1 Reyes 6:1 - Biblia Dc en Mixe de Quetzaltepec

¹ Salomón jää ja tsajptëjk tkojtso'ontä'äky ma ënety mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënety aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

Biblia Mixe de Quetzaltepec

¹ Salomón jää ja tsajptëjk tkojtso'ontä'äky ma ënäty mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënäty aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

1 Reyes 6:1 ပူးပေါင်းရင်းမြစ်များ

1 Reyes 6:2

Ja tsajptëjk mëti'ipë ja Salomón tyuknikojëyën ja Wintsën, jä'ä y'ayenyëty majkmokx xajpk, mëkoxk xajpk myëjwiinëty ets kyëjxmëty wëxtujk xajpk ja mäjtsk kë'ënux.

1 Reyes 6:37

Ma ënety kyëjääjë taxk jëmëjt yajkutukyën yë Salomón, ma ja po'o y'änyën mëti'ipë tyijtëpën Ziv, jä'ä ojts ja potsy ëjx yajpëjktä'äky, mëti'ipë tsyajptëjk'atäämpyën ja Wintsën,

1 Crónicas 29:19

Tun yë mëyajtën, mo'o yë n'u'unk nmaayës Salomón ja oypyë ma'ayën tajën ets ja oypyë jot winma'any, wä'än tyajtu'uye'ey oy tsuj yë tyuunk ma tpatunëtyën ja m'ënä'ämën mtëyajtën, mnë'ë mtu'u ets ja m'aaw m'ayuk ets yë'ë tkuuytyunëty, tkojëty ja mjëën mtëjk mëti'ipës të nitun të niye'eyën.

1 Crónicas 6:10

Johanán yë'ë teety'ajtë Azarías, mëti'ipë tuunën jap tsajptëkoty, mëti'ipë Salomón kyojën jam Jerusalén.

2 Crónicas 3:3

Ja potsy'ëjx mëti'ipë ja Salomón pyëjktakën, jä'ä y'ayenyëty tëkë'px xajpk ets mëkoxk xajpk myëjwiinëty.

Esdras 5:11

Yë'ëjëty jëtu'un të y'ëtsowtë ko yë'ë y'ëwtajtëp yë Wintsën tsajpkëjxmëpë ets naaxwiinypë y'ityën ets ko tyam yë'ë y'akojëtëp ja tsajptëjk mëti'ipë ojts tëëyëp kyojyën ma yajkutujkyën tu'uk ja mëj'ënä'ämpë ma Israel ja'ayëtyën.

Salmos 78:69

Ojts tu'uk yë tsajptëjk tkojy, jëtu'un kyëjxmëty tä tsajpën, jëtu'un tyaj'ita'any xëmëkyëjxm tä yë naaxwiinyëtë y'ijtëyën.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Dios ja nyaax kyajpn tsyo'onë jap Egiptë.

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Ezequiel 41:1

Ënet ojts ja ye'etyëjk xywyoownëjkxyës jap tsajptëkoty ets tkijpxtaay yë xeny; jä'ä myëjwiinëty mäjtskëty mäjtsk xajpk.

Hageo 1:8

Nëjkx jam tunkëjxm kopkkëjxm yajtsoontë yë kepy etsës yë njëën ntëjk xykyojtëty. Ënätës jotkujk näjyawëtëty etsës yë nmëj'ajt n'oyajtën nyaj'ixëtëty.

Zacarías 6:15

Nëjkxëp yë ja'ay muum jëkäm tsyoontë mëti'ipë nëjkx tyuntën ma ënety ja Wintsën ja tyëjk yajkoj'oyën; jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy. Ya'atë tunan jatanëp ko ënety miitsëty xymyëtowtë ets xypyatuntë ja Wintsën ijxtëm të y'ënä'änyën.

Hechos 13:19

Tääts ojts tyajkutëkoy wëxtujkpëky ja naax kajpn mëti'ipë ijtën Canaán ets ja nteety'ajt n'ap'ajtëmë yajmooytyë ja naax.

Hechos 7:47

e ja Salomón yë'ë ojts tkojy ja Dios ja tyëjk.

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

2 Corintios 6:16

Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

Hebreos 11:10

Jä'ä ko ja Abraham jyëjp'ijxyp ënety ets tääpë kajpn ta'tspëky yajpaatëty, ma ja Dios yë'ë yajpaatyën ijxtëm tu'uk ja tëjk kojpën.

Hebreos 9:11

E tëë ja Kristë myiny ets tyam yë'ë nyiteetywyintsën'ajtyp ja oypyë mëti'ipë jää'ajtpën. Wäänë oy ja tsajptëjk ma yë'ë tyeetywyintsënkopk'atyën. Ka'ap jyä'äyëty të tkojy ets ka'ap nyaaxwiinyëtëty yajpaaty,

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Jueces 11:26

Ix jënu'un këjää të nyëjkxnë jëmëjt, tëkëëk mëko'px jëmëjt ma ëëts yaa ntsëënëtën yaa Hesbón, Aroer ets ma mutskëtypë kajpn ets ma ja kajpnën jampë yajpaatën pë'am ma Arnón mëjnëëjën; ¿Wi'ix ko ënätyë të xykyapaye'eytyë pën miitstën yë mjä'äjëty?