsajpjotmëtë kukäjpxy yë'ë jam yajpatp yë tëëxykyepy. Tu'ukpë ja tsajpjotmëtë kukäjpxy mäjtskpa'a ja wyiin jyëjp tmëëtëty;