1 Reyes 6:23 - Biblia Dc en Mixe de Quetzaltepec

²³ Ojts näjyëtu'un t'oytyuny mäjtsk yë kepy tsyetsy jëtu'unpë kyëxë'ëkyën tä Dios kyukexyën, aaktam kyäknëty, aakyë'ë yajtuun olivë kepy mëti'ipë jap itëpën ma ja ëmaaytyëkotën wa'atspë. Jä'ä kyëjxmjatyëty taxk xajpk ja kujkm,

Biblia Mixe de Quetzaltepec

²³ Ojts näjyëtu'un t'oytyuny mäjtsk yë kepy tsyetsy jëtu'unpë kyëxë'ëkyën tä Tios kyukexyën, aaktam kyäknëty, aakyë'ë yajtuun olivë kepy mëti'ipë jap itëpën ma ja ëmaaytyëkotën wa'atspë. Jä'ä kyëjxmjatyëty taxk xajpk ja kujkm,

1 Reyes 6:23 ပူးပေါင်းရင်းမြစ်များ

1 Pedro 1:12

Dios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Isaías 37:16

Wintsën, mëti'ipë maaytyääyëpën winë, ja Israel ja'ayëty ja Tyiosëty mëti'ipë jam ja y'ënyääytyakn myëët'ajtypyën itkujky ma ja Dios kukexyëtyën, mijts tu'ukyë mTios'ajtp ma nitëkokyë yajkutujkpën naaxwiiny naaxkëjxy. Mijts të xyajkojy yë tsajp ets naaxwiinyëtë.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Salmos 18:10

Ënet të tukwä'tspety tu'uk yë Dios kyukäjpxy käkn mëëtpë, ets të myëkääkë'ëkyë pojotm.

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

1 Reyes 6:24

tu'uk pa'ajaty ja kyäkn jä'ä yenyëty tu'kxajpk ja tu'kkë'ënux. Paatykyëjxm ënety y'ayenyëty mäjtsk xajpk ja mäjtsk kë'ënux ko mäjtskpa'a n'akijpxmujkmëty.

1 Reyes 6:31

Ma ja tëkot yajnitëkën mëti'ipë yajtijpën wa'atstëkot kënu'kxytyëkotën, yë'ë tyuk'akaj'ajt, olivë kepy, e ja nyikukap ets ja nyipa'ateeny mäjtskpa'a ets mäjtskpëky jam anëkëjxmtsow nyajxë'ëky, awinax jam yajkoj mëti'ipë mëkoxk yë pya'ajën.

1 Reyes 6:32

Mäjtskëty ja tëjk'aaw aakyë'ë olivë kepy yajtuun ets tkooy mëët yë pu'ts pujxn, ojts näjyëtu'un jam tyajkëxkojy ja'ayënpë kyëxë'ëkyën ets käknmëët, ojts tyajkëxkojy kepy ets pëjy.