1 Reyes 5:1 - Biblia Dc en Mixe de Quetzaltepec

¹ Ko ja Hiram, jampë y'ëne'emyën Tirë, tnija'awëy ko jä'ä ja Salomón të tyëjkënë yajkutujkpë, ja David ja myaank ets tkutëkë ja tyeety; ënät tkejxy ja kyutënääpyë jam ma ja Salomón, jä'ä ko Hiram oy ijty mëët nyäjyawëty yë David.

Biblia Mixe de Quetzaltepec

¹ Ko ja Hiram, jampë y'ëne'emyën Tirë, tnija'awëy ko jä'ä ja Salomón të tyëjkënë yajkutujkpë, ja David ja myaank ets tkutëkë ja tyeety; ënät tkejxy ja kyutënääpyë jam ma ja Salomón, jä'ä ko Hiram oy ijty mëët nyäjyawëty yë David.

1 Reyes 5:1 ပူးပေါင်းရင်းမြစ်များ

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

2 Samuel 5:11

Paatykyëjxm yë Hiram, jampë y'ëne'emyën Tirë tyuknikäjxë jyä'äy, yë Hiram ojts näjyëtu'un tkexy yë jyä'äy mëti'ipë jyajtëpën yë tsäjtsk pujxk ets pojtsk ets ojts tmënëjkxtë oyëtypë aay kepy ets ja David ojts yajkojy ja kyutujkëntëjk.

2 Samuel 8:10

Ënet ja myaank tkejxy jam ma ja David yajpaatyën ets tuknikejxy yë poop pujxn, pu'ts pujxn ets tsuxkpujxn ets tkajpxpo'kxa'any ets tukxoonta'aka'any ko ja David të tyajtëkoy ja Hadad-ézer, jä'ä ko yë Toi xëmë ënety myëmayëty yë Hadad-ézer.

1 Reyes 10:25

Winë jëmëjt ijty nëjkx winë tnamo'otë. Tä ja poop pujxnën pu'ts pujxnën, wit tujkxyën, nijänën, tääts mëti'ipë tyuktsiptuuntëpën yë ja'ayëty, aaynyëë ujts nëë mëti'ipë xu'kpën ets ja jëyujk ëkë kwaay.

1 Reyes 5:10

Ja Hiram ojts ja Salomón tjantymyo'oy ja ajë kepy ets ja tsiin kepy tä ënety tyajmëyätyën,

1 Reyes 5:13

Salomón ojts tyajmuky may yë ja'ay mëti'ipë ja tuunk atsip yajtu'uye'eytyën ma ja kepy ënety jam yaj'apujxtuka'anyën, jä'ä tyajmujky ja ja'ay i'px mil,

1 Crónicas 14:1

Ënet ja Tirë yajkutujkpë, mëti'ipë txëëwajtpën Hiram, tkejxy ja tyuunpë jam ma ja David yajpaatyën ets ojts tkexy näjyëtu'un ja tsäjtspë, pojtspë, tsaa ets kepy oyëtypë mëti'ipë jam yajtunantëpën ma ja David ja tyëjk kyojja'anyën.

2 Crónicas 17:11

Ni'ikyënëm ja filistejë ja'ayëty tmëmiintë winë tä apëjk atu'unënyën, tä pu'ts pujxnën, poop pujxnën ets näynyamo'ojë. Näyjyëtu'un ja Árabe ja'ayëty ojts tmëmintë wëxtujk mil ja wëxtujk mëko'px yë kupixyny ets näjyëtu'un ja tsajppax.

2 Crónicas 2:3

Ënet tnija'ayëy ja yajkutujkpë mëti'ipë txëëwajtpën Hiram, jampë kyukajpnëtyën Tirë, t'ënëmaay: Tun mëyajtën, ntsojkpyës ets näjyëtu'unës xy'oyjawëty tä ojts xy'oyjyawën ja nteetyës David, mijts ojts may xymyo'oy kepy ets t'oytyunëty ja kyutujkëntëjk ma jyuuky'atëtyën.

2 Crónicas 9:26

Ja Salomón jä'ä ijty nyikopk'ajtyp tëkokyë ja yajkutujkpëtëjk mëti'ipë yajpatëpën Éufrates, ma ja filistejë ja'ayëtyën ets mapaat ja Egiptë ja'ayëty ja tsyëpa'anëty y'ëwtitën.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Salmos 45:12

Yë to'oxytyëjk mëti'ipë mëj'äämpy ijtëpën jam Tirë, ets kumeenyjyä'äyëty mëti'ipë muum kajpntum yajpatëpën mayëty winë tmëmintë jä'ä ko yë'ë tsyojktëp ets xy'oyjyawëty.

Salmos 72:8

Wä'än yë'ë t'ënä'ämta'ay yë naaxwiinyëtë ja'ay mapaat yë mëjnëëmejy nyäxyën ets mapaat jyä'tyën, tsyo'onta'akëty jam ma Éufrates mëjnëëjën ets jampaat ma naaxwiinyëtë jyëjpkëxyën.

Salmos 80:12

¿Wi'ix ko nyikemy të xyajkëtaawtaayë ets ënät akujk jotkujk tyëkëtë yë ja'ay mëti'ipë në'ëye'ey tu'uye'eytyëpën ets tuktë ja tsatymtyëëm?

Éxodo 34:24

Ëjts kë'ëmës ntimy'ixkäjxtaja'any wiinkëtypë naax kajpn mijts mwintuuyëty, jëtu'un'äämpyës yë mnaaxëty mkajpnëty nyajmëjëja'any ets ka'ap tjëkyäpëty wi'ix pën tnajä'äniwa'anëty ja mnaax mkamëty ko ënety mnëjkxtë ma ja Wintsënën mëti'ipë mTios'ajtëpën ets mnäywya'këxë'ëkëtëty jam tëkëëk'ok tu'kjëmëjtpë.

Isaías 23:1

Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Ezequiel 19:11

Mëjatyëty ojts xye'enty tpëjktä'äky, ojts yë yajkutujkpëtëjk tajk'atë, këjxm yajxon yoony, jampaat kyu'ujty yootsjotm.

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënety mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.

Lucas 7:5

jä'ä ko tsyojkpy yë nkajpnëtyës ets yë'ë kë'ëm të tkojy yë tsajptëjk.

Deuteronomio 20:11

E pën ja ja'ayëty mëti'ipë jam tsënaaytyëpën kyupëjktëp, ijxtëm ënety m'ëna'antën ets mooyëtëp ja najxtakn ets jam mtëkëtëty kyajpnjotm, yë'ëjëty nëjkxëp mëtunëtë ets ja mëkëtypë ja tuunk nëjkx xytyuktuntë.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.