1 Reyes 5:6 - Biblia Dc en Mixe de Quetzaltepec

⁶ E mijts yam mpëjktsoopy ets jeexyë xy'ëwa'atsy wä'än jam tyajpuxy yë ajë kepy jam Líbano, mëti'ipë tunëpën ko ja tsajptëjk ënety kyojy. Tyam ëjts kë'ëm yë ntuunpës n'ixëty mëti'ipë pyutëkëtëpën ja mja'ay ma ënety jam ja kepy tyukyën, e mijts kë'ëm mtsowmo'ojëp jënu'un ënety winë tsyoowpaatyën ets nkuju'uymyëty ets näjyëtu'un jënu'un ja mtuunpëtëjk yajmëjuya'antën, jä'ä ko mijts wa'ats xynyijawë ko ëëtsëty ka'apës nijawëtë wi'ix yë kepy yajpuxy yajka'atsy, jëtu'un tä tnijawëtën yë Sidonië ja'ayëty.

Biblia Mixe de Quetzaltepec

⁶ E mijts yam mpëjktsoopy ets jeexyë xy'ëwa'atsy wä'än jam tyajpuxy yë ajë kepy jam Líbano, mëti'ipë tunëpën ko ja tsajptëjk ënäty kyojy. Tyam ëjts kë'ëm yë ntuunpës n'ixëty mëti'ipë pyutëkëtëpën ja mja'ay ma ënäty jam ja kepy tyukyën, e mijts kë'ëm mtsowmo'ojëp jënu'un ënäty winë tsyoowpaatyën ets nkuju'uymyëty ets näjyëtu'un jënu'un ja mtuunpëtëjk yajmëjuya'antën, jä'ä ko mijts wa'ats xynyijawë ko ëëtsëty ka'apës nijawëtë wi'ix yë kepy yajpuxy yajka'atsy, jëtu'un tä tnijawëtën yë Sidonië ja'ayëty.

1 Reyes 5:6 ပူးပေါင်းရင်းမြစ်များ

Génesis 10:15

Canaán, yë Sidón yë tyeety mëti'ipë ojts mëtu'uk t'u'unk'atyën ets Het.

1 Reyes 10:26

Salomón ojts tyajmujkta'ay ja pujxnwintëkäämpë ets ja nyija'ay mëti'ipë yajye'eytyëpën. Mil ja taxk mëko'px ja pujxnwintëkäämpë ets majkmäjtsk mil ja nyija'ay mëti'ipë yajye'eytyëpën ets jam tyajnëjkxtaay ma ja pujxnwintëkäämpë y'itën ets ma ja akujktëjk yajkëwent'atyën jam Jerusalén.

1 Reyes 5:7

Ko ja Hiram tmëtooy wi'ix ja Salomón ja ayuk tyuknikäjxën, janty jotkujk nyäjya'awëyë ets y'ënäny: Yë'ë tëy yë Wintsën, janty kënu'kxy mëjjawë mëpaat yë xyëëw nyäxy, jä'ä ko tëë tyajkutuky ets tyëkëty ënä'ämpë tu'uk yë David yë myaank mëti'ipë ixpëkyën ets wijy kujkën, mëti'ipë mayëtëpën wi'ix ja nyaax kyajpn oy twinye'eyëty.

1 Reyes 6:16

Ojts näjyëtu'un jap tëkotsyow t'apëjktuky, mëkoxk xajpkën ets yajxon t'oytyuuny, ma jap yaj'ëwtatëtyën ja Wintsën, jap ma yajtijyën ëmaaytyëkot, wa'atspë.

1 Reyes 6:20

Ja tëkoty mëti'ipë yajtijpën kënu'kxy, jä'ä ënety y'ayenyëty mëkoxk xajpk, mëkoxk xajpk yë y'ok ets mëkoxk xajpk kyëjxmëty. Jam wyintuuytsyow ma ja tëkot ja kënu'kxypyën, ojts yë Salomón tu'uk tyaj'oyë yë wintsë'këntyakn, ajë kepy yajtuun, ets ojts tuknikoy pu'ts pujxn.

1 Reyes 9:19

Ojts näjyëtu'un t'akojëtyä'äy ja naax kajpn maajaty ënety pëjkë'ëky tyaj'ityën ja aaypyajk ujtspajk ets ja jë'kxy pëky ets maa tyaj'ityën ja pujxnwintëkäämpë mëti'ipë myëtsiptuuntëpën, ma ja tsiptuunpë ja'ayëty y'itën mëti'ipë këwaay'ënyääytyëpën ets tëkokyë mëti'ipë ënety të tuknipëjktaakën tkojja'any jam Jerusalén, jam Líbano ets maajaty ja it naaxwiinyëtë tnitänën.

1 Reyes 9:27

Hiram ojts tyuunpëtëjk tkexy jap kepy nyëëwinyo'opyëjoty, jä'ä kyäjx ja ja'ayëty mëti'ipë nëë'ixyëtyën ets tyukjajtëpën wi'ix ja kepy nëëwinye'epyë tyajjëtitëtyën nëëjoty, tu'ukyë mëët ja Salomón ja tyuunpëtëjk,

1 Crónicas 22:4

pyat may ja kepy, aakyë'ë oyëtypë, ajë kepy ets tsaakepy, jä'ä ko ja ja'ayëty mëti'ipë kukajpnajtëpën Tirë ets Sidón yë'ë may ojts tnamo'otë ja David.

2 Crónicas 1:14

Yë Salomón, may tyajtu'ukmujky yë pyujxnwintëkäämpë ets kwaay. Tu'k mil ja taxk mëko'px ijty yë pujxnwintëkäämpë tmëëtëty ets majkmäjtsk mil yë kwaay. Tëkokyë ya'atë aakjam tkë'ëyajktaay ma ja kajpnën ma ja maypyujxn wintëkäämpë nyipetyën mëti'ipë myëtsiptuuntëpën ets ojts näjyëtu'un tukniwë'ëmy ma ja kyutujktaknën jam Jerusalén.

2 Crónicas 2:10

E mijts yë'ëts mnijawëp, koos ntukniyakëjäämpyës mtuunpëtëjk mëti'ipë ja'axy pyujxtëp ets kepypyujxtëp, ëjts yë'ëjës nyakäämpy taxk millon ja taxk mëko'px mil mëjtsim yë tsajpmok, näjyëtu'un mutsk mok ets taxk mëko'px ja wëxtyikxy myëjtsim yë uuky ets näjyëtu'un yë on.

2 Crónicas 2:8

Jam näjyëtu'un xykyäxëty yë ajë kepy mëti'ipë tso'onpën Líbano ets mäjtskpëky yë oy kepy xykyäxëty: tu'uk mëti'ipë yajtijpën amëxan Ciprés ets tu'uk mëti'ipë yajtijpën amëxan Sándalo, ëjts nija'apës ko mja'ay janty oyëty yë kepy tpuxtë tka'atstë jam Líbano. E ëjts yë nja'ayës oyts näjyëtu'un nëjkx tputëkëtë yë mja'ay

Esdras 3:7

Tääts tkë'ëmooytyääytyë ja wit meeny ja pojtspë ets ja tsäjtspë ets tmooytyääytyë ja kyä'äyënëty y'ukënëty ja ja'ayëty mëti'ipë jam kukajpnajtëpën Tirë ets Sidón ets nëjkx jam Líbano ja kepy tyajtsoontë, mejyjoty tmëmintëty ets tmëja'tëty jam Jope, aakyë'ë ajë kepy, mëët ja mëk'ajtën mëti'ipë ënety ja yajkutujkpë të myo'ojëtën, jampë y'ëne'emyën Persië, mëti'ipë txëëwajtpën Ciro.

Salmos 29:5

yë Wintsën yë y'aaw y'ayuk yajkë'ëtswä'kxyp yë oyëtypë aay kepy. Yë Wintsën yajtëjpy yajwejxpy yë ajë kepy mëti'ipë jamën Líbano.

Zacarías 11:12

Täätsës n'ënëmaaytyë: Pën oy xyjyä'äkyukëtë, mëjuuytyëkës; e pën kajts, ja'atyëkoytyë. Ënätës xymyëjuuytyës, i'px majk xymyooytyës yë poop pujxn meeny.

Romanos 12:17

Pën të mmëtëkoyëtë, ka'ap näjyëtu'un xytyuunwinpitëty. Xëmë tuntë ja oypyë ma ja naax kajpnën.

Efesios 4:7

Tëë ja tuunk nitu'ukjaty n'ëxajëmë mëti'ipë ja Kristë të xymyo'oyëmën.

Deuteronomio 17:16

Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.