1 Reyes 6:29 - Biblia Dc en Mixe de Quetzaltepec

²⁹ Tä jap tëkotyowën ets jap jëxkë'ptsow, ojts ja Salomón tkooyta'ay ja potsy, yajnikojtut jam potsykyëjxm yë kepy yë pëjy jëtu'unpë ja'ay kyëxë'ëkyën käknmëët yowë Wintsën yë kyukäjpxy.

Biblia Mixe de Quetzaltepec

²⁹ Tä jap tëkotyowën ets jap jëxkë'ptsow, ojts ja Salomón tkooyta'ay ja potsy, yajnikojtut jam potsykyëjxm yë kepy yë pëjy jëtu'unpë ja'ay kyëxë'ëkyën käknmëët yowë Wintsën yë kyukäjpxy.

1 Reyes 6:29 ပူးပေါင်းရင်းမြစ်များ

1 Reyes 6:32

Mäjtskëty ja tëjk'aaw aakyë'ë olivë kepy yajtuun ets tkooy mëët yë pu'ts pujxn, ojts näjyëtu'un jam tyajkëxkojy ja'ayënpë kyëxë'ëkyën ets käknmëët, ojts tyajkëxkojy kepy ets pëjy.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Efesios 3:10

Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Dios ja wyijy'ajtën kyejyajtën mëti'ipë kanaakjëjp nikëxë'kpën.

Salmos 148:2

Mmëjpëjkta'aktë yë Wintsën, miitsëty Dios kyukäjpxy. Mmëjpëjkta'aktë yë Wintsën, ninu'un tsajpjotm Dios xymyëtuntë.

Salmos 103:20

Mëjjaw kënu'kxyjyawëtë yë Wintsën miitsëty Dios kukäjpxy ninu'un myaj'ënä'äm myajmëkajpxtën; ninu'un jëjp'ixy myajpaatën ets xymyëmëtowa'antë.

2 Crónicas 3:14

Ojts näjyëtu'un tni'ënä'ämë ets kyojëty ja wit'atëëytyuk, mëti'ipë ukyën, tsaptsën ets linë wit, ojts näjyëtu'un jam tkëxjo'oky ja tsajpjotmëtë kukäjpxy.

1 Reyes 6:18

Ja tëkoty aakyë'ë ojts mëët y'oyëtyä'äy yë ajë kepy, tsetsypë ets xeepyë, ma tu'uktu'uk ja taaplën ojts jam tyajkëxkojtë oyëtypë pëjy ets ijxën. Kamaa ja tsaa kyakëxë'ëky mëti'ipë ënety të yajtukpotsyën.

Éxodo 36:8

Ja ja'ayëty mëti'ipë ni'ik tyukjajtëpën wi'ix winë oy tyajkojtëtyën, këtiinëm jëtu'un ja myëku'ukëty mëti'ipë mëët tyuunmuktën, yë'ë ojts ja Dios ja jyëën tyëjk tkojtë. Majk ja wit'atëëytyuk tyaj'o'oyëtyë mëti'ipë ja y'ujkënën taxkpëky, ojts tyajtuntë ja linë wit awiity tsu'unkpë, ukpyë ets tsaptspë ets ojts jam tyajkëxkojtë mäjtsk ja tsajpjotmëtë kukäjpxy.

1 Reyes 6:28

Ojts yë Salomón tukniku'tsta'ay yë pu'ts pujxn, ya'atë ja ja'aypyën kyëxë'ëkyën käknmëët,

1 Reyes 6:30

Ojts näjyëtu'un tnikooyta'ay ja nyiye'eypyäjn ja tëkot ets ja tëja'aw.

2 Crónicas 3:7

Ojts ja tëkot tukwinpëjkëtyä'äy yë pu'ts pujxn, näjyëtu'un ja witsë, ja tëjkkaa, ja potsy ets ja tëjk'aaw tëjk'akaj, jam potsykyëjxm ojts tyajkojy tu'uk ja awinax käkn mëëtpë.

Salmos 74:6

Tëë tpujxtakta'atë mëti'ipë ënety jap tsajptëkoty yajmëët'ajtpën kënu'kxy, mëti'ipë kepy mëët y'oytyunyëtyën.

Ezequiel 40:16

Tu'ukjaty ja tëjk ojts yajpëjktakta'ay ja nyi'ëwa'atsajtën, jap tëkotsyow yë'ë myëët'ajtyp yë pujxn mëti'ipë y'apëjktujkpyën ets näjyëtu'un ja nyixeny mëti'ipë yajpatpën maajaty yajnitëkën ojts yajpëjktä'äky nyi'ëwa'atsajtën. Näyjyëtu'un ja tëjkwiin ojts yajpëjktä'äky ja nyi'ëwa'atsajtën jootjoty. Ma ja nyixenyën jam ojts kyëxkojy yë tëëxy kepy.

Ezequiel 41:18

Ojts jam kyëxkojy yë tsajpjotmëtë kukäjpxy ets mëët yë tëëxykyepy, ma nyäwyinkoowmukyën yë tsajpjotmëtë kukäjpxy yë'ë jam yajpatp yë tëëxykyepy. Tu'ukpë ja tsajpjotmëtë kukäjpxy mäjtskpa'a ja wyiin jyëjp tmëëtëty;

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.